Gẹnẹsis 6:17 - Edo Bible (E Baibol Ẹdo) Version 1996

¹⁷ I ra gie uromwẹ amẹ rrie agbọn ne ọ fuẹn emwi ni rrọọ hia. Emwi hia ni rre agbọn gha wulo,

Gẹnẹsis 6:17 ပူးပေါင်းရင်းမြစ်များ

Gẹnẹsis 2:7

Ọre Nọyaẹnmwa Osanobua na rhie ekẹn vbe otọe, ọ keghi yae ma okpia, ọ keghi hiọnrọn uhiọnrọnmwẹ arrọọ ye ọre uvun ihue, okpia nii keghi khian ne ọ ghi rrọọ.

Gẹnẹsis 6:13

Osanobua keghi tama Noa wẹẹ, “I tae nẹ ighẹ I ra fuẹn emwa fo. I ra wa fuẹn ehia a fẹfẹẹfẹ, rhunmwuda, agbọn vuọn ne uyimwẹ ika ne iran yin.

Gẹnẹsis 6:16

U ghi bọ owa ye okọ nii uhunmwu, u ghi sẹ ẹkpotọ omwa akhuẹn obọ evairrọvbugie rae ye ẹkpo okpo ke okhiẹ emwiokọ. U ghi kan ẹnrẹn omuyan eha ne u vbe fian urho ye efẹn ọnrẹn.

Gẹnẹsis 6:7

Ẹre ọ ghi na kha wẹẹ, “I gha fuẹn iran an ighẹ emwa ne I yi, I gha fuẹn iran an ighẹ avbe aranmwẹ kevbe ahianmwẹ rhunmwuda I kpa rẹn I ghẹ yi iran.”

Gẹnẹsis 7:15

Ọdọ vbe amwẹ ọghe emwi ughughan ni rre agbọn hia keghi lele Noa la uwe okọ.

Gẹnẹsis 7:17

Uromwẹ amẹ keghi ya ikpẹdẹ iyeva vbotọ, amẹ ni keghi do bun sẹ ne ọ gha sẹtin tọn okọ mu vbe otọ.

Gẹnẹsis 7:4

Vbe ẹdẹ ne ẹdẹ ihinrọn ẹre, I gha gie amẹ ye avan iyeva kevbe asọn iyeva rhọ ye agbọn, ne ọ miẹn ehe na fuẹn emwi hia ne I yi ni rre agbọn.”

Gẹnẹsis 9:9

“I ra guẹ kevbe uniẹn ruẹn ta ile,

Job 22:16

Sokpan, orogho lẹ iran gha rrie, vbe ọ ma he sẹ ẹghẹ iran.

Psalm 107:34

Ọ ya avbe otọ ni maa emwiokọ khian otọe umwẹ, ni la ọ rhie rriẹ, rhunmwuda uyimwẹ dan avbe emwa ni rrọọ.

Psalm 29:10

E Nọyaẹnmwa ọ re ọ kha yan avbe ogiamẹ, rẹn khaemwisẹ zẹ vbe Ọba ẹdẹdẹmwẹdẹ.

Ẹksọdọs 14:17

I gha ya ivbi Igipt ze vbe udu sẹrriọ wẹ iran ghi vbe lele iran larọ, vbene I gha ya khọn iran muotọ ighẹ ọba Igipt, ivbi iyokuo ẹre hia, ikẹkẹ okuo ẹre kevbe iran nii gua ẹe nẹẹn, ọ na gha rhie usi gunmwẹ.

Aizaia 51:12

E Nọyaẹnmwa khare wẹẹ, “Mẹ ọrọre ọmwa ne ọ rhie ẹtin ye uwẹ iwu vbọzẹ ne u gha na mu ohan ọmwa ne ọ sẹtin wu ne ẹ i vbe tọ sẹẹ irunmwu?

Aizaia 54:9

“Vbe ẹghẹ e Noa, I yanrẹn ne I ghẹghi dọlegbe gie amẹ ro gba otọ agbọn. Banbanna nian, I yanrẹn ne I ghẹ ghi dọlegbe mu ohu ghe uwa. I i ghi ra gu uwa gui ra ne I rri uwa oya.

Ezikiẹl 34:11

“Mẹ ne Nọyaẹnmwa ne Udazi tama uwa nian wẹ, I gha gualọ avbe ohuan mwẹ miẹn, I ghi vbe tobọ mwẹ gha gbearoghe iran.

Ezikiẹl 34:20

“Rhunmwuda ọnii, mẹ ne Nọyaẹnmwa ne Udazi tama uwa wẹ I gha bu ohiẹn uwa ne ohuan ni wegbe kevbe avbe ohuan ni ma wegbe.

Ezikiẹl 5:8

Rhunmwuda ọnii, te imẹ ne Nọyaẹnmwa ne Udazi ghi tama ruẹn nian ighe oghian an ọ re I khin. Igha bu ohiẹn ruẹn vbe ehe ne aro uhunmwu ẹvbo hia gha na sẹ ọe.

Ezikiẹl 6:3

Tama avbe oke Izrẹl ne iran danmwehọ vbene e Nọyaẹnmwa ne Udazi khare, ne iran họn ẹmwẹ ne imẹ ne Nọyaẹnmwa ne Udazi tama avbe oke nekhua ke negiẹrẹ, avbe ugboghodo kevbe iya: I gha gie umozo ne ọ do guọghọ ehe ne emwa na ga avbe ẹbọ rua.

Hozia 5:14

I gha gu ivbi Izrẹl kevbe Juda gbinna zẹvbe oduma. Mẹ tobọ mwẹ ọ re ọ ra yanghan iran hẹkua. Ẹghẹ ne I gha na silo iran kpao, ọmwa ne ọ gha sẹtin miẹn iran fan i rrọọ.

Levitikọs 26:28

Ẹghẹ nii ohu gha mu mwẹ I ghi werriẹ aro da uwa, I ghi dọlegbe rhie ukhukhu ihinrọn ba oya ne I gha rri uwa re.

Emọs 9:6

Ẹrinmwi ọre Nọyaẹnmwa bọ owa ẹre yi. Ọ keghi fi iso, zẹ vbe ekharha yan otọ agbọn. Ọ datie amẹ ni rre Okun. Ọ keghi hihiẹ ọe ku otọ agbọn e Nọyaẹnmwa ọrọre eni ẹnrẹn.

Matiu 24:39

Iran ma rẹn enaye uromwẹ amẹ te do kpolo ehia gha rrie. Erriọ ọ gha ye vbe Ovbi Ọmwa a rre.

Iyẹn ne ọ Maan Ọghe Luk 17:27

Emwa kegha re, iran na gha da, iran na gha rọnmwẹ egbe rhinrin ya sẹ ẹdẹ ne Noa la okọ. Uromwẹ amẹ keghi rre, ọ na fuẹn iran hia ua.

Ebe ne Pọl gbẹẹn gie emwa Rom 5:21

Erriọ vbe nọ, zẹ vbene orukhọ gha ya uwu khaemwisẹ, erriọ zẹẹ ọre ẹsọhẹ Osanobua vbe ya ẹmwata gha khaemwisẹ, ọ ghi gha su ima rrie arrọọ ẹtẹbitẹ vbekpa Jesu Kristi Nọyaẹnmwa.

Ebe ne Pọl gbẹẹn gie emwa Rom 6:23

Rhunmwuda, uwu ọre orukhọ ya ha osa. Sokpan ẹse ọhẹ Osanobua keghi re ẹfe arrọọ, vbe ayegbe ba Jesu Kristi Nọyaẹnmwa.

Diuteronomi 32:39

“ ‘Mẹ, mẹ ọkpa kẹkan ọrọre Osanobua, Osanobua ẹmwata ọvbehe i ghi rrọọ. I gbe; I vbe huẹn, I fian ẹwẹn, I vbe kpe ẹwẹn rrie, ne ọ gha sẹtin gbe odan ye emwi ne I ru, ẹ i rrọọ.

Hibru 11:7

Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.

I Pita 3:20

Ena keghi re orhiọn iran ni ma họn ẹmwẹ ne Osanobua vbe uwu ẹghẹ ne ọ na ya i ziengbe mudia vbe Noa ka okọ. Ibozẹghẹ ni gha rre uwu okọ ni — iran erẹnrẹn nọ, a keghi la ekpa amẹ miẹn iran fan.

II Pita 2:5

Osanobua ma yabọ agbọn nẹdẹ, sokpan, te ọ hihiẹ Okpamẹ ne ọ lẹ rhu agbọn emwa dan, emwa ni miẹn uhunmwu vbọ ma gberra Noa ne ọ gha kpe orhu ẹmwata, deba arhin ihinrọn ọvbehe.