Giọgis 11:26 - Edo Bible (E Baibol Ẹdo) Version 1996

²⁶ Ukpo iyisẹn yan uri (300) ọ re Izrẹl kegha rre Hesbọn kevbe Aroa kevbe ẹvbo ni lẹga iran do deba ẹvbo hia ni rre eghute Ẹzẹ Anọn. Vbọzẹ ne u na ma mu ẹẹn werriegbe ke ẹghẹ nii gha dee?

Giọgis 11:26 ပူးပေါင်းရင်းမြစ်များ

Jerimaia 48:19

Wa ni rre Aroa, wa mudia ye ọkpẹn odẹ ne uwa gha khẹ, wa nọ avbe iran ni lẹ khian, wa nọ iran emwi ne ọ sunu.

Iwinna 13:19

Ọ keghi fuẹn okpẹvbo ihinrọn ruan vbe otọ Kenan, ọ na ya iran ne emwa irẹn khian ni yan otọ nii.

Diuteronomi 2:24

“Ma ghi la Moab gberra nẹ, e Nọyaẹnmwa keghi kha wẹẹ, ‘Banbanna nian, wa si okhian ne uwa ya fian Ẹzẹ Anọn rra. I ra rhie Sihọn ne ovbi Amọri ne ọ re ọba Hesbọn ye uwa obọ, ke ẹe kevbe otọe ẹre, wa suẹn ọnrẹn gha gu khọn ne uwa vbe miẹn re otọ.

Diuteronomi 2:36

E Nọyaẹnmwa ne Osanobua mwa keghi gie ima khọn avbe ẹvbo hia ni rre ke Aroa vbe ọkpẹn Ẹzẹ Anọn kpao rhinrin ya sẹ Giliad mu otọ ke ẹe kevbe avbe ẹvbo ni wa rre ọkpẹn nene ẹzẹ tobọ ẹre. A ma miẹn ẹvbo ne ekẹn ọnrẹn yo gbe ne ima.

Diuteronomi 3:2

Sokpan, e Nọyaẹnmwa keghi tama mwẹ wẹẹ, ‘Ghe gie ohan rẹn mu ẹẹn. I gha rhie irẹn kevbe ẹvbo ẹre hia kevbe emwa rẹn yan ruẹn obọ, u ghi vbe ru ẹe vbene u ru Sihọn ne ovbi Amọri ne ọ rriọba vbe Hesbọn.’

Diuteronomi 3:6

Ma keghi wa rẹnkhẹn ẹvbo nekhua ni hia a, ma na gbele ikpia, ikhuo kevbe ibiẹka ni rrọ hia a, vbene a vbe ru avbe ẹvbo ni re ọghe Sihọn ne ọba Hesbọn.

Jọsua 12:2

Saihọn ọba avbe ivbi Amọri ne ọ gha rre Heshọn, otọ arriọba ẹre keghi ke Aroẹ vbe ọkpẹn Iya ọghe Anọn, kevbe ke adesẹneva iya ni kpao, rhinrin ya sẹ Ẹzẹ Jabọk, ehe ne otọ Ammọn sẹe (ena kegha re vbe a wa otọe Gilian ye ihe eva).

Jọsua 12:5

Otọ arriọba ẹre keghi sẹ Oke Hẹmọn, Saleka kevbe Basan hia, rhinrin ya sẹ Gẹsiọ kevbe uwu avbe Maka deba obọkpa vbe Giliad rhinrin ya sẹ otọ Saihọn ne ọba Hesbọn.

Jọsua 13:10

Otọe hia ne Saihọn ne ọba emwa Amọri kha yan (ọmwa ne ọ gha rre Hesbọn) rhinrin ya sẹ ehe ne otọe Amọri sẹe, keghi rre uwu ẹre.

Jọsua 13:16

Otọe iran keghi ke Aroẹ kpao (vbe ehọ Iya Anọn) kevbe ẹvbo ne ọ rre adesẹneva iya nii, kevbe avbe otọ ni rriẹe hia ni lẹga Mẹdeba.

Jọsua 13:17

E Hesbọn vbe rrọọ kevbe avbe ẹvbo hia ni rre otọe ne ọ rriẹe nii, avbe Dibọn, Bamot, Baal, Bẹt Baalmiọn.

Jọsua 23:1

Ọ ghi kpẹe fua, vbe Nọyaẹnmwa ghi rhie ọfumwegbe ne ivbi Izrẹl nẹ vbe obọ avbe eghian iran ni lẹga iran, e Jọsua vbe khian ọ maẹn ghẹghẹghẹ.

Giọgis 10:8

Vbe ukpo, eva irrọ vbugie, iran keghi siẹn yan ivbi Izrẹl ginna otọ, iran na gha zẹ iran kpokpo ighẹ ivbi Izrẹl ni rre Amọri, odẹ ahọ ọghe Ẹzẹ Jọdan vbe Giliad.

Giọgis 3:11

Ọfumwegbe kegha rre otọe ni la ukpo iyeva, ẹre Otniẹl ne ovbi Keniz ghi na wu.

Giọgis 3:30

Ivbi Izrẹl keghi khọnmiotọ vbe uhunmwu e Moab ẹdẹ nẹdẹrriọ. Ọfumwegbe kegha rre otọe nii la ukpo iyenẹ.

Giọgis 5:31

“Erriọ e Nọyaẹnmwa, te eghian ruẹn hia gha wulo, sokpan ne avbe ọse ruẹ gha wan uwanmwẹ vbe owẹn owiẹ!” Ẹre ọfumwegbe na vbe do gha rrọọ la ukpo iyeva.

Giọgis 8:28

Izrẹl keghi khọnmiotọ vbe uhunmwu e Midian, ọ ma ghi vbe gha re emwi ne ọ si afianma ọvbehe. Otọe nii kegha rre ọfumwegbe la ukpo iyeva vbe ẹghẹ ne Gidiọn na gha rre agbọn.

Giọgis 9:22

Abimẹlẹk keghi rriọba yan Izrẹl la ukpo eha.