Gẹnẹsis 6:8 - Edo Bible (E Baibol Ẹdo) Version 1996

⁸ Sokpan ẹmwẹ Noa keghi yẹ Nọyaẹnmwa.

Gẹnẹsis 6:8 ပူးပေါင်းရင်းမြစ်များ

Gẹnẹsis 19:19

Ghe, u tohan mwẹ nẹ, ekhọe ruẹ ọre ọ maa ọre u na ma gbe mwẹ uan, sokpan avbe oke nii rrei gbe, obọ ọfuan nii gha vba mwẹ, I ghi wu I te sẹ evba.

Psalm 145:20

Ọ degue ọmwaikọmwa ne ọ ho ẹmwẹ irẹn, sokpan, ọ gha fuẹn emwa dan an.

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Itan 12:2

Ẹko emwa esi ghi gha rhiẹnrhiẹn e Nọyaẹnmwa, sokpan, ọ ghi gha bu abe gbe iran ni zẹ iro emwi dan.

Itan 3:4

U gha ru vbenian, u gha miẹn aro ne ọ maa vbe obọ Osanobua kevbe emwa nagbọn.

Itan 8:35

Ọmwa ne ọ gualọ mwẹ miẹn, arrọọ ọ re ọ miẹn, ẹko ẹre gha vbe rhiẹnrhiẹn e Nọyaẹnmwa.

Jerimaia 31:2

I tohan iran ni miẹn uhunmwu vbe obọ uwu vbe ato. Ugbẹn vbe ivbi Izrẹl ghi wẹ iran gualọ ikẹtin.

Ezikiẹl 14:14

Gia kha ighe te Noa, e Daniẹl kevbe Job gha rre evba, uhunmwu iran okpa ọ re umamwẹ iran ra sẹtin sinmwi ye agbọn.” E Nọyaẹnmwa ne Udazi guan nẹ.

Matiu 24:37

Te urremwẹ Ovbi Ọmwa ra ye vbe emwi ne ọ sunu vbe ẹghẹ ọghe Noa.

Iyẹn ne ọ Maan Ọghe Luk 1:30

Odibosa nii na tama rẹn wẹẹ, “Ghẹ mu ohan Meri, Osanobua ruẹ ẹse nẹ.

Iyẹn ne ọ Maan Ọghe Luk 17:26

Vbene ọ gha ye vbe ẹghẹ Noa, erriọ ọre ọ gha vbe gha ye vbe ẹghẹ Ovbi Ọmwa.

Iwinna 7:46

Devid keghi zẹ ẹhi vba Osanobua, ọna rinmwiaẹn ne ọ gie irẹn bọ owa ne Osanobua Jekọb.

Ebe ne Pọl gbẹẹn gie emwa Rom 11:6

Itohan rẹn ọre ọ lele zẹ emwa ne ọ hannọ zẹ ighẹ ẹ i re rhunmwuda uyinmwẹ iran. Rhunmwuda, akpawẹ rhunmwuda uyinmwẹ emwa ọre Osanobua ya hannọ emwa zẹ, itohan rẹn i ghẹ ghi gha re itohan ẹmwata.

Ebe ne Pọl gbẹẹn gie emwa Rom 4:4

Ọmwa gha winna, a ghi ha ẹre osa, igho ne ọ miẹn rẹn, a i kha ighẹ te a ya ẹe ru ẹre ẹse, sokpan emwi ne ọ khuẹn nọ.

I Kọrinti 15:10

Sokpan vbe ekpa ẹsọhẹ Osanobua ọre I na re emwi ne I khin na, ẹsọhẹ ne ọ rhie mẹ, a ma vbe muẹn rhia. Vbe ẹmwata, mẹ kakabọ winna sẹ avbe ukọ nekpa hia, a gha rhe miẹn wẹ ẹ i re ẹtin obọ mwẹ vbe ẹ i re ẹsọhẹ Osanobua ne ọ yaba mwẹ winna.

Galatia 1:15

Sokpan vbe ekpa ẹsọhẹ ọre, uhin vbe a te biẹ mwẹ, Osanobua keghi tie mwẹ ne I do gha gae.

II Timoti 1:18

Nọyaẹnmwa ne ọ gi ẹe miẹn itohan Nọyaẹnmwa rhie vbe Ẹdẹ ne ẹdẹrriọ. U vbe rẹn ẹsẹse vbene ọ yọ mwẹ obọ hẹ vbe Ẹfisọs.

Taitọs 2:11

Rhunmwuda, Osanobua rhie ẹsọhẹ ọghọe ne a miẹn nẹ, vbe ekpa ọghe imiẹnfan emwa hia.

Taitọs 3:7

Ne a sẹtin la ekpa ẹsọhẹ ọghe ọe dọlọ ima kugbe ba Osanobua, ne ẹfe ẹtẹbitẹ ne ima danmwehọ ẹre miẹn ehe na sẹ ima obọ.

Hibru 4:16

Rhunmwuda ọnii, wa gie ima din khekherriọ, ne a gha die odaro ẹkete Osanobua, ehe ne ẹsọhẹ ye. Evba nii i ọre ima gha na miẹn itohan rhie kevbe ẹsọhẹ ne ọ gha yi ima obọ vbe ẹghẹ ne a na gualọe zẹẹ.

I Pita 3:20

Ena keghi re orhiọn iran ni ma họn ẹmwẹ ne Osanobua vbe uwu ẹghẹ ne ọ na ya i ziengbe mudia vbe Noa ka okọ. Ibozẹghẹ ni gha rre uwu okọ ni — iran erẹnrẹn nọ, a keghi la ekpa amẹ miẹn iran fan.

II Pita 2:5

Osanobua ma yabọ agbọn nẹdẹ, sokpan, te ọ hihiẹ Okpamẹ ne ọ lẹ rhu agbọn emwa dan, emwa ni miẹn uhunmwu vbọ ma gberra Noa ne ọ gha kpe orhu ẹmwata, deba arhin ihinrọn ọvbehe.