Gẹnẹsis 50:21 - Edo Bible (E Baibol Ẹdo) Version 1996

²¹ Banbanna nian, wa ghe fian afianma, I gha gbearoghe uwa kevbe ivbi uwa negiẹrẹ.” Ọ keghi ye ẹmwẹ itohan rhie igiọdu ne ọ mu iran ekhọe ne iran.

Gẹnẹsis 50:21 ပူးပေါင်းရင်းမြစ်များ

Gẹnẹsis 34:3

Sokpan ẹmwẹ ọmọ okhuo na keghi yẹ ọre, rhunmwuda ose ẹre, ọ keghi suẹn gha ho ne ọ wa rhie ẹre rọnmwẹ.

Gẹnẹsis 45:5

Banbanna nian, wa ghẹ gie iro han uwa ra ne uwa gha gu egbe uwa gui rhunmwuda ighẹ wa khiẹn mwẹ gha die edinran. Osanobua ọ re ọ gie mwẹ ke aro ne uwa ne I sẹtin sinmwi emwa ye agbọn.

Gẹnẹsis 47:12

E Josẹf keghi gha rhie evbare ne erha ẹe, kevbe avbe etiọnrẹn kevbe emwa erha ẹe hia ya sẹ egbe iran ni kanmwa sẹ.

Gẹnẹsis 50:22

E Josẹf kegha rre Igipt kẹe kevbe ẹgbẹe erha ẹe, ọmọ ukpo igbeyan iyisẹn ọre ọ gha ye vbe ọ wu.

II Krọnikol 30:22

E Hẹzekaia ne Ọba keghi tian avbe Livai ye iguemwi ne iran ya ru ugamwẹ e Nọyaẹnmwa.

Aizaia 40:2

Wa rhie igiọdu ne ivbi e Jerusalẹm wa khama iran ighẹ iran rrii oya kpee sẹ nẹ, ighẹ a ya orukhọ iran bọọ iran nẹ nian. I rrii iran oya sọkẹn ye orukhọ iran hia nẹ.”

Matiu 5:44

Sokpan, mẹ tama uwa nian, gha ho ẹmwẹ nọkhuiwu ruẹ, gha na erhunmwu ne iran ni zẹ uwẹ owẹ.

Matiu 6:14

“Wa gha ya emwi ne emwa ru uwa re khọ bọ iran, erha uwa ne ọ rre ẹrinmwi gha vbe ya bọ uwa.

I Tẹsalonaika 5:15

Wa ghẹ ye ọkhọ ha osa ọkhọ, sokpan wa gha ru egbe emwi esi, wa ghi vbe gha ru emwa hia ẹse vbe ẹghẹ hia.

I Pita 3:9

Wa ghẹ ya ọkhọ ha osa ọkhọ, ra ne a ya ihẹn ha osa ihẹn, sokpan wa gha ya erhunmwu afiangbe ha osa, rhunmwuda, ẹghẹ ne Osanobua na tie uwa, afiangbe ọre ọ wẹ rẹn ra rhie ne uwa.

Giọgis 19:3

Ẹre okpia nii na wẹ rẹn gha ya gualọ ẹe ne irẹn rherhe ọe ne ọ gha die owa. Ọ keghi rhie ọguọmwadia ẹre kevbe ekẹtẹkẹtẹ eva ba egbe. Okhuo nii keghi miẹn rẹn yi vbe owa erha ẹe. Ugbẹn vbe erha okhuo nii ghi miẹn ọẹn, ọ keghi ya oghọghọ gbe ọbokhian ne ẹẹn.