Giọgis 11:21 - Edo Bible (E Baibol Ẹdo) Version 1996

²¹ Sokpan e Nọyaẹnmwa ne Osanobua Izrẹl keghi rhie akhọnmiotọ ne iran vbe uhunmwu e Saihọn kevbe emwa rẹn hia. Ẹre Izrẹl ghi na mu otọe ni re ọghe emwa Amọri vbe ẹvbo nii.

Giọgis 11:21 ပူးပေါင်းရင်းမြစ်များ

II Krọnikol 13:16

Ivbi Izrẹl keghi lẹ kua vbe odaro ivbi e Juda, Osanobua keghi gie obọ ivbi e Juda ke ukhunmwu ne iran.

II Krọnikol 13:5

Wa ma rẹn wẹ ile etẹbitẹ ọ re Nọyaẹnmwa gu e Devid ta wẹ rẹn kevbe ivbi ẹre ọ re ọ gha rriọba yan Izrẹl ẹdẹdẹmwẹdẹ.

Ẹksọdọs 23:31

I gha mwa otọ uwa ne ọ ke okun Akaba ya sẹ Okun Meditẹrrenian kevbe ke ato ya sẹ Ẹzẹ Yufretes. I gha rhie uwa obọ yan emwa ẹvbo nii uhunmwu, wa ghi vbe khulo iran hin odaro uwa rre vbe uwa a gha nana sikẹ odaro.

Emọs 2:9

“Vberriọ, rhunmwuda uwa, wa ne emwa mwẹ, ọ re I na fuẹn iran an fẹẹrẹ ighẹ ivbi Amọri, emwa ni zogọ zẹ vbe erhan isida, iran keghi vbe wegbe zẹ vbe okan.

Nọmbas 21:24

Sokpan ivbi Izrẹl keghi gbele nibun vbe uwu iran ne eghian nii vbe okuo, iran na yin otọe iran, ke Ẹzẹ Anọn ne ọ rre odẹ okuọ ọghe Jabọk ya sẹ Jazẹ vbe ehe ne otọe Amọn sẹe.

Diuteronomi 2:32

E Sihọn keghi viọ emwa rẹn ladian bu ima gha dee ne iran do gu ima gbinna vbe ọkpẹn Jahaz.

Jọsua 6:2

E Nọyaẹnmwa keghi tama e Jọsua wẹẹ, “Danmwehọ, te I ra mu e Jẹriko nuẹn ke ẹe kevbe ọba ẹre kevbe ivbiyokuo ẹre ni wegbe.

Giọgis 11:20

Sokpan e Saihọn ma gie ivbi Izrẹl ru ẹẹ. Ọ keghi si ivbi iyokuo ẹre hia koko, iran na bu agọ ye Jahaz, iran na dekun Izrẹl.