Gẹnẹsis 8:10 - Edo Bible (E Baibol Ẹdo) Version 1996

¹⁰ Rẹn keghi ye ziengbe la ikpẹdẹ ihinrọn, ọ na vbe zẹ idu obọ vbe okọ,

Gẹnẹsis 8:10 ပူးပေါင်းရင်းမြစ်များ

Gẹnẹsis 7:10

Ikpẹdẹ ihinrọn ghi gberra nẹ, uromwẹ amẹ keghi rre.

Gẹnẹsis 7:4

Vbe ẹdẹ ne ẹdẹ ihinrọn ẹre, I gha gie amẹ ye avan iyeva kevbe asọn iyeva rhọ ye agbọn, ne ọ miẹn ehe na fuẹn emwi hia ne I yi ni rre agbọn.”

Gẹnẹsis 8:11

ọ keghi dọlegbe bu ẹre rre vbe ota, rẹn keghi miẹn wẹ ọ ye ukpẹ mu ebe ohọ ne sọguọsọguọ. Ẹre Noa ghi na rẹn wẹ amẹ nii ka nẹ.

Gẹnẹsis 8:12

E Noa keghi yevbe ziengbe la ikpẹdẹ ihinrọn, ọ na vbe zẹ idu obọ, ẹghẹ na, ọ ma ghi dọlegbe rre.

Gẹnẹsis 8:9

Sokpan rhunmwuda ighẹ te amẹ ye gba otọe hia, idu nii ma miẹn ehe tin yan rhunmwuda ọnii, ọ keghi tin werriegbe rre, e Noa keghi niẹn obọ ladian, ọ na muẹn la uwe okọ.

Psalm 40:1

I hẹko ya izin egbe mudia khẹ iyobọ e Nọyaẹnmwa rẹn keghi danmwehọ, ọ kevbe họn urhu eve mwẹ.

Aizaia 26:8

ma lele vbene uwẹ ho, ma mwẹ idaehọ vbe uwu uwẹ, wẹ okpa ọrọre emwi ne ima ho.

Aizaia 8:17

E Nọyaẹnmwa rhie egbe ẹre lẹre ne emwa rẹn nẹ, sokpan, mẹ mu ẹtin yan rẹn, I vbe mwẹ idaehọ vbe uwu irẹn.

Ebe ne Pọl gbẹẹn gie emwa Rom 8:25

Sokpan, deghẹ te ima rhie aro ye odẹ ba emwi ne a ma he bẹghe, ẹghẹ ni, a ghi heko ye i ziengbe gha diakhẹ ọre.