Giọgis 1:15 - Edo Bible (E Baibol Ẹdo) Version 1996

¹⁵ Ọmọ okhuo nii keghi wanniẹn wẹẹ, “Ihaoko, vbene u ghi na rhie mwẹ ye ato nẹ, mu uhae amẹ eso mẹ.” Ọ re Kelẹb na mu ovbi ẹzẹ ne ọ ke otọ kevbe ne ọ ke ukhunmwu ne ẹẹn.

Giọgis 1:15 ပူးပေါင်းရင်းမြစ်များ

Gẹnẹsis 33:11

Lahọ, miẹn mwẹ emwi ne i ya guẹ na, Osanobua wa tohan mwẹ, ọ na viọ emwi ne I ho hia mẹ.” E Jekọb keghi kakabọ ye arhẹrhẹ gbagbae ye ọre egbe, ọ te do rhanbọ miẹn iran.

II Kọrinti 9:5

Ọna ọre ọ ya mwẹ roro ẹe wẹ, emwi ne ọ kere nọ ne I wẹ ne avbe etẹn mwa na ke aro ne ima ne iran vbe mwamwa avbe emwi ne uwa wẹ wa ra ya ru ẹse ye otọ. Mẹ ghẹ ghi rre, I ghi do vba ighẹ emwi hia gba nẹ, ọnii ghi rhie maa wẹ, te uwa ru emwa ẹse rhunmwuda ighẹ uwa ho ighẹ ẹ i re ọghe rhurhugban.

Hibru 6:7

Te Osanobua fiangbe otọ ne ọ ya amẹ wọn vbe amẹ a rhọ yọ nẹ, ne ọ vbe zọ erhan ne a ya ru emwi kpataki ladian ne iran ni gbe ẹre ugbo.

Jọsua 15:19

Okhuo nii wanniẹn wẹẹ, “Emwi ihaoko, vbene u ghi na rhie mwẹ ye otọ nọkae ne amẹ i ye, viọ uvun amẹ mẹ.” Ọ re Kelẹb na mu ẹzẹ ne ọ ke odukhunmwu ke ne ọ ke otọ ne ẹẹn.

I Pita 3:9

Wa ghẹ ya ọkhọ ha osa ọkhọ, ra ne a ya ihẹn ha osa ihẹn, sokpan wa gha ya erhunmwu afiangbe ha osa, rhunmwuda, ẹghẹ ne Osanobua na tie uwa, afiangbe ọre ọ wẹ rẹn ra rhie ne uwa.

Giọgis 1:14

Vbe ẹdẹ irhiọha, Otniẹl keghi ya tua ẹre wẹ ne ọ nọ erha ẹe wẹ ne ọ mu otọe eso ne ẹẹn. Rẹn keghi rhunmwuda onii bu Kelẹb gha khian, ọ ghi tuorre vbe ekẹtẹkẹtẹ, ọ keghi nọ ẹnrẹn emwi ne ọ gualọ.

Giọgis 1:16

Ivbi orruan e Mosis, nokpia ne ivbi e Ken keghi lele ivbi e Juda ke Jẹriko ne, ẹvbo udin kpao gha rrie ẹgbo Juda vbe odẹ ekẹn Arad. Iran keghi gu emwa Amẹlẹk yin evba.

I Samuẹl 25:18

Abigẹl keghi zẹgiẹgiẹ viọ ududu ebrẹd uri, ẹkpo ohian ayọn eva ohuan ne a ranmwẹ isẹn, ititi ọmọ azara ne a ka re iyisẹn, ududu ọmọ ohọ ne a ka re uri, ọ na kuẹn ehia yan ekẹtẹkẹtẹ.

I Samuẹl 25:27

Lahọ adazẹ, miẹn mwẹ emwi ne I viọ guẹ na ne u viọ ne emwa ruẹn.