Gẹnẹsis 9:27 - Edo Bible (E Baibol Ẹdo) Version 1996

²⁷ Te Osanobua gha gie Jafẹt gha muan yọ! Uniẹn ọnrẹn ghi vbe gu emwa Siẹn gha rrọọ! Ọviẹn Jafẹt ọre Kenan ra gha khin.”

Gẹnẹsis 9:27 ပူးပေါင်းရင်းမြစ်များ

Gẹnẹsis 10:2

Ivbie Jafẹt kegha re Goma, Magọ, Madai, Javan, Tiubal, Mẹsẹk kevbe Tiras, iran ọrọre erha odede emwa ne a hẹ ẹre eni gie iran.

Gẹnẹsis 27:29

Te iyaẹvbo nibun gha khian eguọmwadia ruẹ, ne emwa gha hie uhunmwu rre nuẹn. Te u gha khian arowa avbe etuẹn, ne uniẹn ivbi iyuẹ gha vbokho uhunmwu rre nuẹn. Ihẹn ọghe iran ni rhovbiọọ afiangbe ọghe iran ni fiangbuẹ.”

Gẹnẹsis 9:28

Vbe iyeke uromwẹ amẹ, e Noa keghi ya ukpo ekigbesiyeha irrọ vbe arriaeva (350) vbe agbọn.

Aizaia 11:10

Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

Aizaia 66:19

iran ghi vbe rẹn wẹ mẹ ọ re ọ rri iran oya. Sokpan, I gha sẹ eso rae vbọ, I ghi viọ iran gha rrie ẹvbo urria, iran ni ma he họn otiti mwẹ ra ne iran miẹn ukpọlọmwẹ kevbe ẹtin mwẹ. Avbe e Spen, e Libya kevbe Lidia ne emwa ni guara fi uhanbọ, kevbe gha rrie Tubal kevbe Gris. Iran gha ya na iyẹn ukpọlọmwẹ mwẹ ma avbe uhunmwu ẹvbo na.

Hozia 2:14

Rhunmwuda ọnii, I ra dọlegbe rhie ẹre la uwu ato, odọ niii ọ re I gha na rhẹrhọe ne I ye ẹmwẹ ahoẹmwọmwa giee werriegbe gha mwẹ aho ghe mwẹ.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Iwinna 17:14

Vbe ọwarọkpa nii, avbe etẹn keghi wa rhie Pọl gha rrie eghute, sokpan Sailas kevbe Timoti keghi ye gha rre Bẹrea.

Ebe ne Pọl gbẹẹn gie emwa Rom 11:12

Afiangbe wọrhọ ọre orukhọ ne avbe Ju ru rhie gie agbọn. Ogue ẹmwẹ orhiọn iran keghi rhie afiangbe wọrhọ gie iran ne ẹ i re Ju. Wẹ ma ghi la evba rẹn ighẹ a gha viọ avbe Ju hia la owa, afiangbe ne ọ gha la evba rre gha mobọ kpọlọ sẹ ẹsẹse.

Ebe ne Pọl gbẹẹn gie emwa Rom 15:12

Deba ẹre Aizaia vbe ta ẹe wẹ, “Ọmọ ọkpa gha la uniẹn Jese rre. A gha tọn ẹn mu ne ọ gha khaemwisẹ ya iran ne ẹ i re Ju.”

Ẹfisọs 2:19

Rhunmwuda ọnii nian, wa ne ẹ i re Ju i ghi re ọrriọvbe ra orhunmwuyẹn ọvbehe, ivbi ẹvbo ọkpa wa ghi gu emwa Osanobua khin, wa keghi vbe re ivbi ẹgbẹe Osanobua.

Ẹfisọs 3:13

Rhunmwuda ọnii nian, I rinmwian uwa, wa ghẹ gi ẹe gbe uwa orhiọn ighẹ oya ne I re ne uwa na, ọyọ ọghe uwa nọ.

Ẹfisọs 3:6

Nene oro ọ na khin wẹẹ, rhunmwuda iyẹn ne ọ maa, iran ne ẹ i re Ju, vbe gu iran ne Ju ghae vbe afiangbe Osanobua ina egbe ọkpa nii ọre iran hia khin, iran vbe mwẹ oghae vbe emwi ne Osanobua la ekpa Kristi Jesu ve.