Giọgis 12:4 - Edo Bible (E Baibol Ẹdo) Version 1996

⁴ Ẹre Jẹfta na viọ ivbi Giliad hia ladian, ọ na gu Ifreim gbinna, ọ keghi khọn miotọ vbe uhunmwu iran. (Emwi ne Ifreim gha ta ọrọre wẹẹ, “Wa ne ivbi Giliad ni rre Ifreim kevbe Manasẹ, te uwa lẹkua hin Ifreim rre.”)

Giọgis 12:4 ပူးပေါင်းရင်းမြစ်များ

I Ọba 17:1

Akhasẹ ọkpa ne a tie ẹre Elaija ne ovbi e Tisbi ne Giliad ke tama Ehab wẹẹ, “Vbe eni e Nọyaẹnmwa ne Osanobua Izrẹl ne imẹ ga, I tama ruẹn nian wẹ amẹ i ghi ra rhọ, evbu i ra ghi vbe tuo ọ te ya sẹ ukpo eha vbe ẹ i re te I fi ẹmwẹ na werriẹ ta.”

Nehimaia 4:4

Mẹ keghi na erhunmwu wẹẹ, “Họn vbene iran ya ima gbe ogie hẹ, Osanobua. Gie ogie ne iran gie ima ẹre vbiẹ iran tobọ iran egbe. Gie oyi hẹ emwi ne iran mwẹ hia, ne a vbe viọ iran oghunmwu gha rrie ẹvbo ẹrrẹ.

Psalm 78:9

Ivbi Ifreim, ni viọ uhanbọ kevbe ifẹnmwẹ keghi lẹ kua vbe ẹdẹ ne a khọn okuo.

Itan 12:13

Ẹmwẹ ne unu ọmwa dan, ọ re a ya khuẹn ifi mu ẹẹn, sokpan, ọmwa esi ghi gha rhie uhunmwu ẹnrẹn ke ẹbe ladian.

Itan 15:1

Ewanniẹn nekhuẹrhẹ ọ re ọ dọ ohu yọ, sokpan, te ẹmwẹ ne ọ wegbe gua ẹe kpao.

Giọgis 11:10

Iran keghi wanniẹn wẹẹ, “Ma gha ru vbene u khare, e Nọyaẹnmwa ọrọre osẹe ima.”

Giọgis 12:3

I ghi miẹn ighẹ wa i ra miẹn mwẹ fan, I keghi rhie uhunmwu mwẹ atataobọ, I na fian ẹzẹ rra ya gu emwa Amọn gbinna. E Nọyaẹnmwa keghi gun mwẹ khọn miotọ vbe uhunmwu iran. De ne uwa ghi ra do gu mwẹ gbinna yi nian?”

Giọgis 12:5

Ivbi e Giliad keghi khọn mu ehe ne a gha na sẹtin fian Jọdan rra, ne ivbi Ifreim ghẹ miẹn ehe na fian ẹn rra. Ovbi Ifreim ghẹ ghi sẹ evba, ọ na gha ho ne irẹn lẹ fua, ọ na wẹ ne iran gie irẹn gberra, iran ghi nọ rẹn wẹẹ, “Ovbi Ifreim we khin ra.” Ọ gha kha wẹ “Ẹn ẹn,”

I Samuẹl 25:10

Vbe okiekie, e Nabal keghi wanniẹn wẹẹ, “E Devid? De Ọmwa ne a tie vberriọ. yi? I ma he họn ẹmwẹ ọnrẹn ẹdẹ. Ẹ i re avbiẹ eviẹn ni lẹkua ọ ghi rre ẹvbo!