Giọgis 10:6 - Edo Bible (E Baibol Ẹdo) Version 1996

⁶ Ivbi Izrẹl keghi vbe dọlegbe rukhọ ghe e Nọyaẹnmwa. Iran na gha gho e Bal kevbe Astat deba avbe ẹbọ e Siria, e Saidọn, e Moab, Amọn kevbe Filistia. Iran keghi fi iyeke gbe e Nọyaẹnmwa, iran ma gha gae.

Giọgis 10:6 ပူးပေါင်းရင်းမြစ်များ

I Ọba 11:33

I gha ru emwi na rhunmwuda, e Solomọn fi iyeke gbe mwẹ, ọ keghi ya gha gho Astat ne ẹbọ ne okhuo ọghe Saidọn e Kemọs ne ẹbọ ọghe Moab, kevbe Milkọm ne ẹbọ ọghe Amọn. E Solomọn ma họn ẹmwẹ mẹ, ọ de iyi, ọ ma rhie uhi mwẹ kevbe ilele mwẹ mwẹ zẹ vbene Devid ne erha ẹe ru.

I Ọba 11:5

Ọ kegha gho Astat ne ẹbọ ne okhuo ọghe Saidọn kevbe Milkọm ne ẹbọ emwiekhue ọghe Amọn.

I Ọba 11:7

Ọ keghi bọ ehe ne a na gho Kiẹmọs ne ẹbọ emwiekhue Moab ye odẹ ahọ e Jerusalẹm kevbe ehe ne a na gho e Milkọm ne ẹbọ emwiekhue Amọn.

I Ọba 16:31

Egbe orukhọ ne Jeroboam ru ma ghi sẹ ne irẹn, ọ keghi vbe ru yan vbe ne ọ na ya rhie Jezibẹl ovbi Ethal ne ọba Saidọn, ọ na vbe gha gho e Bal.

II Ọba 17:16

Iran keghi rra uhi e Nọyaẹnmwa ne Osanobua iran hia, iran na ya ematọn ru ẹkhuia ẹmila eva ne iran gha ghoo. Iran kevbe ma amazẹ Asiẹrra ne ẹbọ ne okhuo, iran kegha gho avbe orhọnmwẹ, iran na gha ga avbe ẹbọ e Bal.

II Ọba 23:13

E Josaia kevbe rhia rua ighẹ avbe Ogiukpo ne Solomọn mannọẹn ye odẹ ahọ e Jerusalẹm, vbe odẹ ekẹn oke oliv, evba iran na te gho avbe ẹbọ ni zughu ọmwa ẹko nii hia, avbe Astat ne ẹbọ ne okhuo e Saidọn, e Kemọs ne ẹbọ e Moab deba Milkọm ẹbọ Amọn.

II Krọnikol 28:23

Ọ keghi zọ ese ghe avbe ẹbọ e Siria ni khọn miẹn irẹn otọ, ọ na kha wẹẹ, “Avbe ẹbọ ivbi e Siria ọ re ọ ye Siria obọ, rhunmwuda ọnii, a dẹghe mẹ zọ ese ghe iran, ughaghe iran gha vbe yọ mwẹ obọ.” Ọna keghi si ọfuan ye irẹn kevbe ẹvbo ẹre egbe.

Psalm 106:36

Emwa Osanobua kegha gho amazẹ ọ na ọre ọ si ọfuan ye iran egbe.

Aizaia 23:4

E Saidọn ne okpẹvbo, a fa ruẹ ua nẹ. Okun kevbe orinmwi amẹ okun nọkhua khare wẹ, iran ma rẹn ruẹn, iran wẹẹ, “I ma biẹ ọmọ rhọkpa, I ma koko emọ ikpia ra emọ ikhuọ.”

Jerimaia 2:13

rhunmwuda orukhọ eva ọ re emwa mwẹ ru: iran fi iyeke gbe mwẹ, mẹ ne uhunmwu ẹzẹ amẹ ne ọ furre, iran keghi ya gha fian ivbi uhae, uhae ni halọe, ne ẹ i vbe sẹtin rrọ amẹ hiehiere.

Jerimaia 2:20

E Nọyaẹnmwa ne Udazi khare wẹẹ, “Izrẹl, ọ kpẹre ne uwa ghi he asẹ mwẹ yotọ wa he ne uwa họn ẹmwẹ mẹ ra ne uwa ga mwẹ wa keghi ya gha gho avbe ẹbọ emwiokọ, vbe uhunmwu oke kevbe ototọ erhan ni mwẹ ebe hia.

