Giọgis 1:21 - Edo Bible (E Baibol Ẹdo) Version 1996

²¹ Sokpan ivbi ẹwae Bẹnjamin ma khulo emwa Jebus ni rre Jerusalẹm ladian. Wa ke ẹghẹ nii gha dee, te ivbi Jebus deba ivbi e Bẹnjamin gha rre Jerusalẹm.

Giọgis 1:21 ပူးပေါင်းရင်းမြစ်များ

I Krọnikol 1:14

E Kenan, ọ re ọ vbe gha re erha odede ọghe emwa Jebus, Amọri, Gigasi.

I Krọnikol 11:4

E Devid ne ọba kevbe ivbi Izrẹl hia keghi mu okuo gie Jerusalẹm, e Jebus ọ re a tie ẹre ẹghẹ nii, ivbi e Jebus ne ivbi ọmotọ he ye rre evba.

I Krọnikol 8:28

Iran na ọ re ọ gha re ọkaẹgbẹe odede kevbe ivbi iran ne eseserese ni gha rre Jerusalẹm.

Psalm 106:34

Iran ma gbele avbe nigẹbọ ni uan zẹ vbene Nọyaẹnmwa tama iran.

Jọsua 15:63

Sokpan emwa Juda ma sẹtin khulo ivbi e Jebus ni rre Jerusalẹm ladian. Ivbi e Jebus ye deba ivbi Juda gha rre Jerusalẹm.

Giọgis 1:22

Emwa ẹwae Ifreim kevbe Manasẹ keghi mu okuo gha rrie Bẹtẹl ne a te tie ẹre Luz. E Nọyaẹnmwa keghi yi iran obọ. Iran keghi gie avbe ọrhẹ gha rrie ẹvbo nii.

Giọgis 1:27

Ivbi ẹwae Manasẹ ma khulo emwa ni rre avbe Bẹt-Sian, e Tanak, e Dọ, Ibleam, e Mẹgido kevbe ẹvbo ni lẹga iran kua. Ivbi e Kenan keghi ye gha rre evba.

Giọgis 1:8

Ivbi e Juda keghi mu okuo la e Jerusalẹm, iran na khọn rẹn. Iran gbele emwa ni rrọọ, iran mu erhẹn ye ẹvbo nii.