Gẹnẹsis 6:3 - Edo Bible (E Baibol Ẹdo) Version 1996

³ Ẹre Nọyaẹnmwa na kha wẹẹ, “I i ghi kue ne emwa wa gha rre agbọn ẹdẹdẹmwẹdẹ rhunmwuda emwi ne ọ sẹtin wu ọre iran khin. Ke eban kpao iran i ghi ra gha ya gberra ukpo iyehan (120) vbe agbọn.”

Gẹnẹsis 6:3 ပူးပေါင်းရင်းမြစ်များ

Gẹnẹsis 6:2

Eso vbe avbe iran ni rre ẹrinmwi, keghi miẹn wẹ avbe ikhuo na wa mose ẹsẹse, ẹre iran na viọ ni yẹ iran vbọ rọnmwẹ.

Nehimaia 9:30

Ke ukpo dinna ukpo, u keghi ye izin egbe gha ma iran emwi u ru ẹe ne avbe akhasẹ ruẹ guan, sokpan emwa ruẹn keghi yin ehọ u keghi rhunmwuda ọnii rhie ẹghẹ ne ẹvbo ọvbehe ya khọn iran.

Psalm 78:39

Ọ yerre wẹ emwa ni sẹtin wulo iran khin, zẹ vbe ẹhoho ne ọ hoho gberra, a ghi ho ẹre bẹkun.

Psalm 90:10

Ukpo ekigbesiyenẹ ọre ima mwẹ, deghẹ ma wegbe ọ ghi sẹ iyenẹ Sevba, akhiẹ kevbe ibaro ẹre iran rhie gie ọmwa; vbe ọ ma he kpẹe, ẹdagbọn mwa gberra, ma ghi gha rriẹ.

Aizaia 5:4

Emwi eso rrọọ ra ne I ma sẹtin ru ne ẹẹn? Vbọ ghi zẹ yi, ne ọ na mọ ọmọ ne ọ kaẹn vbe imẹ rhie aro ye ọmọ ni maa?

Aizaia 57:16

Mẹ ọ re ọ rhie arrọọ ne emwa mwẹ, rhunmwuda ọnii, mẹ i ra wa gha gu iran gui ra ne ohu iran gha mu mwẹ rhinrin ẹdẹ.

Aizaia 63:10

sokpan, iran keghi sẹmwẹ ọnrẹn, iran keghi gha rhia ẹre ẹko rua. Rhunmwuda ọnii, e Nọyaẹnmwa keghi khian oghian iran, Ọ keghi gu iran gbinna.

Jerimaia 11:11

Rhunmwuda ọnii nian, mẹ ne Nọyaẹnmwa, ọ re ọ tama iran yotọ na wẹ I ra do si ọfuan ye iran egbe, kevbe wẹ iran i sẹtin lẹ ọre fe. Iran gha tu bu mwẹ gha dee do nọ iyobọ, I i zẹdẹ zẹ ye iran ẹre.

Jerimaia 11:7

Ẹghẹ ne I na viọ iran ke otọe Igipt ladian, te I mobọ wa kan rẹn ye iran ehọ wẹ ne iran gha họn ẹmwẹ mẹ, te I yevbe gha ta ẹe ma iran khian rhinrin do sẹ ẹdẹnẹrẹ na.

Nọmbas 11:17

I gha tuorre do guẹ guan vbe evba, I gha rhie vbe orhiọn ne I rhie ne uwẹ nẹ, I ghi rhie ne iran. Ẹghẹ nii iran ghi gha ru iyobọ ne uẹn ya gha gbe aro ghe avbe emwa na, ne ọ ghẹ ghi gha re wẹ wẹ ọkpa ọ re ọ mu uhunmwu da ẹre.”

Iyẹn ne ọ Maan Ọghe Jọn 3:6

Ikinnegbe ọre ikinnegbe biẹ, orhiọn ọre Orhiọn vbe biẹ.

Iwinna 7:51

“Wa na ni zẹ udu gbee! Wẹ ne ekhọe ibisi, wa ni kan igban khiọ ehọ, ne ẹ i họn ẹmwẹ Osanobua. Vbene avbe erha uwa gha ye ọre uwa vbe ye. Orhiọn Ne Ọ Huanrẹn ọre uwa gu suan ẹdẹ.

I Tẹsalonaika 5:19

Wa ghẹ mu idobo ye orhiọn Ne ọ Huanrẹn iwinna.