Giọgis 1:3 - Edo Bible (E Baibol Ẹdo) Version 1996

³ Ivbi Juda keghi tama ivbi e Simiọn wẹẹ, “Wa lele ima gha rrie otọ ne a ghae ne ima, ne ima ya gba gu ivbi e Kenan gbinna. Iyeke onii ma gha vbe lele uwa gha rrie otọe ne a ghae ne uwa.” Rhunmwuda ọnii, ẹwae ọghe Simiọn,

Giọgis 1:3 ပူးပေါင်းရင်းမြစ်များ

Gẹnẹsis 29:33

Ọ kevbe dọlegbe hanmwa, ọ na biẹ ọmọ okpia ọvbehe, ọ keghi kha wẹẹ, “E Nọyaẹnmwa rhie ọmọ okpia na mẹ; rhunmwuda, ọ rẹnrẹn wẹ a i ho ẹmwẹ ẹmwẹ”; ọ kegha tie ẹre Simiọn.

II Samuẹl 10:11

E Joab keghi tama rẹn wẹẹ, “U gha miẹn ighẹ obọ ivbi e Siria ra ke odukhunmwu mẹ, u ghi gha dee do yọmwẹ obọ. A deghẹ obọ ivbi Amọn ra ke odukhunmwu ne ọwuẹ, I gha do yọ uẹ obọ.

Jọsua 19:1

Otọe ne ọ re ukpogieva ne a gha re kegha re ọghe ẹgbẹe ẹwae Simiọn. Otọe ọghọe kegha rre adesẹneva otọ ne a mu ne Juda.

Giọgis 1:17

Ivbi e Juda keghi lele ivbi e Simiọn gha khian, iran ke koko khọnmiotọ ivbi Kenan ni rre ẹvbo ne a tie ẹre Zẹfat. Iran keghi fi ẹvbo nii unu, iran na dunmwu ẹ ruan. Iran keghi fi ẹvbo nii eni werrie ghe Họma.

Giọgis 1:2

E Nọyaẹnmwa keghi wanniẹn wẹẹ, “Ivbi e Juda ọ re ọ gha ka gha khian. Mẹ gha rhie otọe nii ne iran, ne iran gha khaemwisẹ yan iran.”

Giọgis 1:4

ke Juda ke gba gha rrie okuo. E Nọyaẹnmwa keghi gie iran khọnmiotọ vbe uhunmwu ivbi e Kenan ke Pẹriz, iran keghi khọn arhin arriaisẹn igbe (10,000) muotọ vbe Bẹzẹk.