Gẹnẹsis 50:18 - Edo Bible (E Baibol Ẹdo) Version 1996

¹⁸ Etiọnrẹn tobọ ẹre keghi rre, iran keghi vbokho egbe rriotọ nẹẹn, iran wẹẹ, “Banbanna nian, ghe ima vbe odaro ruẹ zẹ vbe eviẹn ruẹn.”

Gẹnẹsis 50:18 ပူးပေါင်းရင်းမြစ်များ

Gẹnẹsis 27:29

Te iyaẹvbo nibun gha khian eguọmwadia ruẹ, ne emwa gha hie uhunmwu rre nuẹn. Te u gha khian arowa avbe etuẹn, ne uniẹn ivbi iyuẹ gha vbokho uhunmwu rre nuẹn. Ihẹn ọghe iran ni rhovbiọọ afiangbe ọghe iran ni fiangbuẹ.”

Gẹnẹsis 41:43

Ọ ke wẹ ne ọ hin ikẹkẹ okhuae nogieva ọghe ọba, iran ni wan ẹvbo hin odẹ rre ke odaro nẹẹn gha go wẹẹ, “Wa wan ruan.” Erriọ ọre a ya ye Josẹf ru enọkhaemwisẹ yan Igipt.

Gẹnẹsis 42:6

Zẹvbe enọkhaemwisẹ yan Igipt, e Josẹf ghi rre, iran keghi viọ ẹko rhu otọ vbe odaro ẹre.

Gẹnẹsis 44:14

Ugbẹn vbe Juda kevbe etiọnrẹn ghi sẹ owa e Josẹf, te ọ he ye rre evba. Iran keghi vbẹrre nẹ.

Gẹnẹsis 45:3

E Josẹf keghi tama etiọnrẹn wẹẹ, “Mẹ ne Josẹf ọna khin, Erha mwẹ ye rre agbọn ra?” Sokpan ohan mu avbe etiọnrẹn sẹrriọ wẹ iran ma sẹtin rhie ewanniẹn nẹẹn vbe iran họn ẹmwẹ na.

Gẹnẹsis 50:17

“Ma rinmwian an lahọ, mianmian emwi dan kevbe orukhọ ne avbe etuẹn ru ghe ruẹ. Banbanna nian, lahọ ya emwi dan ne ima ne eguọmwadia Osanobua erha a ru bọ mwa.” Iran ghi ta ẹmwẹ na ma e Josẹf, ọ na gha viẹ.

Gẹnẹsis 50:19

Sokpan e Josẹf tama iran wẹẹ, “Wa ghẹ fian afianma, mẹ i ra sẹtin rhie egbe mwẹ ye ihe Osanobua.