Gẹnẹsis 6:9 - Edo Bible (E Baibol Ẹdo) Version 1996

^9-10 Okha ọghe Noa ọre ena khin. Emọ eha ọre ọ biẹlẹe, Siẹm, Ham kevbe Jafẹt. E Noa kegha re ọmwa esi ne ọre ọmwa ọkpa kẹkan ne Osanobua ta ẹmwẹ ọnrẹn ẹse ẹghẹ nii, rẹn kegha gu Osanobua mu obọ.

Gẹnẹsis 6:9 ပူးပေါင်းရင်းမြစ်များ

Gẹnẹsis 10:1

Uniẹn avbe ivbi e Noa ọre ena khin (Siẹm, Ham kevbe Jafẹt), ne a miẹn wẹ iyeke uromwẹ amẹ ọre a na biẹlẹ ivbi iran.

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

Gẹnẹsis 2:4

Vberriọ ọre a ya yi otọe vbe ukhunmwu. Ẹghẹ ne Nọyaẹnmwa Osanobua na yi otọe vbe ukhunmwu,

Gẹnẹsis 48:15

Ọ keghi fiangbe iran. “Te Osanobua gha fiangbe emọ na! Osanobua ne Ebraham kevbe Aizik ne erhamwẹ gae! Te Osanobua ne ọ su mwẹ sẹ ẹdẹnẹrẹ na, gha fiangbe iran!

Gẹnẹsis 5:1

Eni uniẹn Adam ọre ena khin. (Ẹghẹ ne Osanobua na yi emwa nagbọn, ọ keghi yi iran zẹ vbe ama egbe irẹn.

Gẹnẹsis 5:22

Inọk keghi ye gu Osanobua gha yin vbe ukpo iyisẹn yan uri (300), ọ na yevbe biẹlẹ emọ ọvbehe

Gẹnẹsis 5:24

Ẹdagbọn rẹn hia ọre ọ wa ya gu Osanobua yin, ọ keghi ru gbẹnnẹ rhunmwuda Osanobua rhie ẹre kpao.

Gẹnẹsis 7:1

E Nọyaẹnmwa keghi tama Noa wẹẹ, “La uwe okọ ke uwẹ kevbe ẹgbẹe ruẹ hia. I miẹn wẹ vbe uwe avbe emwa na hia, wẹ ọkpa kẹkan ọre uyinmwẹ ọnrẹn la mwẹ aro vbọ.

II Samuẹl 22:24

Rẹn rẹnrẹn wẹ, I i mwẹ ozan, rhunmwuda, I bi egbe hin emwi dan rre.

I Ọba 3:6

E Solomọn keghi wanniẹn wẹẹ, “Erriọ ọ re u vbe gha ho ẹmwẹ e Devid ne erha mwẹ, ọguọmwadia ruẹ, rẹn keghi wa vbe gha maa, ọ guobọ ruẹ, ọ na vbe gha re ne ọ gie a mu ẹtin yan vbe emwi ne ọ gha ru vbe odaro ruẹ. U keghi ye vbe gha ho ẹmwẹ ọnrẹn khian, vbe ekpa ne u na rhie ọmọ okpia ne ẹẹn ne ọ rriọba lele ẹe.

II Krọnikol 15:17

A gha rhe miẹn wẹ Asa ma wa guọghọ aro ẹbọ iran nigẹbọ hia fo vbe otọe nii, te irẹn wa ya ekhọe ẹmwata mudia ke Nọyaẹnmwa vbe ẹdẹ agbọn rẹn hia.

II Krọnikol 25:2

Ọ ru emwi ne ọ yẹ e Nọyaẹnmwa, sokpan omaro omaro ọ re ọ gbe ya ruẹe.

Job 1:1

Okpia ọkpa kegha rrọ vbe ẹvbo ne a tie ẹre Uz, a keghi tie eni okpia na e Job, ọmwa na keghi ga Osanobua, ọ kevbe guobọ ẹre ẹsẹse. Ọmwa esiesi wa gha nọ, ọ keghi gha hia ne ọ ghẹ ru emwi dan rhọkpa.

Job 1:8

E Nọyaẹnmwa keghi tama rẹn wẹẹ, “U ma miẹn ọguọmwadia mwẹ ighẹ e Job, orhiọnkpa irrọ vbe uhunmwu otọe agbọn ne ọ guobọmwẹ kevbe ne ọ vbe maa zẹ vbe ọre. Ọ wa ga mwẹ, ọ keghi vbe hia vbe ẹghẹ hia ne ọ ghẹ ru orukhọ.”

Job 12:4

Banbanna nian, uhin ighẹ te avbe ọse mwẹ ghi giẹ mwẹ, iran gha giẹ, a gha rhe miẹn ighẹ, ọmwata ọ re I khin, I ma rria abe. Sokpan, ẹghẹ ọkpa rrọọ, ne Osanobua na họn erhunmwu mwẹ.

