Giọgis 11:1 - Edo Bible (E Baibol Ẹdo) Version 1996

¹ E Jẹfta ne ovbiyokuo ne ọ ke e Giliad rre kegha re ovbiyokuo ne ọ din ẹsẹse. A vbe tie erha ẹe Giliad, iye ẹe kegha re ebabotu.

Giọgis 11:1 ပူးပေါင်းရင်းမြစ်များ

II Ọba 5:1

E Naaman ne ọkaokuo e Siria kegha re ọmwa ne ọba e Siria daa na kevbe ne ọ vbe ye ọghọ na, rhunmwuda, akhọnmiotọ ni bun ọ re Nọyaẹnmwa he la obọ e Naaman rhie ne Siria. Ovbiyokuo nọkhua wa nọ, sokpan ọ kegha khuọnmwi alalọ.

Hibru 11:32

Ne I ye gha kọ ẹre khian ra? Ẹghẹ i ghi sẹ mwẹ ya kpa itan ọghe Gidiọn, Barak, Samsin, Jẹfta, Devid, Samuẹl kevbe avbe akhasẹ.

Giọgis 10:18

Emwa kẹkan avbe ọkaolotu Giliad keghi nọ egbe iran ọta wẹẹ, “De ọmwa ne ọ gha ke odaro ne a ya gu ivbi Amọn gbinna? Rẹn ọ re ọ khian gha re ọkaolotu emwa ni rre Giliad hia.”

Giọgis 11:2

Okhuo ne Giliad rhie ye owa kevbe biẹlẹ ne ẹẹn, emọ ne amwẹ ọnrẹn biẹlẹ nẹ ẹn ghi wan rre, iran keghi khu e Jẹfta fua, iran tama rẹn wẹẹ, “Wẹ i ra rri ukhu erha ima rhọkpa rhunmwuda ovbi okhuo ọvbehe ọ re u khin.”

Giọgis 6:12

Evba ọ re odibo e Nọyaẹnmwa na rhie egbe ma rẹn, ọ wẹẹ, “Ọmwa ne ọ din ọ re u khin, e Nọyaẹnmwa vbe rrọọ ya ba ruẹ.”

I Samuẹl 12:11

E Nọyaẹnmwa keghi gie Gidiọn, e Barak, e Jẹfta kevbe imẹ vbe okiekie ehia, iran ni wọlọ uwa hin obọ eghian uwa rre, wa na do gha rrọ vbe a i mwẹ ẹbe.