Giọgis 10:16 - Edo Bible (E Baibol Ẹdo) Version 1996

¹⁶ Rhunmwuda ọnii, iran keghi viọ ẹbọ ẹrrẹe iran kua, iran na gha ga e Nọyaẹnmwa, rẹn keghi vbe gha mu ẹmwẹ usẹ ne ọ sẹ ivbi Izrẹl rro.

Giọgis 10:16 ပူးပေါင်းရင်းမြစ်များ

Gẹnẹsis 6:6

ọ keghi dae ne ọ na yi ọmwa ye agbọn, ọ keghi gbe I ma rẹn ẹsẹse,

II Ọba 13:23

sokpan e Nọyaẹnmwa keghi mwẹ itohan kevbe ẹnina ghe iran, ọ ma gie a wa fuẹn iran an, sokpan, ọ keghi yi iran obọ rhunmwuda ile ne ọ gu Ebraham, Aizik kevbe Jekọb ta. Ọ ma he mianmian emwa rẹn ẹdẹ.

II Krọnikol 15:8

Asa ghi họn ẹmwẹ akhasẹ ne Azaraia ne ovbi Odẹd tae, orhiọn rẹn keghi guakpao. Ọ keghi viọ avbe amazẹ ni rre otọ e Juda kevbe Bẹnjamin hia kua. Avbe amazẹ nii rre ẹvbo hia ne ọ he khọn munọ vbe ẹvbo uhunmwu oke ọghe Ifreim. Ọ keghi vbe dọlọ Ogiukpo e Nọyaẹnmwa ne ọ rre ẹghodo Ọgua Osa yi.

II Krọnikol 33:15

Ọ keghi vbe rhie ọkaokuo ne ọ mwẹ otu iyokuo ọkpa vbe ototọ ẹre ye ọkpọkpa vbe avbe ẹvbo ne a gba odin ga vbe Juda. Ọ keghi viọ avbe ẹbọ ẹrrẹe kevbe amazẹ ne ọ ta mu ye uwu Ọgua Osa hin rre, avbe aro ẹbọ ni gha rre uhunmwu oke ne a bọ Ọgua Osa yi, kevbe ihẹ ọvbehe hia vbe Jerusalẹm, ọ keghi viọ ehia lahin ore ẹvbo rre, ọ na ya hẹ kua.

II Krọnikol 7:14

Adeghẹ iran na erhunmwu ghe mwẹ, iran na fi uyinmwẹ werriẹ, iran zobọ vbe emwi dan ne iran te ka ru, I gha họn urhu iran vbe ẹrinmwi I ghi ya orukhọ iran bọ iran I ghi dọlegbe ye otọ iran khian ne ọ maa.

Psalm 73:21

Ẹghẹ ne iro ekhọe mwẹ na gha rriara, ne egbe ne ọ ma mwẹ emwi na balọ mwẹ,

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Jerimaia 31:20

“Izrẹl, ovbi mwẹ ne ọ ghan sẹẹ ọ re u khin, ọmọ ne I ho ẹmwẹ ọnrẹn sẹẹ. Ẹghẹ ne I rhirhi a ya so eni ruẹn I ghi gha ye aho ẹmwẹ ọmwa mu ẹmwẹ ruẹn ro. Orhiọn mwẹ ghi tin bu ruẹ gha dee, I gha mwẹ itohan.

Hozia 11:8

“Vbe I a ghi ra he uwẹ fua hẹ Izrẹl? Vbe I a ghi ra sẹtin fi iyeke gbuẹ hẹ? Mẹ gha sẹtin fuẹn uwẹ ua zẹ vbe Adma ra? Ra ne I ru uẹ vbene I ru Zẹboim? Ekhọe i sẹ mwẹ ya ru ẹe ahoẹmwọmwa mwẹ ghe ruẹ kpọlọ gbe.

Hozia 14:8

A i ghi ra dọlegbe tie ivbi Izrẹl ye ẹmwẹ ẹbọ ọvbehe. I gha họn erhunmwu iran, I ghi vbe gha gbearoghe iran I gha mu irhu gue iran zẹ vbe erhan ne ẹ i khuọn ebe kua. Obọ mwẹ ọ re afiangbe iran ke rre.”

