Giọgis 11:18 - Edo Bible (E Baibol Ẹdo) Version 1996

¹⁸ Ẹre iran na ye gha khian vbe uwu ato. Iran keghi bi egbe ne otọe Idọm kevbe Moab, iran keghi do sẹ odẹ ahọ ọghe Moab vbe obọ nọkpa ọghe Ẹzẹ Anọn. Iran keghi bu agọ ye evba sokpan, iran ma fian Ẹzẹ Anọn rra rhunmwuda evba ọrọre uwu Ọghe Moab.

Giọgis 11:18 ပူးပေါင်းရင်းမြစ်များ

Nọmbas 20:22

Ivbi Izrẹl hia keghi kpao vbe Kedẹs, iran na do sẹ uhunmwu oke Họ.

Nọmbas 22:36

Ugbẹn vbe Balak ghi họn ighẹ Balam dee, ọ keghi khian ya vba ẹre vbe Ar ne ọ rre Ẹzẹ Anọn vbe ehe ne otọe Moab sẹe.

Diuteronomi 2:18

ẹdẹnẹrẹ na, wa ghi wa ya la odẹ Ar la otọe Moab gberra.

Diuteronomi 2:24

“Ma ghi la Moab gberra nẹ, e Nọyaẹnmwa keghi kha wẹẹ, ‘Banbanna nian, wa si okhian ne uwa ya fian Ẹzẹ Anọn rra. I ra rhie Sihọn ne ovbi Amọri ne ọ re ọba Hesbọn ye uwa obọ, ke ẹe kevbe otọe ẹre, wa suẹn ọnrẹn gha gu khọn ne uwa vbe miẹn re otọ.

Diuteronomi 2:9

“Ẹre Nọyaẹnmwa na tama mwẹ wẹ, ‘Wa ghẹ kpokpo ivbi e Moab ne ivbi e Lọt, ra ne uwa suẹn iran ne a gu gbinna. Mẹ mu ẹvbo Ar ne iran nẹ, mẹ i ra mu ne uwa vbe otọe iran hiehiere.’