Jerimaia 32:23

Sokpan, ugbẹn vbe iran ghi sẹ otọe na, vbe iran ghi yan ẹnrẹn nẹ, iran ma ya uhi ruẹ ru emwi ra ne iran gha yin zẹ vbene u ma iran ẹre. Iran ma ru avbe emwi ne u wẹ ne iran ru rhọkpa. Ọre u na gie ọkhọ na hia rruan iran.

Ezikiẹl 27:16

Ivbi e Siria guẹ dẹlẹẹ emwi atẹ ruẹ kevbe avbe emwi ọvbehe ne u ya obọ ru nibun. Iran ya avbe emrald, ukpọn ododo, ukpọn ne a do, ukpọn eto ovbiohuẹ, ivie kevbe ẹkan gu uẹ dẹlẹ emwi.

Diuteronomi 13:6

“Uhin a sẹtin miẹn ọtuẹn ne okpia ra ovbi uẹ ne okpia ra ne okhuo ra amwẹ ọn ne u ho ẹmwẹ ọnrẹn ra ọtuẹn ne ọ sikẹ ruẹ sẹ sẹtin do gha kọe ye uwẹ ekhọe ne u ya gha gho ẹbọ ọvbehe, avbe ẹbọ ne uwẹ vbe avbe erha ẹe odede ma gho ẹdẹ.

Diuteronomi 13:8

Ghẹ gie ẹe fiọ ekhọe werriẹ, ghẹ kue zẹ ye ọ re re. Ghẹ tohan rẹn ra ne u mwẹ ẹnina ẹnrẹn vbe ekhọe, ghẹ vbe tan obọ gue ẹre.

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.

Diuteronomi 31:17

Emwi vberriọ gha sunu, ohu iran gha mu mwẹ, I gha he iran ye otọ, a ghi fuẹn iran an. Ọkhọ ni mu ohan hia gha rruan iran, ẹghẹ nii iran ghi do rẹn wẹ emwi na sunu vbe egbe iran rhunmwuda, mẹ ne Osanobua iran i ghi rrọ yaba iran.

Diuteronomi 32:15

“Emwa e Nọyaẹnmwa keghi fe, sokpan iran keghi sọtẹ, iran kegha kpolo, evbare na gbe iran ẹko ua. Iran he Osanobua ne ọ yi iran ye otọ, iran keghi he ọmiọnmwafan iran nọkhua ye otọ.

Jọsua 13:31

Obọ ọkpa vbe Giliad kevbe rrọọ, do deba Astarrọt kevbe Ẹdrẹi, avbe okpẹvbo ni rre arriọba Ọg vbe Basian. A keghi viọ ena ne obọ ọkpa vbe ẹgbẹe ivbi e Makeẹ ne ovbi Manasẹ.

Giọgis 10:5

Jaẹl kevbe wu, a na re ẹre ye Kamọn.

Giọgis 11:24

Te uwẹ ghi ho ne u mu ẹẹn werriegbe na? Wẹ sẹtin gba emwi ne Kemọs ne ẹbọ rua rhie nuẹn mwẹ obọ. Sokpan emwi hia ne Nọyaẹnmwa Osanobua mwẹ viọ ne ima nẹ, te ima ra gba mwẹ obọ.

Giọgis 13:1

Ivbi Izrẹl keghi dọlegbe rukhọ ghe e Nọyaẹnmwa, rẹn na gie emwa e Filistia gha kha yan iran la ukpo iyeva.

Giọgis 16:23

Avbe ọkaolotu e Filistia keghi si egbe koko ne iran ghọghọ kevbe ne iran do zọ ese ghe Dagọn ne ẹbọ iran. Iran keghi so ihuan wẹẹ, “Ẹbọ ima gie a miẹn khọnmiotọ nẹ vbe uhunmwu e Samsin ne eghian mwa.”

Giọgis 3:7

Ivbi Izrẹl keghi mianmian e Nọyaẹnmwa ne Osanobua iran, iran na ru orukhọ ghe ẹre, iran kevbe gha gho avbe Bal kevbe Asiẹrra.

Giọgis 4:1

Ehud ghi wu nẹ ivbi Izrẹl na vbe dọlegbe ru orukhọ ghe Nọyaẹnmwa.

Giọgis 6:1

Ivbi Izrẹl keghi ru orukhọ ghe e Nọyaẹnmwa, rhunmwuda ọnii, rẹn keghi gie emwa Midian gha khaemwisẹ yan iran la ukpo ihinrọn.

Giọgis 8:33

E Gidiọn ghi wu nẹ, ivbi Izrẹl keghi vbe fi iyeke gbe Osanobua, iran na ya gha gho e Bal. Iran keghi ya e Bal-ọghe-lle khian ẹbọ iran.

I Samuẹl 5:2

Iran keghi mu ẹẹn gha rrie aro ẹbọ iran ne a tie ẹre Dagọn, iran na muẹn diake amazẹ ọre.