Giọgis 11:36 - Edo Bible (E Baibol Ẹdo) Version 1996

³⁶ Ọmọ okhuo nii keghi wanniẹn tama rẹn wẹẹ, “A deghẹ u yan ma e Nọyaẹnmwa ru mwẹ emwi ne u khare ighẹ u gha ru. E Nọyaẹnmwa rria emwa Amọn ne avbe eghian ruẹn ikhi nẹ.”

Giọgis 11:36 ပူးပေါင်းရင်းမြစ်များ

II Samuẹl 18:19

Ẹre Ahimaz ne ovbi e Zadọk na khama e Joab wẹẹ, “Gun mwẹ rhulẹ ya na iyẹn oghọghọ na ma ọba wẹ, e Nọyaẹnmwa miẹn rẹn fan vbe obọ eghian rẹn nẹ.”

II Samuẹl 18:31

Ẹre ovbi Sudan ne ọviẹn nii na rre, ọ keghi tama ọba wẹẹ, “Iyẹn oghọghọ ọ re I rhie rre Umogun. Ẹdẹnẹrẹ na, e Nọyaẹnmwa gie obọ ruẹ ke okhunmwu ne iran ni sọtẹ ghe ruẹ!”

II Samuẹl 19:30

E Mẹfibosiẹt keghi wanniẹn wẹẹ, “Gie Ziba kue wa viọ ehia, ẹko e ne uwẹ na werriegbe rri owa vbe ọfumwegbe na vuọn mwẹ Umogun.”

Nọmbas 30:2

Ọmwa gha ve emwi wẹ rẹn gha rhie emwi ne Nọyaẹnmwa, ra te ọ vẹn ihẹn wẹ rẹn gha zobọ vbe emwi eso, ọ ghẹ rhie obọ gberra eyan ne ọ yan rẹn nii, sokpan ọ ghi ru emwi hia vbene ọ kha re wẹ rẹn ra gha ru.

Iwinna 20:24

Sokpan mẹ wa ka uhunmwu mwẹ ye ne ẹ i mwẹ esa, ne I miẹn ehe na khain okhian ne ọ wa mẹ sẹ otọ, ne I vbe winnaẹn fo ighẹ iwinna ne Nọyaẹnmwa Jesu wa mẹ ne I ru, ọnii nọ wẹ ne I ya wewe Iyẹn Ne ọ maa ọghe Ẹsọhẹ Osanobua.

Iwinna 21:13

Sokpan rẹn keghi wanniẹn wẹẹ, “Vbe uwa ru na yi, ne uwa na viẹ ya mu mwẹ orhiọn rueghe? Mẹ mu egbe nẹ, ẹ i re ọghe ne a mu mwẹ gba ọkpa, sokpan ne i wu vbe Jerusalẹm ye ẹmwẹ Nọyaẹnmwa Jesu.”

Ebe ne Pọl gbẹẹn gie emwa Rom 16:4

Iran ni rhie uhunmwu mwẹ atataobọ ba ẹmwẹ mwẹ. Wa gun mwẹ kpọnmwẹ iran, ẹ i re mẹ ọkpa, sokpan kevbe esọsi emwa ne ẹ i re Ju hia.

Filipai 2:30

Rhunmwuda te ọ rhie uhunmwu mwẹ atataobọ, ọ te ra wa wu ba ẹmwẹ iwinna Kristi, ne ọ miẹn ehe na rhie iyobọ mẹ, egbe ne uwa ma sẹtin rhie mẹ.

Jọsua 12:2

Saihọn ọba avbe ivbi Amọri ne ọ gha rre Heshọn, otọ arriọba ẹre keghi ke Aroẹ vbe ọkpẹn Iya ọghe Anọn, kevbe ke adesẹneva iya ni kpao, rhinrin ya sẹ Ẹzẹ Jabọk, ehe ne otọ Ammọn sẹe (ena kegha re vbe a wa otọe Gilian ye ihe eva).