Giọgis 1:20 - Edo Bible (E Baibol Ẹdo) Version 1996

²⁰ A keghi mu Hibrọn ne Kelẹb zẹ vbene Mosis kha re. Ọ keghi khulo ivbi Anak eha ladian vbe evba.

Giọgis 1:20 ပူးပေါင်းရင်းမြစ်များ

Nọmbas 13:22

Iran keghi ka laghe odẹ ekẹn ẹvbo nii iran ke do sẹ Hibrọn ehe ne ivbi uniẹn iran ye ighẹ avbe Ahiman, Siesia kevbe Talmai ne arhuanran, ẹwae iran na ọ re a tie ẹre Anakin (Ukpo ihinrọn ọre a ka ya bu Hibrọn khẹ Zoan ne ọ rre Igipt.)

Nọmbas 14:24

Sokpan, vbene a na miẹn wẹ Kelẹb ọguọmwadia mwẹ ighẹ uyimwẹ ọghọe lughaẹn, ọ keghi mudia ke mwẹ gbain, I gha rhie ẹre sẹ otọe ne irẹn ya ghe, otọe nii gha khian ọghe ivbi ẹre.

Diuteronomi 1:36

E Kelẹb ne ovbi e Jefunẹ ọkpa ọ re ọ gha larọ. Rẹn wa gu obọ mwẹ, otọe ne irẹn ya ghe ghe, I gha mu ẹẹn ne irẹn kevbe avbe ivbi ẹre.’

Jọsua 10:36

Vbe iyeke ọna, e Jọsua kevbe ivbiyokuo ẹre keghi ke Ẹgiọn gha rrie Hibrọn ne ẹvbo oke. Iran na dekun ẹnrẹn.

Jọsua 11:21

Ẹghẹ na ọ re Jọsua na gha khian ya fuẹn iran ne arhuanran ighẹ Anakim ni rre uhunmwu oke, vbe Hibrọn, Debẹ, Anab kevbe avbe uhunmwu oke Juda kevbe Izrẹl. E Jọsua keghi wa fuẹn iran kevbe ẹvbo iran an fẹẹrẹ.

Jọsua 14:15

Vbe ọ te se ẹghẹ na, Aba ne Okpẹvbo ọ re a te tie Hibrọn (Aba ọ re ọ gha re ne ọ kpọlọ sẹ vbe uwu avbe Anakim.) Ọfumwegbe keghi gha rre otọe nii.

Giọgis 1:10

Iran keghi khọn mu ivbi e Kenan ni rre Hibrọn ne a te tie ẹre kirriat Aba. Iran keghi khọn ẹwae Siẹsiai, Ahiman kevbe Talmai.