Giọgis 12:3 - Edo Bible (E Baibol Ẹdo) Version 1996

³ I ghi miẹn ighẹ wa i ra miẹn mwẹ fan, I keghi rhie uhunmwu mwẹ atataobọ, I na fian ẹzẹ rra ya gu emwa Amọn gbinna. E Nọyaẹnmwa keghi gun mwẹ khọn miotọ vbe uhunmwu iran. De ne uwa ghi ra do gu mwẹ gbinna yi nian?”

Giọgis 12:3 ပူးပေါင်းရင်းမြစ်များ

II Krọnikol 13:12

Osanobua tobọ ẹre ọrọre ọkaolotu mwa, avbe ohẹn irẹn rre emwa na, iran viọ okpe mwẹ iran wa mu egbe ne iran kpe ẹre vbe ẹghẹ ne ọ rhirhi gha khin ne iran ya tie ima gha die okuo ne a ra gu uwa khọn. Izrẹl, wa ghẹ gu e Nọyaẹnmwa ne Osanobua avbe erha uwa odede gbinna. Obọ uwa i sẹtin ke okhunmwu.”

Job 13:14

“Mẹ mu egbe ne I ya rhie uhunmwu da ẹbe.

Psalm 119:109

I mu egbe vbe ẹghẹ hia ne I wu ba ẹre, I ma he mianmian uhi ruẹ.

Ebe ne Pọl gbẹẹn gie emwa Rom 16:4

Iran ni rhie uhunmwu mwẹ atataobọ ba ẹmwẹ mwẹ. Wa gun mwẹ kpọnmwẹ iran, ẹ i re mẹ ọkpa, sokpan kevbe esọsi emwa ne ẹ i re Ju hia.

Arhie Maan 12:11

Esagiẹn Oteghe Ohuan nii kevbe orhu ẹmwata ne iran kpee, ọre avbe etẹn mwa ya khọn miẹn ẹre otọ, iran te wa vbe mu egbe ne iran rhie ẹdẹ agbọn iran ye otọ, ne iran vbe wulo.

Giọgis 11:27

Ẹn o, I ma mwẹ emwi ne I ruẹ re. Emwi dan u ya ẹe ru ne u na mu okuo gun mwẹ. E Nọyaẹnmwa ọ re ọ ra bu ohiẹn. Ọ gha bu ohiẹn ivbi Izrẹl kevbe ivbi Amọn ẹre na.”

Giọgis 12:2

Sokpan, e Jẹfta tama iran wẹẹ, “Mẹ kevbe emwa mwẹ keghi wa gha mwẹ ẹzọ nọkhua vbe obọ ivbi Amọn. I tie uwa sokpan, wa ma fan mwẹ hin obọ ẹre rre.

Giọgis 12:4

Ẹre Jẹfta na viọ ivbi Giliad hia ladian, ọ na gu Ifreim gbinna, ọ keghi khọn miotọ vbe uhunmwu iran. (Emwi ne Ifreim gha ta ọrọre wẹẹ, “Wa ne ivbi Giliad ni rre Ifreim kevbe Manasẹ, te uwa lẹkua hin Ifreim rre.”)

Giọgis 9:17

Wa yerre wẹ te erha mwẹ gbinna ne uwa. Ọ keghi rhie uhunmwu ẹnrẹn mwẹ atataobọ ne ọ miẹn ehe na miẹn uwa fan hin obọ ivbi e Midian rre.

I Samuẹl 19:5

Ọ rhie uhunmwu ẹnrẹn mwẹ atataobọ ya gbe Golaiat, e Nọyaẹnmwa keghi khọn okuo akhọnmiotọ nọkhua ne Izrẹl. Wẹ miẹn ọẹn, ọ keghi ye ẹko rhiẹnrhiẹn ọn, Vbọzẹ ne u gha na ru ọmwa ne ọ ma rukhọ emwi ne ọ ma gba ne u gha na gbe e Devid vbe ne ẹ i na mwẹ emwi nọ zẹe hiehiere?”

I Samuẹl 28:21

Okhuo nii keghi bu ẹre gha khian, ọ keghi miẹn wẹ ọ runraẹn, rẹn keghi rhunmwuda ọnii tama rẹn wẹẹ, “Dọmọ ọ, te I mẹ rhie uhunmwu mwẹ atataobọ vbe I gha ru emwi ne u tama mwẹ ne I ru.