Psalm 37:37

Yi ọmwa esi ẹro, gbe aro kotọ vbe egbe ọmwata ọmẹhẹ mwẹ ivbi igiogbe ọre,

Psalm 37:39

E Nọyaẹnmwa ọ re ọ miẹn ẹmwata fan ọ ghi degue iran vbe ẹghẹ orueghe.

Itan 4:18

Odẹ ne ọmwa esi la khian, te ọ yevbe ovẹn nẹ o da yan rre, uwanmwẹ ọnrẹn ghi gha mu otọe yọ rhinrin ọ te do sẹ ẹghẹ ogiavan.

Asan-Ibo 7:20

Orhiọnkpa i rre agbọn na ne ọ wa ru emwi ẹse khian ne ẹ i vbe mwẹ abakuru.

Ezikiẹl 14:14

Gia kha ighe te Noa, e Daniẹl kevbe Job gha rre evba, uhunmwu iran okpa ọ re umamwẹ iran ra sẹtin sinmwi ye agbọn.” E Nọyaẹnmwa ne Udazi guan nẹ.

Ezikiẹl 14:20

ọ gha khọnrẹn ne Noa, kevbe Daniẹl kevbe Job gha rre evba, omwa vbene a na miẹn wẹ mẹ ne Nọyaẹnmwa ne Udazi ọrọre Osanobua ne ọ rrọọ, iran i ra sẹtin miẹn ivbi iran ne arẹnegbe fan, egbe iran ọkpa ọ re iran ra ya uyinmwẹ esi iran miẹn fan.”

Habakọk 2:4

Nene uhunmwu ne a gie ọ re ọna khin: ‘Iran ni re emwa dan i ra miẹn uhunmwu, sokpan ni re ẹmwata gha di agbọn ya rhunmwuda iran mudia ke Osanobua.’ ”

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Iyẹn ne ọ Maan Ọghe Luk 2:25

Vbe ẹghẹ na, okpia ọkpa ne a tie ẹre Simiọn keghi rre Jerusalẹm. Rẹn keghi re ọmwa esiesi ne ọ mu ohan Osanobua kevbe ne ọ vbe rhie aro ye odẹ gha khẹ ẹghẹ ne a gha ya miẹn Izrẹl fan, orhiọn Ne ọ huanrẹn keghi rrọọ yaba ẹre.

Iyẹn ne ọ Maan Ọghe Luk 23:50

Okpia ọkpa keghi rrọọ ne a tie ẹre Josẹf, ovbi ẹvbo ne a tie ẹre Arimatia adazẹ ne ekhọe esi ọre nọ, ọ kevbe, diakhẹ ẹghẹ ne Arriọba Osanobua gha ya rre. A gha rhe miẹn ighe ọkpa vbe uwu Iko iran ni bu ohiẹn nọ, ọma ye egbe ba iran vbe ẹmwẹ ne iran tae kevbe emwi ne iran ru.

Iwinna 10:22

Iran wanniẹn wẹẹ, “Kọniliọs ne ọka okuo ọre ọ gie ima gha dee. ọmwa esi ne ọ ga Osanobua ọre nọ, emwa Ju hia wa ya ọghọ nẹẹn ẹsẹse. Odibo Osanobua ọkpa ọre ọ tama rẹn ne ọ gie ne a tie ruẹ gha die owa ẹre, ne ọ miẹn ehe na họn ẹmwẹ ne u mwẹ ne u gha ta ma rẹn.”

Ebe ne Pọl gbẹẹn gie emwa Rom 1:17

Rhunmwuda, iyẹn ne ọ maa tae ladian nẹ vbene Osanobua ya ye ọmwa khian ọmwata vbe odaro ẹre hẹ vbe ekpa iyayi ọkpa ne ọ ke omuhẹn ya sẹ ufomwẹ, rhunmwuda, Ebe ta ẹe nẹ wẹ, “Ọmwa ne a la ekpa iyayi ya khian ọmwata vbe odaro Osanobua, ọ gha fe.”

Galatia 3:11

Agbọn hia rẹnrẹn ighẹ, a i sẹtin la ekpa nene Uhi ye ọmwa khian ọmwata vbe odaro Osanobua, rhunmwuda ebe kha re wẹ, “Ọmwa ne a la ekpa iyayi ya khian ne ọ mudia ẹse vbe odaro Osanobua, ọ gha fe.”

Diuteronomi 18:13

Wa gha re emwa ne Nọyaẹnmwa gba ẹko ẹre fẹẹrẹ.”

Hibru 11:7

Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.

II Pita 2:5

Osanobua ma yabọ agbọn nẹdẹ, sokpan, te ọ hihiẹ Okpamẹ ne ọ lẹ rhu agbọn emwa dan, emwa ni miẹn uhunmwu vbọ ma gberra Noa ne ọ gha kpe orhu ẹmwata, deba arhin ihinrọn ọvbehe.