Gẹnẹsis 8:4 - Edo Bible (E Baibol Ẹdo) Version 1996

⁴ Vbe ikpẹdẹ ehairrọvbugie vbe uki ne ogihinrọn, okọ nii keghi sẹ otọ vbe uhunmwu oke ọkpa vbe Ararat.

Gẹnẹsis 8:4 ပူးပေါင်းရင်းမြစ်များ

Gẹnẹsis 7:20

Ọ keghi ye vbe ro akhuẹn obọ isẹnyan ugie vbe udinmwimwẹ ba egbe ne ọ ya yo sẹ uhunmwu avbe oke ni yosẹ hia.

Gẹnẹsis 8:5

Amẹ nii keghi gha si, ọ ghi sẹ ikpẹdẹ nokaro ọghe uki nokaro ne ọ re uki nogigbe, a keghi gha bẹghe ukpẹ avbe oke ni yo.

II Ọba 19:37

Ọ ghi sẹ ẹdẹ ọkpa, ọ na gha gho e Nisrọk ne ẹbọ ẹre. Eva vbe uwu ivbi ẹre, a tie ọkpa vbọ Adramẹlẹk, a vbe tie nọkpa Siarezẹ, keghi ye umozo gbe ẹe rua iran na lẹ gha rrie otọ Ararat. Ọkpa vbe uwu ivbi ẹre ne a tie ẹre Esahadọn keghi la ukpo Ọgbaisi lele ẹe.

Aizaia 37:38

Ọ ghi sẹ ẹdẹ ọkpa, vbe ọ ghi ga vbe aro e Nisrọk ne ẹbọ ne ọ gho, eva vbe uwu avbe ivbi ẹre nikpia, Adramẹlẹk kevbe Siarezẹ, keghi ya umozo iran gbe ẹe rua, iran na lẹ gha rrie otọe Ararat. Ovbi ẹre nokpia ọvbehe ne a tie ẹre Esahadọn keghi rhie ihe ẹre zẹvbe ọgbaisi.

Jerimaia 51:27

“Wa ta ẹe ne iran suẹn igbinna! Wa kpe okpe nii ne avbe agbọn ẹvbo hia miẹn ehe na họn. Wa mu avbe uhunmwu ẹvbo hia egbe yotọ khẹ okuo ne iran gu e Babilọn gbinna. Wa tama avbe otọe arriọba Ararat, e Mini kevbe Askẹnaz ne iran dekun ẹnrẹn. Gie ọkaokuo ne ọ ke odaro igbinna nii. Viọ avbe ẹsin rre zẹ vbe oibirri irhiso.