Gẹnẹsis 9:23 - Edo Bible (E Baibol Ẹdo) Version 1996

²³ Ẹghẹ nii ọre Siẹn kevbe Jafẹt na mu ẹwu, iran keghi muẹn ye odieke vbe izabọ iran. Iran keghi ya iyeke la uwe owa ukpọn nii, iran keghi yae gue erha iran. Iran na fi aroa ne iran i ghẹ miẹn ọre eban.

Gẹnẹsis 9:23 ပူးပေါင်းရင်းမြစ်များ

Gẹnẹsis 9:22

Ugbẹn vbe Ham ne ọ re erha Kenan ghi miẹn wẹ erha ẹe bannọ uan, ọ keghi ya tama etiọnrẹn.

Gẹnẹsis 9:24

Aro ghi gbannọ Noa nẹ, vbe ọ ghi họn emwi ne Jafẹt ne ovbi ẹre nekherhe ru ẹre re

Ẹksọdọs 20:12

“Ya ọghọ ne erha a kevbe iye uẹ ne u miẹn ehe na tọ vbe otọ ne imẹ ya nuẹn.

Levitikọs 19:32

“Wa gha daa ne avbe ọmaẹn, gha ya ọghọ ne iran, rhunmwuda ighẹ wa mu ohan mwẹ. Mẹ ọ re Nọyaẹnmwa.

Ebe ne Pọl gbẹẹn gie emwa Rom 13:7

Rhunmwuda ọnii wa ha osa kevbe igho ne a fian ye emwi ne uwa mwẹ ne iran, wa ghi vbe gha ye ọghọ vbe ute da ne iran.

Galatia 6:1

Etẹn, a deghẹ a mu orhunmwu ọkpa mu orukhọ, wa ni re ọghe orhiọn vbọ, wa ghi dia ẹre ye odẹ, sokpan wa ghi ru ẹre ọghe ọghọ vbe ute. Wa tobọ uwa ghi vbe gha ba egbe, ne a ghẹ vbe danmwẹ uwa ghẹ.

I Timoti 5:1

Ghẹ gu ọmwa ne ọwan sẹ ruẹ gui, sokpan heko gu ẹe guan vbene a miẹn wẹ erha a nọ. Gha ya obọ mu iran ne u wan sẹẹ, zẹ vbe etuẹn ne ikpia,

I Timoti 5:17

Avbe ediọn ni winna iwinna esi, zẹ vbe ọkaolotu, ọ kere ne a gha ka iran ye emwa ne ọ ke re ne ọ miẹn igho ukhukhu eva, kpataki iran ni winnaẹn ẹsẹse vbe orhu ne a kpe kevbe emwi ne a ma emwa ẹre.

I Timoti 5:19

Ghẹ zẹ yọ vbe emwa ra do gu ediọn gui ma ruẹn, sokpan a ma wẹ, ọ sẹ arhin eva ra eha ne ọ do gui nene ẹzọ.

I Pita 2:17

Wa gha daa ne emwa hia, wa gha hoẹmwẹ ivbi iyayi ne iho uwa, wa gha mu ohan Osanobua, wa gha gbe uhunmwu ke otọ ne Enọgbaisi.

I Pita 4:8

Ke odaro emwi hia, wa gha ya ẹko ata ho ẹmwẹ egbe, rhunmwuda, aho ẹmwẹ ọmwa gbe ebe gue orukhọ ni bun.