Giọgis 1:4 - Edo Bible (E Baibol Ẹdo) Version 1996

⁴ ke Juda ke gba gha rrie okuo. E Nọyaẹnmwa keghi gie iran khọnmiotọ vbe uhunmwu ivbi e Kenan ke Pẹriz, iran keghi khọn arhin arriaisẹn igbe (10,000) muotọ vbe Bẹzẹk.

Giọgis 1:4 ပူးပေါင်းရင်းမြစ်များ

I Ọba 22:15

Ọ ghi mudia ye odaro ọba, ọba keghi nọ rẹn wẹẹ, “Makaia, ne I mẹ vbe Jehosiafat ya khọn Ramọt ra ne I ma ghẹ yo?” E Makaia keghi kha wẹẹ, “Gha khian ighẹ u gha khọnmiotọ. E Nọyaẹnmwa gha rhie akhọnmiotọ nuẹn.”

I Ọba 22:6

Ẹre Ehab na tie avbe akhasẹ ọre ne ọ re omwa uri eva, ọ keghi nọ iran wẹẹ, “Ne I ya gu Ramọt gbinna ra ne I ghẹ yo?” Iran wanniẹn wẹẹ, “Ya khọn rẹn ighẹ e Nọyaẹnmwa gha rhie akhọnmiotọ nuẹn.”

Psalm 44:2

Vbene u tobọọ khulo avbe nigẹbọ ladian hẹ u na gbe avbe emwa ruẹn ẹkun sotọ ye otọe iran. vbene u rri avbe agbọn ẹvbo nekpa oya hẹ. u na gie agbọn ma iran ne emwa ruẹn.

Psalm 78:55

Ọ khulo iran ni yin ẹnrẹn ladian, vbe avbe emwa irẹn dee, ọ ghae otọe iran ne iran ne ẹwae Izrẹl ọ na vbe munọ owa iran ne emwa irẹn.

Diuteronomi 7:2

Ugbẹn vbe Nọyaẹnmwa Osanobua rua a ghi viọ iran hia yan uwa obọ nẹ, ighẹ te uwa ghi khọn iran mu otọ, wa ghi gbele iran hia a. Wa ghẹ gu iran rhie obọ ye ebe rhọkpa, ra ne uwa tohan iran.

Diuteronomi 9:3

Banbanna nian, wa tobọ uwa gha miẹn ọẹn wẹ te Nọyaẹnmwa khian ke odaro ne uwa zẹ vbe erhẹn ne ọ to. Ọ gha khọn miẹn iran otọ zẹ vbene uwa ya nana ghe odaro, vbene uwa gha na sẹtin khulo iran ladian ne uwa vbe zẹgiẹgiẹ fuẹn iran uan, zẹ vbene irẹn yanrẹn.

Giọgis 1:3

Ivbi Juda keghi tama ivbi e Simiọn wẹẹ, “Wa lele ima gha rrie otọ ne a ghae ne ima, ne ima ya gba gu ivbi e Kenan gbinna. Iyeke onii ma gha vbe lele uwa gha rrie otọe ne a ghae ne uwa.” Rhunmwuda ọnii, ẹwae ọghe Simiọn,

Giọgis 1:5

Iran keghi miẹn Adonibẹzẹk vbe evba, iran na vbe gu ẹe gbinna. Iran keghi khọn ivbi Kenan kevbe Pẹriz muotọ.

Giọgis 11:32

Ẹre Jẹfta na fian ẹzẹ rra ne ọ ya gu emwa Amọn gbinna. E Nọyaẹnmwa keghi rhie akhọnmiotọ nẹ ẹn.

Giọgis 3:5

Erriọ ọ re ivbi Izrẹl na gbe ẹkun sẹ otọ gha yin vbe uwu ẹbu emwa Kenan, Amọri, Pẹriz, Hivi kevbe Jebus.

I Samuẹl 11:8

E Sọl keghi si ehia koko vbe Bẹzẹk, ehia kegha re arriaisẹn iyisẹn yan uri (300,000) ni ke Izrẹl rre, kevbe arriaisẹn ọgban (30,000) ni ke Juda rre.

I Samuẹl 14:10

Sokpan, iran gha tama ima wẹ ne ima bu iran gha dee, ma ghi gele ru vberriọ, rhunmwuda, ọnii ọ khian gha re ama wẹ e Nọyaẹnmwa rhie akhọnmiotọ yan iran ne ima nẹ.”

I Samuẹl 14:6

E Jonatan keghi khama igbama nii wẹẹ, “Gie ima fian ẹẹn rra gha rrie agọ avbe Filistin ne enigẹbọ na. Ọ gha kẹe, e Nọyaẹnmwa gha yi ma obọ, ọ gha ru vberriọ, emwi ọkpa ne ọ gha wẹ ne ima ghẹ khọnmiotọ i rrọ, vbe ne ọ khọnrẹn wẹ ne ima ru ibozẹghẹ sẹ.”