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Iyẹn ne ọ Maan Ọghe Luk 15:20

Ọ keghi kpao bu erha ẹe gha khian. “Urria gbaan ọre ọ he ye vbe erha ẹe dẹghe ẹre, ekhọe nọẹn ruan, ọ na rhulẹ bu ẹre, ọ gba ẹe ginna egbe, ọ na mu ẹre unu hiẹnhien.

Iyẹn ne ọ Maan Ọghe Luk 19:41

Rẹn keghi sikẹ ore ẹvbo, ugbẹn vbe ọ ghi bẹghe ẹre, ọ viẹ ọe wẹẹ,

Iyẹn ne ọ Maan Ọghe Jọn 11:34

Ọ keghi nọ iran wẹẹ, “De ehe ne uwa re ẹre yi?” Iran tama rẹn wẹẹ, “Nọyaẹnmwa do ghe ẹre.”

Ẹfisọs 4:32

Sokpan, wa gha mwẹ itohan kevbe ekhọe agiẹngiẹn da egbe, wa vbe gha ya bọ egbe, zẹ vbene Osanobua vbe la ekpa Kristi yabọ uwa.

Diuteronomi 32:36

E Nọyaẹnmwa gha miẹn emwa rẹn fan, vbe ọ gha miẹn wẹ ẹtin fo iran nẹ, ọ gha tohan iran ni ga ẹe, vbe ọ gha miẹn ibozẹghẹ ọ re ọ ghi ke ẹe.

Hibru 3:10

Rhunmwuda ọnii, ọre ohu emwi ni na mu mwẹ. I keghi kha wẹ, ‘Ẹghẹ hia iran ya ba odẹ ku vbe iro ne iran zẹ. Iran ma he ye rẹn uyinmwẹ mwẹ.’

Hibru 4:15

Ogie Ohẹn ọghomwa, ẹ i re ne ẹnina ọmwa i sẹtin la ẹre ekhọe vbe ẹmwẹ evburriẹ mwa. Sokpan Ogie Ohẹn ọghomwa keghi re ne avbe la odẹ hia danmwẹ ghe zẹ vbene ima ye, sokpan ọ ma ru orukhọ.

Jọsua 24:23

Ọ re irẹn na ghi kha wẹẹ, “Rhunmwuda onii khekherriọ, wa hẹ avbe ẹbọ orhunmwuyẹn ni rre ehe ne uwa ye kua, ne uwa yan wẹ wa gha ya ẹko ata lele e Nọyaẹnmwa ne Osanobua Izrẹl khian.”

Giọgis 2:18

Ẹghẹikẹghẹ ne Nọyaẹnmwa ya rhie ọkaolotu ne iran, ọ ghi yi ẹre obọ, ọ ghi miẹn emwa rẹn fan vbe obọ avbe eghian iran vbe ẹghẹ ne ọkaolotu gha ya vbe agbọn. E Nọyaẹnmwa keghi tohan iran rhunmwuda, iran da tie ẹre vbe ẹghẹ oya kevbe ukpokpo.

I Samuẹl 12:10

Iran keghi dọlegbe tu tie Nọyaẹnmwa ne ọ yi iran obọ wẹẹ, ‘Ma rukhọ nẹ, rhunmwuda, ma fi iyeke gbe uwẹ, ma keghi ya gha ga e Baal kevbe Astat. Miẹn ima fan hin obọ eghian ima rre, ma gha ga aa!’

I Samuẹl 7:3

E Samuẹl keghi tama ivbi Izrẹl wẹẹ, “A deghẹ te uwa ghi ra ya ekhọe uwa hia dọlegbe bu e Nọyaẹnmwa gha dee nian, wa ghi viọ avbe ẹbọ ẹrrẹe kevbe amazẹ ọghe Astat ne ẹbọ ne ọkhua, ni gue kua. Wa ye egbe uwa hia fi ohan ne Nọyaẹnmwa, ne uwa vbe gha ga irẹn ọkpa, rẹn ghi do miẹn uwa fan hin obọ ẹtin emwa Filistin rre.”

I Samuẹl 7:4

Rhunmwuda ọnii, ivbi Izrẹl keghi viọ avbe amazẹ e Baal ni gue iran kua deba ọghe Astat, iran na gha ga e Nọyaẹnmwa ọkpa kẹkan.