Giọgis 11:16 - Edo Bible (E Baibol Ẹdo) Version 1996

¹⁶ ẹghẹ ne ivbi Izrẹl na kpao vbe Igipt, iran na la ato ya sẹ Okun Iranmwiran, iran na do sẹ Kedẹs.

Giọgis 11:16 ပူးပေါင်းရင်းမြစ်များ

Gẹnẹsis 14:7

Iran keghi fi ọdelegbe, iran na gha die Kedẹs (Enmispat ọre a tie ẹre ẹghẹ nii), iran keghi khọn otọ Amẹlẹk hia muotọ kevbe ọghe Amọn ni rre Hazazọn-tama.

Nọmbas 13:26

e Mosis, Errọn kevbe ivbi Izrẹl hia gha die Kedẹs vbe ẹgbo Paran. Iran keghi na iyẹn emwi ne iran miẹn, iran na vbe mu ọmọ erhan ne iran viọ rre ma iran.

Nọmbas 14:25

Otọe iya ni ne emwa Amalẹk kevbe Kenan ye na. Vbe ẹdẹ na khuẹ, wa werriegbe, wa ya ọdelegbe la odẹ Okun Irunmwu la uwa ẹgbo.”

Nọmbas 20:1

Vbe uki ne okaro, ivbi Izrẹl hia keghi do sẹ ẹgbo Zin, iran na bu agọ ye Kedẹs. Evba ọre Miriam na wu, a keghi re ẹre.

Nọmbas 20:4

Vbọzẹ ne uwa na hẹ ima la ẹgbo? Ẹre te ima vbe emwirri ra wulo na?

Diuteronomi 1:40

Sokpan wa na, wa fi egbe werriegbe ne uwa dọlegbe gha rrie uwu ato vbe odẹ Okun iranmwiran.’

Diuteronomi 1:46

“Ọnii ọ siẹe ne ima na mudia kpẹe sẹrriọ vbe Kedẹs.

Jọsua 5:6

Ukpo iyeva ọre ivbi Izrẹl ya gha fian ato rra. Vbe ẹghẹ na, avbe ikpia ni sẹe ni yo okuo, ni kpao vbe Igipt rre, wulo nẹ rhunmwuda, iran ma họn ẹmwẹ e Nọyaẹnmwa. Ọ keghi tama iran wẹ rẹn i gie iran sẹ otọe esiesi ne ọ maa emwiokọ nii ne irẹn ve avbe erha iran odede re wẹ rẹn gha mu ne ima.

Giọgis 11:15

ne iran ya wanniẹn ọre ẹmwẹ wẹẹ, “Izrẹl ma mu otọ Moab ra ọghe Amọn. Emwi ne ọ sunu ọrọre wẹ,