Gẹnẹsis 9:15 - Edo Bible (E Baibol Ẹdo) Version 1996

¹⁵ I ghi ye ile ne I gu uwẹ vbe avbe aranmwẹ ta wẹ uromwẹ amẹ i gha ye dọlegbe fuẹn emwi ni hiọnrọn hia ọvbehe.

Gẹnẹsis 9:15 ပူးပေါင်းရင်းမြစ်များ

Gẹnẹsis 8:21

Uwinhinmwẹ ọnrẹn keghi yẹ Nọyaẹnmwa, ọ keghi tae wẹẹ, “Mẹ i ghi dọlegbe fi agbọn unu rhunmwuda uyinmwẹ emwa nagbọn, mẹ rẹnrẹn wẹ ke ẹghẹ ọvbokhan rẹn kpao, iro dan ọre ọ rre ekhọe ẹre, Mẹ i ghi dọlegbe fuẹn emwi hia, zẹ vbene I ruẹe ẹdẹnẹrẹ.

Gẹnẹsis 9:10

kevbe emwi ni ghi hiọnrọn hia ni guẹ, ahianmwẹ, aranmwẹ oha, emwi hia fẹẹrẹ ni lele uwẹ ke uwe okọ ladian.

Gẹnẹsis 9:11

Ẹmwẹ ne I ya gu uwa ta ile ọre ọna khin: I yanrẹn wẹ aira dọlegbe ye amẹ fuẹn emwi ni hiọnrọn hia a, uromwẹ amẹ i gha ye dọlegbe fuẹn agbọn na an.”

Gẹnẹsis 9:14

Ẹghẹikẹghẹ ne I gha ya wẹ ne amẹ bi vbe agbọn, ere ghẹ ghi ladian,

I Ọba 8:23

Ọ na na erhunmwu wẹẹ, “E Nọyaẹnmwa, Osanobua Izrẹl, ọba ọkpa ne ọ yevbe ruẹ i rrọ vbe odukhunmwu vbe ẹrinmwi ra agbọn vbe ototọ! Te u ru vbene ile ne u ta ẹe khare, u ghi vbe gha mwẹ itohan ne ẹ i fiwerriẹ ghe emwa ruẹn ni ye ekhọe hia mu ẹmwẹ ruẹn sẹ.

Nehimaia 9:32

“Osanobua, Osanobua mwa, a miẹn vbe u kpọlọ hẹ! ugborrirri ne ọ mwẹ ẹtin eyan ne u yan rẹn hia, u keghi ya ẹkoata mu ẹẹn sẹ ke ẹghẹ ne avbe ọba Asiria ya gha zẹ ima owẹ gha dee uhin do sẹ wanwanna, a miẹn oya ne ima he re. Avbe ọba mwa, avbe ọkaolotu, avbe ohẹn mwa kevbe avbe akhasẹ avbe erha mwa odede, kevbe emwa ima hia, ehia rri oya. Yerre vbene ima he rri oya sẹhẹ!

Psalm 106:45

Ọ rhunmwuda iran ye ile ẹre rre, rhunmwuda ne ọ na kakabọ ho ẹmwẹ iran ọ keghi gbe ibiẹ rriẹ.

Ẹksọdọs 28:12

U ghi sikan iran mu abọ ne ọ la izabọ ọghe adaghọ nii ne a ya gha ye eni ivbi Izrẹl rre. Erriọ ọre Errọn gha na gha dada eni iran khian vbe izabọ ẹre, erriọ ọre imẹ ne Nọyaẹnmwa gha na gha ye iran rre ẹghẹ hia.

Jerimaia 14:21

Ye eyan ruẹn rre, ne u ghẹ zan mwa, ghẹ gie efa rruan e Jerusalẹm, ehe ne ẹkete ruẹ ne ọ mwẹ uyi ye. Ghẹ mu ile ne u gu ima ta fua.

Ezikiẹl 16:60

Sokpan, mẹ gha da ile ne I gu uẹ ta ẹghẹ ne u na ye kherhe yi. I ghi vbe do gu uẹ ta ile ne ọ gha rrọ rhinrin ẹdẹdẹmwẹdẹ.

Iyẹn ne ọ Maan Ọghe Luk 1:72

Ọ wẹ rẹn gha tohan avbe erha mwa odede. Ọ ghi vbe ye ile ẹre ne ọ huanrẹn rre.

Diuteronomi 7:9

Wa yerre wẹ e Nọyaẹnmwa Osanobua uwa ọkpa ọrọre Osanobua, ọ vbe gia mu ẹtin yan. Ọ gha mu ile ọghe ọe sẹ, ọ ghi vba gha rhie ahoẹmwọmwa ne ẹ i fafaa ọghe ọe ma orre arriaisẹn vbe uwu iran ni ho ẹmwẹ ọnrẹn, iran na vbe gha ye uhi ẹre ru emwi.