Giọgis 1:27 - Edo Bible (E Baibol Ẹdo) Version 1996

²⁷ Ivbi ẹwae Manasẹ ma khulo emwa ni rre avbe Bẹt-Sian, e Tanak, e Dọ, Ibleam, e Mẹgido kevbe ẹvbo ni lẹga iran kua. Ivbi e Kenan keghi ye gha rre evba.

Giọgis 1:27 ပူးပေါင်းရင်းမြစ်များ

II Ọba 23:29

Ẹghẹ ne Josaia na gha re ọba, e Nẹko ne ọba Igipt keghi viọ ivbi iyokuo gha rrie Yufretes ne ọ ya ru iyobọ ne ọba nọkhua ọghe Asiria. E Josaia ne ọba keghi hia ne ọ degbe ivbi iyokuo Igipt odẹ vbe Mẹgido. Iran keghi gbe ẹe rua vbe okuo.

II Ọba 9:27

Ahazaia ne ọba ghi miẹn emwi ne ọ sunu, ọ keghi ya ikẹkẹ okuo ẹre lẹ ghe odẹ ẹvbo ne a tie ẹre Bẹt Hagan vbene Jehu na khu ẹe khian. E Jehu keghi tama emwa irẹn wẹẹ, “Wa vbe gbe ẹe rua!” Iran keghi kuan rẹn vbe ehe ne ọ na hin ikẹkẹ okuo ẹre la odẹ nọ rrie Gọ, vbe ọkpẹn ẹvbo ne a tie ẹre Ibleam. Sokpan, ọ keghi ye ziga gha khian ya sẹ ẹvbo ne a tie ẹre Mẹgido, ọ na wu vbe evba.

Ẹksọdọs 23:32

Wa ghẹ gu iran, ra ẹbọ iran mu obọ vbe emwikemwi.

Jerimaia 48:10

(Ihẹn nọ ne ọmwa ne ọ ma ye ekhọekekhọe winna iwinna e Nọyaẹnmwa! Ihẹn nọ ne ọmwa ne ọ ma fian ke ne ọ vbe gbua.)

Diuteronomi 7:2

Ugbẹn vbe Nọyaẹnmwa Osanobua rua a ghi viọ iran hia yan uwa obọ nẹ, ighẹ te uwa ghi khọn iran mu otọ, wa ghi gbele iran hia a. Wa ghẹ gu iran rhie obọ ye ebe rhọkpa, ra ne uwa tohan iran.

Jọsua 21:25

Ẹvbo ne a vbe viọ ne iran vbe odẹ orrie vbe ẹwae Manasẹ kegha re Tanak kevbe Gatrimọn deba otọe erria iran, enii kegha re okpẹvbo eva.

Giọgis 1:1

Ugbẹn vbe Jọsua ghi wu nẹ, ivbi Izrẹl nọ e Nọyaẹnmwa wẹẹ, “De ẹwae ne ọ gha ka gha khian ne ọ ya gu ivbi Kenan gbinna vbe uwu ima?”

Giọgis 1:21

Sokpan ivbi ẹwae Bẹnjamin ma khulo emwa Jebus ni rre Jerusalẹm ladian. Wa ke ẹghẹ nii gha dee, te ivbi Jebus deba ivbi e Bẹnjamin gha rre Jerusalẹm.

Giọgis 1:26

Ọ kegha rrie ẹvbo emwa Hiti, ọ keghi bu ẹvbo ọkpa yọ. Ọ na gha tie ẹre Luz. Erriọ ọre a ye tie ẹre na.

Giọgis 1:28

Ivbi Izrẹl ghi wegbe sayọ nẹ, iran keghi ya ivbi e Kenan gha ga egbe sokpan iran ma khulo iran ladian.

Giọgis 5:19

“Avbe ọba keghi rre do gbinna, vbe Tanak, vbe ọkpẹn ẹzẹ Mẹgido, avbe ọba Kenan gbinna ẹn sokpan, iran ma miẹn esiliva rhie gha rrie.

I Samuẹl 15:9

E Sọl kevbe emwa rẹn sẹ Agag rae ye agbọn, iran ma vbe gbele avbe ohuan ni maa sẹẹ, avbe ẹmila, avbe ivbi ẹkhuia ẹmila ni maa sẹẹ kevbe ivbi ohuan ra avbe emwi ọvbehe hia ni rhirhi gha maa. Sokpan, iran keghi fuẹn emwi hia ni kulo kevbe ne ẹ i mwẹ vbe ọ gia ya ru hia a.

I Samuẹl 31:10

Iran keghi viọ emwi igbinna ye aro Astat ne ẹbọ ne okhuo, iran na sẹ ikun ẹnrẹn ginna ekẹn ẹvbo Bẹt-Sian.