Giọgis 10:11 - Edo Bible (E Baibol Ẹdo) Version 1996

¹¹ E Nọyaẹnmwa keghi wanniẹn ivbi Izrẹl ẹmwẹ wẹẹ, “Emwa Igipt, Amọri, e Filistia,

Giọgis 10:11 ပူးပေါင်းရင်းမြစ်များ

Ẹksọdọs 14:30

Vbe ẹdẹ ne ẹdẹrriọ, e Nọyaẹnmwa keghi miẹn ivbi Izrẹl fan vbe obọ ivbi Igipt. Ivbi Izrẹl keghi miẹn ikun iran vbe otọ lele ọkpẹn okun.

Nọmbas 21:35

Ẹre ivbi Izrẹl na gbe Ọg, kevbe ovbi ẹre kevbe emwa ni hia vbe ne ọkpa ma na vbe ke ẹe vbo, iran na yin otọe nii.

Hibru 11:29

Iyayi ọre ivbi Izrẹl ya fian Okun Ne ọ baa rraa, vbene a miẹn wẹ otọ, ne ọ kae ọre nọ. Ivbi Igipt ghi te ra vbe ru vberriọ, amẹ keghi minọ iran re.

Giọgis 2:12

Iran keghi fi iyeke gbe ugamwẹ e Nọyaẹnmwa ne Osanobua avbe erha iran odede, Osanobua ne ọ viọ iran ke otọe Igipt ladian. Iran keghi suẹn gha gho avbe ẹbọ ọvbehe, ẹbọ avbe emwa ni lẹga iran. Iran kegha ya uhunmwu rhanmwẹ otọ ne avbe ẹbọ na, iran na ya ohu mu e Nọyaẹnmwa.

Giọgis 3:28

Ọ keghi tama iran wẹẹ, “Wa lele mwẹ! E Nọyaẹnmwa rhie akhọnmiotọ ne uwa nẹ vbe uhunmwu ivbi e Moab ne eghian uwa.” Iran keghi lele ẹe tuorre, iran na ya khọn mu ehe ne emwa Moab gha na te fian Jọdan rra. Iran ma gie orhiọnkpa kẹkan fiaẹn rra.

Giọgis 3:31

Ọkaolotu ne ọ ghi lele kegha re Siamga ne ovbi Anat. Ọ keghi ya uwẹnrhiẹn ne a ya khu ẹsin gbele arriaeha (600) vbe emwa Filistia. Rẹn vbe miẹn Izrẹl fan.

I Samuẹl 12:8

E Jekọb vbe emwa rẹn ghi kpao gha rrie Igipt, avbe ivbi Igipt kegha zẹ iran kpokpo, avbe erha uwa odede keghi tu tie e Nọyaẹnmwa ne ọ do yi iran obọ, rẹn keghi gie Mosis kevbe Errọn ni viọ iran ladian vbe Igipt, iran na gbe iran ẹkun sẹ otọ vbe otọe na.