Gẹnẹsis 50:17 - Edo Bible (E Baibol Ẹdo) Version 1996

¹⁷ “Ma rinmwian an lahọ, mianmian emwi dan kevbe orukhọ ne avbe etuẹn ru ghe ruẹ. Banbanna nian, lahọ ya emwi dan ne ima ne eguọmwadia Osanobua erha a ru bọ mwa.” Iran ghi ta ẹmwẹ na ma e Josẹf, ọ na gha viẹ.

Gẹnẹsis 50:17 ပူးပေါင်းရင်းမြစ်များ

Gẹnẹsis 31:42

Akpawẹ ẹ i re ne Osanobua avbe erhamwẹ, Osanobua Ebraham, Osanobua ne Aizik gae, na ya ba mwẹ, u gha we mwẹ fiabọ gha rrie nẹ. Sokpan Osanobua bẹghe ọlọghọmwa ne I ye kevbe ẹsọn ne I he miẹn, ọ re a na miẹn wẹẹ vbe nasọn ọ keghi bu ohiẹn.”

Gẹnẹsis 45:8

Rhunmwuda ọnii, ẹ i re uwa ọre ọ gie mwẹ gha die edinran sokpan Osanobua nọ. Ọ keghi ya mwẹ ru zẹ vbe ihe erha ne ọba, mẹ ọ re ọ gbearoghe ẹvbo ẹre hia kevbe ne ọ khaemwisẹ yan Igipt hia.”

Gẹnẹsis 49:25

Osanobua erhaa ọrọre ọmwa ne ọ yuẹ obọ, Osanobua Noghodua, ọrọre ọmwa ne ọ fiangbuẹ. Afiangbe ọghe amẹ ke odukhunmwu rre kevbe ọghe avbe odin amẹ kevbe uwu otọ gha dee, afiangbe ọghe ẹmila nibun kevbe emọ.

Gẹnẹsis 50:16

Iran keghi rhunmwuda ọnii gie uhunmwu gie Josẹf wẹẹ vbene erha ima te wu, ọ wẹẹ ne ima tama ruẹn wẹẹ,

Gẹnẹsis 50:18

Etiọnrẹn tobọ ẹre keghi rre, iran keghi vbokho egbe rriotọ nẹẹn, iran wẹẹ, “Banbanna nian, ghe ima vbe odaro ruẹ zẹ vbe eviẹn ruẹn.”

Gẹnẹsis 50:20

Te uwa te si uma ne uwa ru mwẹ emwi dan, sokpan Osanobua keghi fiẹe werriẹ yae khian emwi esi, ne ọ miẹn ehe na sinmwi emwa nibun ye agbọn, emwa na miẹn wẹ, ọnii ọ zẹe ne iran na rre agbọn ẹre na.

Psalm 21:11

Iran si uma, iran keghi khuan khẹ ọre. Sokpan ẹi dunna ne iran.

Itan 28:13

U gha gbe gue orukhọ ruẹ, agbọn i maa ruẹn ẹdẹ, miẹn iran kue ne u vbe zobọ vbọ, Osanobua gha tohan ruẹn.

Matiu 10:42

Wa vbe yerre wẹẹ, ọmwaikọmwa ne ọ sa ukpu amẹ nọfurre ne ne ọ kanmwa sẹ vbe uwu iran ni lele mwẹ na, rhunmwuda ighẹ ọmwa ne ọ lele mwẹ nọ, ẹ i mwẹ ọ ma rri ere ẹre.”

Matiu 18:35

Jesu keghi gbe ẹe wanniẹn wẹẹ, “Erriọ zẹẹ. Erha mwẹ ne ọ rre ẹrinmwi ra ru uwa, adeghẹ dọmwadẹ ọghọe vbe uwu uwa ma fan ekhọe rua yabọ ọtẹn ọnrẹn.”

Matiu 25:40

Ọba ghi wanniẹn wẹẹ, ‘Ne I tama uwa, ẹghẹikẹghẹ ne uwa ya ru egbe emwi vberriọ ne ne ọ kanmwa sẹ vbe uwu iran ne etẹn mwẹ na, wa ruẹe mẹ nẹ.’

Matiu 6:12

Ya orukhọ mwa hia bọ mwa, vbe ne ima ya bọ enirumwakhọ.

Iyẹn ne ọ Maan Ọghe Mak 10:41

Avbe erhuanegbe igbe ni dekẹe ghi họn ẹmwẹ na, ohu Jems kevbe Jọn kegha mu iran.

Galatia 6:10

Rhunmwuda ọnii, ẹghẹikẹghẹ ne a ya miẹn otọ, wa gie a gha ru emwa hia ