Gẹnẹsis 9:21 - Edo Bible (E Baibol Ẹdo) Version 1996

²¹ Ọ ghi da vbe ayọn rẹn nẹ, ayọn kegha gbẹe, ọ keghi bannọ ukpọn ẹnrẹn kua, ọ keghi ya irhunmwirhun lovbiẹ ye uwe owa ukpọn ọghọe.

Gẹnẹsis 9:21 ပူးပေါင်းရင်းမြစ်များ

Gẹnẹsis 6:9

Okha ọghe Noa ọre ena khin. Emọ eha ọre ọ biẹlẹe, Siẹm, Ham kevbe Jafẹt. E Noa kegha re ọmwa esi ne ọre ọmwa ọkpa kẹkan ne Osanobua ta ẹmwẹ ọnrẹn ẹse ẹghẹ nii, rẹn kegha gu Osanobua mu obọ.

Gẹnẹsis 9:20

E Noa keghi re ọgbugbo, rẹn ọre ọmwa ne ọ ka gha kọ ogba azara.

Itan 20:1

U gha da ayọn gbe u ghi gha vannọ ọghe ọzuọ. Ukọnmwẹ wa nọ ne ọmwa da ayọn gbe egbe.

Asan-Ibo 7:20

Orhiọnkpa i rre agbọn na ne ọ wa ru emwi ẹse khian ne ẹ i vbe mwẹ abakuru.

Ebe ne Pọl gbẹẹn gie emwa Rom 13:13

Wa gie ima gha ru emwi ọmwa ne ọ rẹn enegbe, zẹ vbe ivbi uwanmwẹ ẹdẹ, ẹ i re vbe uwu oyanghan, ra ayọn ne a da gbe egbe, ẹ i re uwu alama oghẹ ra u sakanmwẹ, ẹ i re vbe uwu igbinna ra oya ọmwa da ọmwa.

I Kọrinti 10:12

Ọmwa ne ọ ro ighẹ rẹn mudia nẹ, ọ mwẹ ẹwaẹn ne ọ ghẹ ya de.

Galatia 5:21

Iran ghi gha gbe ọvo egbe, iran ghi gha da ayọn gbe egbe, iran ghi gha gbe izabọbọ ẹwia kevbe avbe emwi ni khọ vberriọ. I vbe gie uwa rẹn nian, zẹ vbene I ka vbe ta ẹe yi wẹ, iran ni ru avbe emwi na, iran i sẹtin rhan obọ miẹn Arriọba Osanobua.

Taitọs 2:2

Tama avbe eniwanrẹn wẹ, te ọ kere ne iran gha re emwa ni gba ọghọ ginna egbe, ni mwẹ ẹwaẹn vbe uhunmwu kevbe ni i balọ egbe, ni iran gha re emwa ni mudia ẹse vbe iyayi, aho ẹmwẹ ọmwa kevbe iziengbe.

Arhie Maan 3:18

Rhunmwuda ọnii, I gu uẹ zẹ iro nian ne u do gun mwẹ dẹ igoru, igoru ne a ma gua, ne u miẹn ehe na fe. Vbe dẹ ogbọnmwọkpa ya gha mu egbe, ne u rhuan ẹn gue irhunmwirhun efaa ne u ye. U ghi vbe dẹ ukhunmwu eso gha ya ye aro, ne u miẹn ehe na gha dẹghe.