Gẹnẹsis 7:11 - Edo Bible (E Baibol Ẹdo) Version 1996

¹¹ Ẹghẹ ne Noa na gha rre ukpo arria eha (600), vbe ikpẹdẹ ehairrọvbugie ọghe uki nogieva, uhunmwu ẹzẹ ọghe okun nekhua hia ni rre uwe otọ keghi vuaa, uvun ni rre iso hia keghi kie rua.

Gẹnẹsis 7:11 ပူးပေါင်းရင်းမြစ်များ

Gẹnẹsis 6:17

I ra gie uromwẹ amẹ rrie agbọn ne ọ fuẹn emwi ni rrọọ hia. Emwi hia ni rre agbọn gha wulo,

Gẹnẹsis 7:6

Ukpo arria eha (600) ọre Noa gha ye vbe amẹ do ro ye agbọn.

Gẹnẹsis 8:14

Vbe ikpẹdẹ ehairrọvbọgban ọghe uki nogieva, amẹ na ka fo fẹẹrẹ vbe otọe.

Gẹnẹsis 8:2

Uhunmwu ẹzẹ avbe okun ni rre ototọ vbe uwe otọ kevbe avbe uvun ni rre iso, a keghi khiọ ehia. A keghi mu amẹ ne ọ te rhọ ke iso rre.

II Ọba 7:19

Ne ọkaokuo nii na wanniẹn wẹẹ, “Ọnii i gba, ọ gha khọnrẹn ne e Nọyaẹnmwa tobọ ẹre tue ọka rre vbe ọwarọkpa!” Ọre Elaisia na vbe wanniẹn wẹẹ, “Ọ gha sirra ruẹ sunu, sokpan, u i ra danmwẹ vbe evbare nii.”

II Ọba 7:2

Ovbi ọkpọmwa ọghe ọba keghi wanniẹn tama Elaisia wẹẹ, “Ọnii i sẹtin sunu vberriọ, ọ gha khọnrẹn wẹ ne Nọyaẹnmwa tue ọka amẹ rre wanwanna.” Elaisia keghi wanniẹn wẹẹ, “Aro ruẹ gha sẹ ọe vbe ọ gha sunu sokpan u i ra re vbe evbare ni.”

Job 12:15

Osanobua gha mu amẹ, uyunmwu ghi rre. Ọ gha zẹ amẹ obọ fua, ogbigbi orogho amẹ ghi rre.

Job 28:4

Ehe ne ọ wa rrei ne ọmwa iye, Ra wẹ ne owẹ ọmwa ma he rhanmwẹ ọẹn ẹdẹ. Emwa ghi tọnnọ uvun ne a ke zẹlẹ emwi ighobioye ladian, iran ghi sikan mu irri vbe uwu uvun nii.

Job 38:16

Wẹ he sẹ ehe ne amẹ ke kpe ladian vbe ototọ okun ra? We he ye owẹ khian vbe otọ okun nọkhua ra?

Job 38:37

De ọmwa ne ẹwaẹn gba na sẹrriọ yi ne ọ ka amẹ ikpakpa iso ne ọ vbe biẹe gọ ne amẹ rhọ,

Psalm 33:7

Ọ si avbe okun hia koko ye ihọkpa ọ keghi khui avbe odin amẹ okun ye aza ẹre.

Psalm 74:15

U ruẹe ne uhunmwu ẹzẹ kevbe ivbi ẹzẹ gha lẹẹ u kevbe silo avbe ẹzẹ nekhua ka.

Itan 3:20

Ẹwaẹn rẹn ọ re ọ ru ẹe ne avbe ẹzẹ gha lẹ, kevbe ne okuku vbe rhọ amẹ ye otọe.

Aizaia 24:18

Ọmwa ne ọ wẹ rẹn ra lẹ ne ugborrirri nii, gha de ye uvun, ọmwa ne ọ vbe lẹ hin obọ uvun rre, ọ ghi de ye ifi. Okpamẹ nọkhua gha gbefua ke iso rre, ẹyotọ agbọn gha vbe mu rueghe.

Aizaia 24:19

Agbọn gha saa, ọ ghi guọghọ ua, ọ gha vaa, ọ ghi we unu uan yotọ.

Jerimaia 5:22

Mẹ ọrọre Nọyaẹnmwa vbọzẹ ne uwa i na ya ọghọ mẹ? Vbọzẹ ne uwa i na guọ vbe odaro mwẹ? Mẹ ọ re ọ mu uzekhae ya ru ehe ne uwu okun lae. Uwu etẹbitẹ ne irẹn i sẹtin fian rra. Okun sẹtin gha vba kua sokpan, ẹ i sẹtin gberra, ulẹmwẹ okun sẹtin gha davan, sokpan ẹ i sẹtin hae gberra.

Jerimaia 51:16

Ọ gu amẹ ne ọ rre odukhunmwu iso guan, ọ kegha davan. Ọ si amẹ koko ke ehe ne agbọn sẹẹ gha dee ọ ye ayan yan ke uwu amẹ ne ọ rhọ, ọ keghi gie okpẹhoho ke uwa aza ọghọe ladian.

Ezikiẹl 26:19

E Nọyaẹnmwa ne Udazi khare wẹẹ: “I gha ya uwa khian ehe ne ọ mu ohioro zẹ vbene ẹvbo ne a fuan ye, ehe ne ọmwa rhọkpa i ghi ye. I gha ya amẹ okun ne ọ dinmwi gue uwa muotọ.

Malakai 3:10

Wa viọ inu ne a ghae ye ihe igbe gele wa khin gha die Ọgua Osa, ne evbare miẹn ehe na kpọkua vbe evba. Wa ya ẹe danmwẹ mwẹ ghe, wa gha vbe miẹn wẹ I gha kie ewindo ẹrinmwi ye otọ, I ghi vbe rhurhẹ emwi ọmaa hia ku uwa gba erhan gba irri.

Matiu 24:38

Zẹẹ vbe ne a miẹn wẹẹ, ọ te do sẹ ẹghẹ uromwẹ amẹ, emwa kegha re, iran na gha da, ikpia kevbe ikhuo na gha rọnmwẹ egbe, rhinrin ya sẹ ikpẹdẹ ne Noa la okọ zẹẹ.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.

II Pita 3:6

Nene amẹ nii ye vbe nọ, amẹ ọlẹgbe orogho nii, ne a ya fuẹn ọnrẹn uan ighẹ agbọn nẹdẹ.