Giọgis 10:17 - Edo Bible (E Baibol Ẹdo) Version 1996

¹⁷ Ẹre ivbi iyokuo Amọn na si egbe koko, iran na do bu agọ vbe Giliad. Ivbi Izrẹl keghi vbe si egbe koko iran na bu agọ vbe Mizpa vbe Giliad.

Giọgis 10:17 ပူးပေါင်းရင်းမြစ်များ

Gẹnẹsis 31:49

E Leban keghi kha wẹẹ, “Te Nọyaẹnmwa gha a ghe ima vbe ima a ghi wannegbe nẹ.” A na vbe gha tie eni ẹnrẹn Mizpa.

Jọsua 13:26

Otọe iran keghi ke Hesbọn ya sẹ Hamat Mispa, Bẹtonim kevbe Mahanem ya sẹ ehe ne Lodeba lae.

Giọgis 10:18

Emwa kẹkan avbe ọkaolotu Giliad keghi nọ egbe iran ọta wẹẹ, “De ọmwa ne ọ gha ke odaro ne a ya gu ivbi Amọn gbinna? Rẹn ọ re ọ khian gha re ọkaolotu emwa ni rre Giliad hia.”

Giọgis 11:11

Ẹre Jẹfta ghi na lele avbe ọkaolotu nii gha rre Giliad, iran ke ya ẹe ru ne ọ khaemwisẹ kevbe olotu iran. E Jẹfta keghi hẹnhẹn unu emwi hia vbe Mizpa, vbe odaro e Nọyaẹnmwa.

Giọgis 11:29

Ẹre orhiọn e Nọyaẹnmwa na hin yan Jẹfta. Ọ keghi la Giliad ya sẹ Manasẹ, ọ na vbe werriegbe gha die Mizpa, vbe Giliad. Ọ na ke evba gha rrie Amọn.

Giọgis 11:34

E Jẹfta ghi dọlegbe die Mizpa ovbi ẹre ne okhuo keghi ladian, ọ na rhie ukusẹ ọ na gha ku bu ẹre dee. Ọmọ ọkpa kẹkan ne ọ mwẹ ọ re wa nọ, ẹ i ghi mwẹ ọmọ okpia ra ọmọ okhuo ọvbehe.

Giọgis 11:4

Ọ ma ghi kpẹe, emwa Amọn keghi ya gha gu Izrẹl khọn.

Giọgis 11:6

Iran tama rẹn wẹẹ, “Do viọ ima gha khian ne ima miẹn ehe na sẹtin gu Amọn gbinna.”

I Samuẹl 7:5

Ẹre Samuẹl na tie ivbi Izrẹl hia ne iran do miẹn egbe vbe Mizpa, ọ keghi tama iran wẹẹ, “I gha na erhunmwu ghe e Nọyaẹnmwa ne uwa vbe evba.”