Giọgis 12:1 - Edo Bible (E Baibol Ẹdo) Version 1996

¹ A keghi tie ivbi Ifreim ladian, I iran na fian Ẹzẹ Jọdan rra la Zafọn, iran na tama Jẹfta wẹẹ, “Vbe u a na rhie gberra ya khọn ivbi Amọn hẹ yi vbe ne u ma na tie ima? Te ima ra giẹn owa na yan ruẹn uhunmwu!”

Giọgis 12:1 ပူးပေါင်းရင်းမြစ်များ

Psalm 109:4

Iran ghi gha solo mwẹ owẹ, egbe ne a rhe ya miẹn wẹ, mẹ ho ẹmwẹ iran.

Asan-Ibo 4:4

I vbe rẹn emwi ne ọ si ẹe nẹ, ne emwa na miẹn ẹsọn sẹrriọ vbe agbọn na, ne ọ miẹn ehe na dunna ne iran: emwi ne ọ siẹe ọrọre wẹ emwi ne ogieva iran mwẹ viẹn ye iran aro, sokpan, ọna i vbe mwẹ esa, te ọ yevbe ne a khu ẹhoho khian.

Hozia 13:1

Vbe ẹghẹ nẹdẹ, ẹwae Ifreim gha guaan, ohan ghi mu ẹwae Izrẹl nekpa hia. Ifreim ọ re iran ghe ẹre aro. Sokpan, emwa ni ru orukhọ vbekpa ne iran na ya gha gho e Bal, te iran ra wulo ye aighẹru ne iran ru na.

Iyẹn ne ọ Maan Ọghe Mak 3:24

A deghẹ ẹvbo ọkpa gha egbe ye otu otu gha gu egbe khọn, te ẹvbo nii ra zagha a.

Iyẹn ne ọ Maan Ọghe Jọn 10:32

Jesu tama iran wẹẹ, “Iwinna esiesi ni bun ne Erha viọ mẹ winna ọre I he sirra uwa winna, de ne uwa ra rhunmwuda ẹre filo okuta gbe mwẹ vbọ?”

Jems 3:16

Rhunmwuda, eheikehe ne oya ọmwa da ọmwa ke emwi da mwẹ ye, evba ọre a na miẹn olighi kevbe emwi dan hia.

Giọgis 11:40

ukpukpo ọ re ikhuo vbe Izrẹl ya gha gbe ikpẹdẹ enẹ vbe uhunmwu oke gha khiẹ ne ovbi e Jẹfta ne ovbi Giliad.

Giọgis 12:2

Sokpan, e Jẹfta tama iran wẹẹ, “Mẹ kevbe emwa mwẹ keghi wa gha mwẹ ẹzọ nọkhua vbe obọ ivbi Amọn. I tie uwa sokpan, wa ma fan mwẹ hin obọ ẹre rre.

Giọgis 14:15

Ọ ghi sẹ ikpẹdẹ ne ogienẹ, iran keghi tama amwẹ Samsin wẹẹ, “Rẹrẹ ọdafẹn ọn, ne ọ tama ima emwi ne a ya ibo ẹre kha. A deghẹ u ma ru vberriọ, ma gha mu erhẹn ye owa erha a, ma ghi giẹn ruẹn uan ye uwu ẹre. Te uwa eva tie ima sẹ owa ne uwa miẹn ehe na rha ima ra ẹ i re erriọ?”

Giọgis 15:6

Avbe emwa Filistia keghi nọ wẹẹ, “Gha ọ ru emwi na?” Iran keghi họn wẹ e Samsin ọ re ọ ru ẹe rhunmwuda orruan rẹn ọmwa Timna ne ọ miẹn Samsin amwẹ, ọ na rhie ne ọse ẹre. Ẹre emwa Filistia na gha khian, iran na ya giẹn okhuo nii uan, iran na vbe giẹn owa erha ẹe muotọ.

Giọgis 8:1

Ivbi Ifreim keghi tama e Gidiọn wẹẹ, “Vbọzẹ ne u ma na tie ima yi vbe u ra khọn ivbi Midian? Vbe u a na ru ima vberriọ hẹẹ?” Iran keghi kakabọ gui yọ ẹsẹse.