Gẹnẹsis 50:24 - Edo Bible (E Baibol Ẹdo) Version 1996

²⁴ Rẹn keghi tama etiọnrẹn wẹẹ, “Te i ghi ra wu na, sokpan Osanobua gha gbearoghe uwa vbe ne a i na gbe awẹawẹ, ọ ghi viọ uwa ke otọe na ladian gha rrie otọe nii ne ọ ve iran ẹre ighẹ Ebraham, Aizik kevbe Jekọb.”

Gẹnẹsis 50:24 ပူးပေါင်းရင်းမြစ်များ

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 13:15

I gha mu otọe ne u bẹghe hia ne uwẹ vbe uniẹn ruẹn, ọ ghi vbe gha re ọwuẹ ẹdẹdẹmwẹdẹ.

Gẹnẹsis 13:17

Wanwanna nian, mu egbe ne u khian la otọe nii ga a, rhunmwuda, te I ra mu ehia nuẹn.”

Gẹnẹsis 15:18

Ẹdẹ nẹdẹrriọ, Nọyaẹnmwa keghi gu Ebram ta ile wẹẹ, “I yanrẹn ighẹ I gha mu otọ na hia ne uniẹn ruẹn, ke ẹzẹ ne ọ rre ehe ne Igipt lae ya sẹ Yufretes ne okpẹzẹ.

Gẹnẹsis 15:7

Ẹre Nọyaẹnmwa na tama rẹn wẹẹ, “Mẹ ọrọre Nọyaẹnmwa ne ọ we ne u kpao vbe Babilonia rre, ne a miẹn ehe na mu otọe na nuẹn zẹ vbe ọwuẹ.”

Gẹnẹsis 15:8

Sokpan Ebram wanniẹn wẹẹ, “Nọyaẹnmwẹ ne Udazi, vbia gha ya rẹn hẹ wẹ ọghomwẹ nọ?”

Gẹnẹsis 17:8

I gha mu otọe ne uwẹ ye na zẹ vbe orhunmwuyẹn ne uwẹ vbe uniẹn ruẹn. Otọe Kenan hia ghi gha re ọwuẹ ẹdẹdẹmwẹdẹ, mẹ ghi vbe gha re Osanobua iran.”

Gẹnẹsis 21:1

E Nọyaẹnmwa keghi fiangbe Sera zẹ vbene ọ khare.

Gẹnẹsis 26:3

U ghi di emwa ya, I gha rrọọ yaba ruẹ, I gha fiangbuẹ rhunmwuda, I gha mu otọ na nuẹn kevbe uniẹn ruẹn. I gha mu eyan ne I yan ma Ebraham ne erhaa sẹ.

Gẹnẹsis 28:13

Iyekọni, ọ keghi miẹn vbe Nọyaẹnmwa mudia ke irẹn, ọ wẹẹ, “Mẹ ọrọre Nọyaẹnmwa, Osanobua Ebraham kevbe Aizik. Otọ ne u lovbiẹ yi na, I gha yae nuẹn ke uwẹ kevbe uniẹn ruẹn,

Gẹnẹsis 3:19

Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

Gẹnẹsis 35:12

I gha mu otọ ne I mu ne Ebraham Aizik nuẹn, I gha vbe mu ẹẹn ne ivbi uniẹn ruẹn vbe iyeke ruẹ.”

Gẹnẹsis 46:4

I gha leluẹ gha rrie Igipt, I gha vbe viọ ivbi uniẹn ruẹn dọlegbe gha die emwa. E Josẹf gha rre ehe ne u ye vbe ẹghẹ ne u gha ya wu.”

Gẹnẹsis 47:29

Ọ ghi bu ẹghẹ ne Izrẹl gha ya wu, ọ keghi tie Josẹf ne ovbi ẹre, ọ tama rẹn wẹẹ, “Lahọ, do viọ obọ ruẹ yọ mwẹ akharha ne u yan ma mwẹ wẹ, u gha ya ẹkoata gha ru emwi ne ọ maa ghe mwẹ, wẹ u i ra mu mwẹ yotọ vbe Igipt.

Gẹnẹsis 48:21

E Jekọb keghi tama e Josẹf wẹẹ, “Ghe, ẹghẹ uwu mwẹ sikẹ otọ fo. Sokpan Osanobua gha yaba ruẹ, ọ ghi vbe dọlegbe rhie ruẹ gha die otọe avbe erha a odede.

Gẹnẹsis 50:5

“Ẹghẹ ne erha mwẹ ra na wu, ọ na ya mwẹ vẹn ihẹn wẹ I gha ya re irẹn ye idin ne ọ tobọ re fian vbe otọ Kenan, Lahọ gunmwẹ ya re erhamwẹ ne I vbe dọlegbe gha dee.”

