Gẹnẹsis 9:1 - Edo Bible (E Baibol Ẹdo) Version 1996

¹ Osanobua keghi khaẹmwẹ ya fiangbe Noa kevbe avbe ivbi ẹre vbenian wẹẹ, “Te u gha biẹlẹ emọ nibun vbene a gha na miẹn wẹ uniẹn ruẹn ghi gba otọe agbọn hia.

Gẹnẹsis 9:1 ပူးပေါင်းရင်းမြစ်များ

Gẹnẹsis 1:22

Rẹn keghi fiangbe iran hia, rẹn keghi tama emwi ni rre uwe amẹ ne iran gha muan yọ ne iran vuọn okun. Ọ tama avbe ahianmwẹ ne iran vbe gha muan yọ.

Gẹnẹsis 1:28

Ọ keghi fiangbe iran vbenian wẹẹ, “Wa ghi biẹlẹ emọ nibun vbe ne a gha na miẹn wẹ uniẹn ruan ghi gba ehe hia vbe agbọn, iran ghi gha khaemwisẹ ya rẹn. I rhie ẹtin nuẹn ya gha kha yan avbe ehẹn, avbe ahianmwẹ kevbe avbe aranmwẹ oha hia.

Gẹnẹsis 10:32

Iran na hia keghi gha re ivbi uniẹn e Noa, iran keghi vbe gha re dọmwadẹ ẹvbo, zẹ vbe obọ ne igiogbẹ edọmwadẹ ọghọe laghe. Ẹghẹ ne amẹ ya ro gue agbọn ghi gberra nẹ, ivbi uniẹn ivbi e Noa ọre emwa ni rre agbọn hia ghi gha khin.

Gẹnẹsis 2:3

Rẹn keghi fiangbe ikpẹdẹ ne ogihinrọn, ọ keghi zọe ye otọ zẹ vbe ẹdẹ kpataki, rhunmwuda ẹdẹ nẹdẹrriọ ọre ọ winna iwinna emwi ne ọ yi fo, ọ na dobọ iwinna yi.

Gẹnẹsis 24:60

Iran kevbe na erhunmwu ne Ribẹka vbe nian wẹẹ, “Ọtẹn mwa, iye arriaisẹn arriaisẹn u gha khian! Te uniẹn ruẹn gha khọn ẹvbo eghian iran muotọ!”

Gẹnẹsis 35:11

Osanobua keghi tama rẹn wẹẹ, “Mẹ ọrọre Osanobua Noghodua. Biẹlẹ emọ nibun. Uniẹn ivbuẹ gha bun, eso vbe uwu iran gha vbe gha re ọba, u gha mwẹ uniẹn ivbuẹ nibun sẹrriọ wẹ eso gha do khian iyaẹvbo.

Gẹnẹsis 8:17

Viọ ehia ladian ighẹ avbe ahianmwẹ, kevbe avbe aranmwẹ ne iran miẹn ehe na gha biẹlẹ ne iran vbe vẹ gba agbọn hia.”

Gẹnẹsis 9:19

Ivbi e Noa nikpia na ọrọre erha odede ọghe emwa ni rre agbọn hia.

Gẹnẹsis 9:2

Aranmwẹ hia kevbe ahianmwẹ ni rre otọ agbọn hia, kevbe ehẹn, te ohan ruẹn gha mu iran hia. A viọ ehia ye ototọ asẹ ruẹ.

Gẹnẹsis 9:7

“Banbanna nian, u ghi biẹlẹ emọ nibun, ne ivbuẹ miẹn ehe na gha bun ne iran vbe gha rre ehe hia vbe agbọn.”

Psalm 112:1

Wa rho e Nọyaẹnmwa! Afiangbe ọrọre ọghe iran ni ya ọghọ ne Nọyaẹnmwa, iran ne ẹko rhiẹnrhiẹn ye ne a gha mu uhi ẹre sẹ.

Aizaia 51:2

Wa roro ẹmwẹ erha uwa odede ighẹ Ebraham kevbe e Sera ne uwa re ivbi ivbi ẹre. Ẹghẹ ne I na tie Ebraham, ẹ i mwẹ ọmọ sokpan, I fiangbe ẹe, I ke viọ emọ ne ẹẹn I keghi ya ivbi uniẹn ọnrẹn khian ọrhẹnrhẹn.