Giọgis 1:10 - Edo Bible (E Baibol Ẹdo) Version 1996

¹⁰ Iran keghi khọn mu ivbi e Kenan ni rre Hibrọn ne a te tie ẹre kirriat Aba. Iran keghi khọn ẹwae Siẹsiai, Ahiman kevbe Talmai.

Giọgis 1:10 ပူးပေါင်းရင်းမြစ်များ

Gẹnẹsis 23:2

Ọ keghi wu vbe kirriat eba (ra Hibrọn) ne ọ rre otọ kenan. Ebraham keghi wa ẹre ye ukpo, ọ na khiẹ ọre.

Gẹnẹsis 37:14

Erha ẹe keghi tama rẹn wẹẹ, “Gha khian, ya ghe ẹre a deghẹ ọ ye avbe etuẹn kevbe avbe ohuan ẹse; u ghi dọlegbe gha de do tama mwẹ.” Ẹre erha ẹe na giẹe ke iya Hibrọn kpao. Ugbẹn vbe Josẹf ghi sẹ Siẹkẹm.

Asan-Ibo 9:11

I keghi vbe miẹn emwi okpa ọvbehe vbe agbọn na wẹ, ẹ i re iran ni rhulẹ sẹẹ ọ re ọ mu okaro vbe ulẹ, ẹ i vbe re iran ni din sẹ ọ re ọ khọn miotọ vbe okuo. Avbe umẹwaẹn i mobọ sẹtin khuan okhuan unu iran, emwa ni fu ẹro i mobọ vbe sẹtin fe, emwa ni guẹ sẹẹ i mobọ sẹ ukpo ni yo. A i miẹn ọmwa ne emwi i beghe.

Jerimaia 9:23

E Nọyaẹnmwa keghi kha wẹẹ, “Ọ ma kei ne iran ni wan ya ẹwaẹn iran gha rhuọ ra ne iran ni wegbe ya iwegbe iran gha rhuọ ra ne iran ni fe ya ẹfe iran gha rhuọ.

Nọmbas 13:22

Iran keghi ka laghe odẹ ekẹn ẹvbo nii iran ke do sẹ Hibrọn ehe ne ivbi uniẹn iran ye ighẹ avbe Ahiman, Siesia kevbe Talmai ne arhuanran, ẹwae iran na ọ re a tie ẹre Anakin (Ukpo ihinrọn ọre a ka ya bu Hibrọn khẹ Zoan ne ọ rre Igipt.)

Nọmbas 13:33

Ma miẹn avbe arhuanran vbe evba, iran ne ivbi Anak. Ma keghi yevbe atete vbe ehe ne iran ye zẹ vbene ima ro egbe ima yi. Erriọ ọre ima gha vbe khọ vbe aro iran.”

Jọsua 10:36

Vbe iyeke ọna, e Jọsua kevbe ivbiyokuo ẹre keghi ke Ẹgiọn gha rrie Hibrọn ne ẹvbo oke. Iran na dekun ẹnrẹn.

Jọsua 14:15

Vbe ọ te se ẹghẹ na, Aba ne Okpẹvbo ọ re a te tie Hibrọn (Aba ọ re ọ gha re ne ọ kpọlọ sẹ vbe uwu avbe Anakim.) Ọfumwegbe keghi gha rre otọe nii.

Giọgis 1:20

A keghi mu Hibrọn ne Kelẹb zẹ vbene Mosis kha re. Ọ keghi khulo ivbi Anak eha ladian vbe evba.

Giọgis 1:9

Vbe iyeke ọnii, iran keghi mu okuo gie ivbi e Kenan ni rre ẹvbo oke kevbe ẹvbo ni vbe yerre uye ni gbe ghe otọ.