Gẹnẹsis 50:5 - Edo Bible (E Baibol Ẹdo) Version 1996

⁵ “Ẹghẹ ne erha mwẹ ra na wu, ọ na ya mwẹ vẹn ihẹn wẹ I gha ya re irẹn ye idin ne ọ tobọ re fian vbe otọ Kenan, Lahọ gunmwẹ ya re erhamwẹ ne I vbe dọlegbe gha dee.”

Gẹnẹsis 50:5 ပူးပေါင်းရင်းမြစ်များ

Gẹnẹsis 3:19

Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

Gẹnẹsis 48:21

E Jekọb keghi tama e Josẹf wẹẹ, “Ghe, ẹghẹ uwu mwẹ sikẹ otọ fo. Sokpan Osanobua gha yaba ruẹ, ọ ghi vbe dọlegbe rhie ruẹ gha die otọe avbe erha a odede.

Gẹnẹsis 50:24

Rẹn keghi tama etiọnrẹn wẹẹ, “Te i ghi ra wu na, sokpan Osanobua gha gbearoghe uwa vbe ne a i na gbe awẹawẹ, ọ ghi viọ uwa ke otọe na ladian gha rrie otọe nii ne ọ ve iran ẹre ighẹ Ebraham, Aizik kevbe Jekọb.”

Gẹnẹsis 50:4

Ẹghẹ ne a khiẹ erhae la ghi fo nẹ, e Josẹf keghi khama emwa iwinna ọba wẹẹ,

Gẹnẹsis 50:6

Ọba keghi wanniẹn wẹẹ, “Gha khian ya re erhae zẹ vbe ne u yan ma rẹn wẹ u gha ru.”

II Krọnikol 16:14

A na re ẹre ye idin ne ọ fian ye uwu okuta ne egbe ẹre vbe Ẹvbo e Devid. Iran keghi ya avbe ọmọ erhan kevbe ori ni winhin wo ẹre egbe wa ẹre ye ukpo, iran keghi hie ogidi erhẹn nọkhua ya ru akhiẹ ne ẹẹn.

Job 30:23

I rẹnrẹn ighẹ uwu ọ re u rhie mwẹ rrie na, ẹmwẹ agbọn ne a mwamwa khẹ emwa hia.

Psalm 79:3

Iran tue esagiẹn emwa ruẹn ye otọ zẹ vbe amẹ. Esagiẹn gha lẹ zẹ vbe amẹ, la ore Jerusalẹm hia. A ma ghi vbe sẹ orhiọnkpa rae ne ọ gha re orinmwi.

Asan-Ibo 12:5

Ohan ehe ni yo hia ghi gha mu ẹẹn, owẹ ne a ya khian ghi do zẹ ẹbe nuẹn. Eto ruẹ ghi do khian nọfua. Vbe u ghi te do zẹ owẹ, ọ ghi ba kua, iro hia ghi wii. Ehe ikẹtin okiekie mwa ọ re ima ghi rrie na, akhiẹ ghi do gha rre idunmwu nii.

Asan-Ibo 12:7

Ikinnegbe mwa ghi dọlegbe ghe ekẹn ne otọe, orhiọn ghi dọlegbe bu Osa ne ọ rhie ẹre ne ọmwa.

Asan-Ibo 6:3

Ọmwa sẹtin biẹlẹ emọ iyisẹn, ọ ghi vbe tọ ẹsẹse, sokpan, vbene ọ khọnrẹn ne ọ tọ sẹhẹ, a dẹghe ọyẹnmwẹ ma sẹ ọe vbene ọ te khẹ kẹe, a dẹghe a ma vbe re ẹre ẹse, ẹmwẹ ne I miẹn ta ye evba ọrọre wẹ, ọmọ ne okpa ma gbe ifuẹn na ọ re ọ wa maa sẹẹ.

Aizaia 22:16

“Demwi ne u tie egbe ruẹ re yi? De asẹ ne u mwẹ yi ne u ya fian idin ne egbe uẹ vbe ọkpẹn oke okuta?

Matiu 27:60

Ọ na wa ẹre ye idin irẹn tobọre ne ọ da fian ye uwu okuta. Ọ keghi werriẹ okuta ẹrẹkhẹrẹ gue unu idin ni, ọ na gha rrie.

Diuteronomi 4:22

Otọe edinran ọ re i ra wu yi, mẹ i ra fian ẹzẹ rra, sokpan te uwa ghi ra fian ẹn rra na ne uwa ya yin otọ esiesi nii.

I Samuẹl 14:43

E Sọl keghi nọ e Jonatan wẹẹ, “Vbe u a ru yi?” E Jonatan keghi wanniẹn wẹẹ, “I rri owọn kherhe. Ghe mwẹ vbe emwa na, I mu egbe ne I gha ya wu.”