Giọgis 12:8 - Edo Bible (E Baibol Ẹdo) Version 1996

⁸ E Jẹfta ghi ru ọghe ọe gberra nẹ Ibzan ne ovbi Bẹtlẹhẹm keghi do gha re ọkaolotu Izrẹl.

Giọgis 12:8 ပူးပေါင်းရင်းမြစ်များ

Gẹnẹsis 15:19

Deba otọe avbe Ken, Keniz, Kadomi,

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Matiu 2:1

Ẹvbo Bẹtlẹhẹm ọghe Judia ọre a na biẹ Jesu vbe ẹghẹ ọba Hẹrọd. Vbe ọ ma ghi he kpẹe, avbe emwa eso ni ghe umian vbe orhọnmwẹ, keghi ke odẹ ahọ gha die Jerusalẹm.

Jọsua 19:15

Ẹvbo ni deba ẹre kegha re Kata, Nahalal, Simrọn, Idala kevbe Bẹtlẹhẹm, okpẹvbo iweva kevbe ẹvbo ni lẹga iran.

Giọgis 10:1

Ugbẹn vbe Abimẹlẹk ghi wu nẹ, Tola ne ovbi e Pua kevbe eyẹ Dodo kevbe do miẹn Izrẹl fan. Ovbi ẹwae Isaaka ọre ọ gha khin, rẹn keghi vbe gha rre Siamẹ vbe ẹvbo uhunmwu oke Ifreim.

Giọgis 12:7

E Jẹfta keghi ya ukpo ehan su ivbi Izrẹl, rẹn keghi wu, a na re ẹre ye ẹvbo ẹre vbe Giliad.

Giọgis 12:9

Rẹn kegha mwẹ emọ ikpia ọgban. Ọ keghi viọ ivbi ẹre nii ikhuo ọgban ne emwa ọvbehe ne i re ivbi ẹwae irẹn, ọ keghi viọ emọ ikhuo ọgban kevbe ẹwae ọvbehe rre do viọ ne ivbi ẹre hẹ rọnmwẹ, ukpo ihinrọn ọre Ibzan su Izrẹl la.

Giọgis 17:7

Igbama ọkpa kegha rre Bẹtlẹhẹm vbe Juda, e Livai ne ọ ke Juda rre nọ.

Giọgis 19:1

Vbe ẹghẹ nii, ẹkpo ne Izrẹl i na mwẹ ọba, e Livai ọkpa kegha rrọ vbe odẹ ehe ne ẹvbo oke ọghe Ifreim sẹe fẹẹrẹ, ọ keghi ya zẹ ọse ọkpa vbe Bẹtlẹhẹm ne Juda.

I Samuẹl 16:1

E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”