Gẹnẹsis 6:11 - Edo Bible (E Baibol Ẹdo) Version 1996

¹¹ Sokpan, emwa nekpa hia keghi gha re emwa dan vbe odaro Osanobua, ọkhọ ne iran ru keghi vẹ gba ehe hia.

Gẹnẹsis 6:11 ပူးပေါင်းရင်းမြစ်များ

Gẹnẹsis 10:9

Vbekpa iyobọ e Nọyaẹnmwa, ọ vbe gha re ohuẹ ne ọ sẹre vbe agbọn, ọna ọ siẹe ne emwa na yae kpitan wẹẹ, “Te Nọyaẹnmwa gha guẹ gha re ohuẹ nọkhua ne ọ ye vbe Nimrọd.”

Gẹnẹsis 13:13

ne emwa rẹn re emwa dan ni vbe ru orukhọ ghe Nọyaẹnmwa.

Gẹnẹsis 7:1

E Nọyaẹnmwa keghi tama Noa wẹẹ, “La uwe okọ ke uwẹ kevbe ẹgbẹe ruẹ hia. I miẹn wẹ vbe uwe avbe emwa na hia, wẹ ọkpa kẹkan ọre uyinmwẹ ọnrẹn la mwẹ aro vbọ.

II Krọnikol 34:27

U keghi roiro fi uyinmwẹ werriẹ, u na mu egbe rriotọ vbe odaro mwẹ, u na sọ ukpọn ye egbe ruẹ urhu, u na vbe gha viẹ, vbe u họn vbene I wẹ I gha rri e Jerusalẹm kevbe emwa ni rrọọ oya hẹẹ, I họn erhunmwu ruẹn.

Psalm 11:5

Rẹn ọ re ọ ghe ọmwa esi, ke ọmwa dan vbe abọ ọkpa ni. Ọ kakabọ khuiwu iran ne ẹi mu uhi sẹ.

Psalm 140:11

Ẹ i ghẹ dunna ne iran ni mu ẹmwẹ kuan ẹrrẹe, emwi dan ọ re ọ gha dekun emwa ọkhọ, ne ọ fuẹn iran an.

Psalm 55:9

Gie iran ne eghian mwẹ zurọ ua vbe iran a gha guan, I miẹn uyimwẹ ne ọ wegbe kevbe otighi vbe ẹvbo nii.

Ẹksọdọs 32:7

E Nọyaẹnmwa keghi tama e Mosis wẹẹ, “Zẹgiẹ tuorre, rhunmwuda avbe emwa ruẹn ne u viọ ke Igipt gha dee fa egbe ua nẹ, iran he mwẹ ye otọ.

Aizaia 60:18

A i ghi họn ẹmwẹ ọkhọ vbọ ọvbehe, ọfuan i ghi ra dọlegbe rhia ẹvbo ruẹ ua I gha degue ruẹ I ghi vbe gbinna nuẹn zẹ vbe ekẹn ne a gbe lẹga ẹvbo. Wẹ gha rho mwẹ rhunmwuda, I miẹn ruẹn fan nẹ.

Jerimaia 6:7

Zẹ vbene uhae ya amẹ ọnrẹn ru ọgbọngbọn, erriọ ọ re Jerusalẹm ye orukhọ ẹre ru ọgbọngbọn. I họn ẹmwẹ ọkhọ ọfuan vbe ore ẹvbo nii. Emianmwẹ kevbe ẹwẹn okpa ọ re I bẹghe vbọ.

Ezikiẹl 28:16

U kegha winna vbe ne u na gha dẹ, u na vbe gha khiẹn, ọ na keghi si uyinmwẹ ọkpankpan kevbe orukhọ ye uẹ egbe. Mẹ keghi rhunmwuda ọnii khue hin oke mwẹ nọhuanrẹn rre, ẹre odibosa ne a wẹ ne ọ gha gbe aro ghe ruẹ na khue hin uwu ẹbu avbe okuta ni fi wainwain ni rre.

Ezikiẹl 8:17

E Nọyaẹnmwa keghi tama mwẹ wẹẹ, “Ovbi ọmwa a deghẹ u miẹn onii, ivbi e Juda na, ẹko ẹre ma vuọn iran ighe emwi ne ọ zughu ẹko ne iran ru zẹ vbene u miọẹn na, kevbe ne iran gha yin uyinmwẹ ikẹtin vbe otọe na hia. Sokpan, te iran gha rre do ru ẹe vbe uwu Ọgua Osa tobọ ẹre ne a miẹn ehe na kakabọ ya ohu mu mwẹ. A deghẹ u miẹn vbene iran la odẹ ne ọ ghi sọnnọ sẹẹ ehia yagha mwẹ hẹ.

Habakọk 1:2

Nọyaẹnmwa, inu ẹghẹ ọ re I gha datu nọ iyobọ la, a keghi zẹ yọmwẹ re, ne u do miẹn ima fan hin obọ uyinmwẹ ọkpankpan rre?

Habakọk 2:17

U tọn ẹgbo Lebanọn gbe otọ nẹ, banbanna nian a gha vbe tọn uwẹ gbe otọ, u gbele aranmwẹ ọnrẹn nẹ, banbanna nian, te avbe aranmwẹ ọnrẹn ghi ra runran uwẹ. Ena gha sunu rhunmwuda izigha ne u dee kevbe uyinmwẹ ika ne u yin ghe emwa ne agbọn na kevbe avbe okpẹvbo ni rrọọ.

Habakọk 2:8

Ẹ i re avbiẹ emwa ẹvbo nibun ọ re uwa he fu ẹre emwi viọ sokpan, banbanna nian, iran ni miẹn uhunmwu vbọ gha vbe do fu uwa emwi viọ rhunmwuda izigha ne uwa de kevbe rhunmwuda uyinmwẹ ika ne uwa yin ghe agbọn kevbe avbe okpẹvbo ni rrọ.

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Ebe ne Pọl gbẹẹn gie emwa Rom 2:13

Rhunmwuda ẹ i re rhunmwuda ighẹ a họn ẹmwẹ nene Uhi ọre a ya rri asẹ vbe odaro Osanobua, sokpan ne a gha ru vbene Uhi ni kha re.

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

Diuteronomi 31:29

I rẹnrẹn wẹ I gha wu ne, iran ghi do khian emwa dan, iran ghi mu emwi ne I ma iran ẹre fua. Vbe ẹdẹ ne ọ dee, ọkhọ gha rruan iran rhunmwuda, iran ya ohu mu e Nọyaẹnmwa, vbe ne iran na ya gha ru emwi ne ọ tama iran ighẹ a wua.”

Giọgis 2:19

Sokpan ọkaolotu ghẹ ghi wu nẹ, emwa nii ghi vbe werriegbe la odẹ nẹdẹ, iran ghi vbe ru emwi ne o khọrhiọn sẹ orre ne iran lele. Iran ghi lele avbe ẹbọ ọvbehe, iran ghi ga iran vbe ya uhunmwu rhanmwẹ otọ ne iran. Iran keghi ye izevbudu gha ru emwi dan iran khian.