Giọgis 11:11 - Edo Bible (E Baibol Ẹdo) Version 1996

¹¹ Ẹre Jẹfta ghi na lele avbe ọkaolotu nii gha rre Giliad, iran ke ya ẹe ru ne ọ khaemwisẹ kevbe olotu iran. E Jẹfta keghi hẹnhẹn unu emwi hia vbe Mizpa, vbe odaro e Nọyaẹnmwa.

Giọgis 11:11 ပူးပေါင်းရင်းမြစ်များ

II Kọrinti 3:5

Rhunmwuda emwi rhọkpa i rre uwu ima ne ima gha sẹtin la ekpa ẹre kha wẹ ma sẹe ne ọ gha winna iwinna na. Ẹtin ne a ya sẹtin ruẹe ne ima mwẹ, obọ Osanobua ọre ọ ke rre.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.

Jọsua 15:38

E Dilian, Mispa, Joktil,

Giọgis 10:17

Ẹre ivbi iyokuo Amọn na si egbe koko, iran na do bu agọ vbe Giliad. Ivbi Izrẹl keghi vbe si egbe koko iran na bu agọ vbe Mizpa vbe Giliad.

Giọgis 11:12

Ẹre Jẹfta na gie uhunmwu gie ọba Amọn wẹẹ, “De ẹzọ ne u gu ima gui yi? Vbọzẹ ne u na mu okuo la ẹvbo mwẹ?”

Giọgis 11:29

Ẹre orhiọn e Nọyaẹnmwa na hin yan Jẹfta. Ọ keghi la Giliad ya sẹ Manasẹ, ọ na vbe werriegbe gha die Mizpa, vbe Giliad. Ọ na ke evba gha rrie Amọn.

Giọgis 11:34

E Jẹfta ghi dọlegbe die Mizpa ovbi ẹre ne okhuo keghi ladian, ọ na rhie ukusẹ ọ na gha ku bu ẹre dee. Ọmọ ọkpa kẹkan ne ọ mwẹ ọ re wa nọ, ẹ i ghi mwẹ ọmọ okpia ra ọmọ okhuo ọvbehe.

Giọgis 20:1

Ivbi Izrẹl hia fẹẹrẹ, ke Dan vbe odẹ okuọ ya sẹ Biẹsiẹba vbe odẹ ekẹn kevbe otọ Giliad vbe odẹ ahọ, ehia keghi khuẹnniẹn utiemwẹ na. Iran keghi wa si koko ye odaro e Nọyaẹnmwa vbe Mispa.

I Samuẹl 10:17

E Samuẹl keghi tie emwa nii hia si koko vbe Mizpa ne iran ru ugamwẹ.

I Samuẹl 11:15

Ẹre iran hia na gha rrie Gilgal, evba nii, vbe ehe ne ọ huanrẹn, iran keghi ma e Sọl ọba. Iran keghi si isara, e Sọl kevbe ivbi Izrẹl keghi ghọghọ ye emwi ne ọ sunu na.

I Samuẹl 8:21

E Samuẹl keghi danmwehọ ẹmwẹ hia ne iran ta ẹe, ọ na ya na ehia ma e Nọyaẹnmwa.