Job 30:23

I rẹnrẹn ighẹ uwu ọ re u rhie mwẹ rrie na, ẹmwẹ agbọn ne a mwamwa khẹ emwa hia.

Ẹksọdọs 12:41

Vbe ikpẹ ẹdẹ ne ọ wa gba vbe ọgban yan uri eva zẹ, ivbi ẹwae emwa e Nọyaẹnmwa hia keghi kpao vbe otọ Igipt rre.

Ẹksọdọs 12:51

Vbe ẹdẹ ne ẹdẹrriọ zẹ e Nọyaẹnmwa keghi viọ ẹwae ivbi Izrẹl ladian vbe otọe Igipt rre.

Ẹksọdọs 13:19

E Mosis keghi mu ikun ọghe Josẹf mwẹ zẹ vbe ne Josẹf ya ivbi Izrẹl vẹn ihẹn ọnrẹn wẹ iran gha ru. E Josẹf ta ẹe wẹẹ, “Ẹ i mwẹ Osanobua ma miẹn uwa fan, wa ghi mu ikun mwẹ ba egbe lahin evba nii rre.”

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Ẹksọdọs 33:1

E Nọyaẹnmwa keghi tama e Mosis wẹẹ, “Kpao vbe emwa na rre ke uwẹ kevbe emwa ne u viọ ke Igipt ladian, ne u gha rrie otọ ne I wẹ I gha mu ne Ebraham, Aizik kevbe Jekọb, kevbe uniẹn iran ẹghẹ ne I na tama iran wẹẹ, ‘I gha mu otọ na ne ivbi uniẹn uwa.’

Ẹksọdọs 4:31

Iran keghi yayi, ugbẹn vbe iran ghi họn wẹ Nọyaẹnmwa bu iran gha dee, ighẹ ọ vbe miẹn vbe iran sẹ iran usẹ hẹ, iran keghi ya uhunmwu rhanmwẹ otọ, iran na ga Osanobua.

Asan-Ibo 12:5

Ohan ehe ni yo hia ghi gha mu ẹẹn, owẹ ne a ya khian ghi do zẹ ẹbe nuẹn. Eto ruẹ ghi do khian nọfua. Vbe u ghi te do zẹ owẹ, ọ ghi ba kua, iro hia ghi wii. Ehe ikẹtin okiekie mwa ọ re ima ghi rrie na, akhiẹ ghi do gha rre idunmwu nii.

Asan-Ibo 12:7

Ikinnegbe mwa ghi dọlegbe ghe ekẹn ne otọe, orhiọn ghi dọlegbe bu Osa ne ọ rhie ẹre ne ọmwa.

Nọmbas 32:11

‘Rhunmwuda ne iran ma na guobọ mwẹ, avbe emwa hia ni rre ukpo ugie, kevbe ni wan sẹ ọnii, vbe iran kpao hin Igipt rre, ne ọ gha sẹ otọ ne ne I ve Ebraham, Aizik kevbe Jekọb re, ẹ i rrọ.’

Ebe ne Pọl gbẹẹn gie emwa Rom 5:12

Obọ orhiọnkpa kẹkan ọre orukhọ la la agbọn, orukhọ keghi rhie uwu mwẹ obọ gha dee. Emwi ne ọ ghi ke ẹre ikian ọrọre wẹ uwu keghi sẹ egbe emwa ni rre agbọn na hia, rhunmwuda ighẹ ima hia ọre ọ ru orukhọ.

Diuteronomi 1:8

Ena ọrọre, otọ ne imẹ ne Nọyaẹnmwa yan rẹn wẹ I gha mu ne avbe erha uwa odede Ebraham, Aizik kevbe Jekọb, kevbe avbe ivbi iran, ọ re ena khin, wa gha khian ya yin ẹnrẹn.’ ”

Diuteronomi 6:10

“E Nọyaẹnmwa Osanobua mwa tama avbe erha mwa odede ighẹ Ebraham, Aizik kevbe Jekọb wẹ rẹn gha mu otọe ne avbe okpẹvbo ni kọnkọn kevbe ne emwi ẹfe ye ne uwa ma bọ, ne uwa.

Hibru 11:22

Iyayi ọre a ya miẹn wẹ, ọ ghi bu ẹghẹ ne Josẹf ra ya wu, ọ keghi ye unu kan ẹmwẹ vbene ivbi Izrẹl gha kpao vbe Igipt rre hẹẹ, ọ na tama iran vbene iran gha ru ikun irẹn hẹẹ.

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.

Jọsua 24:32

Iran keghi re avbe ugboloko e Josẹf ne ivbi Izrẹl viọ ke Igipt gha dee ye Siẹkẹm, vbe ako otọ ne Jekọb gu ivbi e Hamọ ne erha Siẹkẹm dẹ ọ re esiliva iyisẹn. Ivbi e Josẹf ọ re ọ rri otọe nii vbe ukhu.