Giọgis 10:9 - Edo Bible (E Baibol Ẹdo) Version 1996

⁹ Ivbi Amọn kevbe fian Jọdan rra ne iran ya gu ẹwae ivbi e Juda, Bẹnjamin kevbe Ifreim gbinna. Agbọn keghi wa gha lọghọ Izrẹl ẹsẹse.

Giọgis 10:9 ပူးပေါင်းရင်းမြစ်များ

II Krọnikol 14:9

Ovbi e Sudan ọkpa ne a tiẹ ẹre Zẹra keghi viọ ivbiyokuo ẹbo ọkpa (1,000,000) mu okuọ gha die Juda, ikẹkẹ okuọ iyisẹn eha (300) kevbe rrọọ, ọ keghi khọn sẹ Maresia.

II Krọnikol 15:5

Vbe ẹghẹ nii, ọmwa ne ọ sẹtin rre ne ọ vbe gha rrie vbe egbe hẹnnẹdẹn i rrọọ rhunmwuda, ọlọghọmwa kevbe otighi kegha rre otọe hia.

Diuteronomi 28:65

Wa i ra miẹn ọfumwegbe vbe ehe rhọkpa, ihe ọkpa ne uwa gha vbe tie ẹre ọghe obọ uwa ẹ i vbe rrọọ; e Nọyaẹnmwa ghi ya ohawa, a i ghi mwẹ idaehọ kevbe ẹtinfomwẹ yọ uwa ẹwu.

Giọgis 10:10

Ọre ivbi Izrẹl ghi na tu ladian ma e Nọyaẹnmwa, iran wẹẹ, “Ma rukhọ ghe ruẹ nẹ, rhunmwuda, ma fi iyeke gbe uwẹ ne Osanobua mwa, ma na ya gha gho e Bal.”

Giọgis 10:8

Vbe ukpo, eva irrọ vbugie, iran keghi siẹn yan ivbi Izrẹl ginna otọ, iran na gha zẹ iran kpokpo ighẹ ivbi Izrẹl ni rre Amọri, odẹ ahọ ọghe Ẹzẹ Jọdan vbe Giliad.

Giọgis 11:4

Ọ ma ghi kpẹe, emwa Amọn keghi ya gha gu Izrẹl khọn.

Giọgis 2:15

Ẹghẹ hia ne iran ya yo okuo, e Nọyaẹnmwa ghi mu aro ne ọ khọ da iran zẹ vbe ne ọ tama iran zẹ wẹ rẹn gha ru. Iran keghi do gha rre uwu ọlọghọmwa nọkhua.

Giọgis 6:2

Emwa Midian keghi wegbe sẹ ivbi Izrẹl, ẹre avbe Izrẹl na lẹ la uhunmwu oke ya gha lẹre ye uvun okuta kevbe ehe ne ọ ghi sẹtin degue iran.

I Samuẹl 13:6

Iran keghi gu ivbi Izrẹl gbinna ọghe ọhanabe, ẹ i ghi ye iran ẹse hiehie. Eso na lẹre ye uwu uvun okuta kevbe uvun otọ vbe uwu avbe okuta, deba uwu uye kevbe uhae.

I Samuẹl 28:15

E Samuẹl keghi tama e Sọl wẹẹ, “Vbọzẹ ne u na kpokpo mwẹ yi? Demwi ne u tie mwẹ werriegbe rre ba?” E Sọl keghi wanniẹn wẹẹ, “Uwu ọlọghọmwa nọkhua ọ re I ye na! Avbe Filistin gun mwẹ gbinna, Osanobua vbe fi iyeke gbe mwẹ. Ọ ma ghi rhie ewanniẹn mẹ ọvbehe deghẹ la obọ avbe akhasẹ rre nọ ra imina, ọnii ọ sii ẹe ne I na tie ruẹ, ne u tama mwẹ emwi ne I gha ru.”