Gẹnẹsis 7:7 - Edo Bible (E Baibol Ẹdo) Version 1996

⁷ Rẹn kevbe amwẹ ọnrẹn, ivbi ẹre nikpia kevbe amwẹ iran keghi la okọ ne iran miẹn ehe na miẹn uhunmwu vbe obọ uromwẹ amẹ.

Gẹnẹsis 7:7 ပူးပေါင်းရင်းမြစ်များ

Gẹnẹsis 6:18

sokpan I gha gu uwẹ ta ile. U ghi la okọ ke uwẹ ke avbe amwọn ọn, ivbuẹ nikpia, kevbe amwẹ iran.

Gẹnẹsis 7:1

E Nọyaẹnmwa keghi tama Noa wẹẹ, “La uwe okọ ke uwẹ kevbe ẹgbẹe ruẹ hia. I miẹn wẹ vbe uwe avbe emwa na hia, wẹ ọkpa kẹkan ọre uyinmwẹ ọnrẹn la mwẹ aro vbọ.

Itan 22:3

Emwa ni wan gha miẹn wẹ orueghe dee, iran ghi rhie uhunmwu iran lẹre, sokpan, ọmwa ne ẹ i ro iro ghi wa ya owẹ khian larọ, ọ ghi ya gha gbe ima rẹn vbe okiekie.

Matiu 24:38

Zẹẹ vbe ne a miẹn wẹẹ, ọ te do sẹ ẹghẹ uromwẹ amẹ, emwa kegha re, iran na gha da, ikpia kevbe ikhuo na gha rọnmwẹ egbe, rhinrin ya sẹ ikpẹdẹ ne Noa la okọ zẹẹ.

Iyẹn ne ọ Maan Ọghe Luk 17:27

Emwa kegha re, iran na gha da, iran na gha rọnmwẹ egbe rhinrin ya sẹ ẹdẹ ne Noa la okọ. Uromwẹ amẹ keghi rre, ọ na fuẹn iran hia ua.

Hibru 11:7

Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.

I Pita 3:20

Ena keghi re orhiọn iran ni ma họn ẹmwẹ ne Osanobua vbe uwu ẹghẹ ne ọ na ya i ziengbe mudia vbe Noa ka okọ. Ibozẹghẹ ni gha rre uwu okọ ni — iran erẹnrẹn nọ, a keghi la ekpa amẹ miẹn iran fan.

II Pita 2:5

Osanobua ma yabọ agbọn nẹdẹ, sokpan, te ọ hihiẹ Okpamẹ ne ọ lẹ rhu agbọn emwa dan, emwa ni miẹn uhunmwu vbọ ma gberra Noa ne ọ gha kpe orhu ẹmwata, deba arhin ihinrọn ọvbehe.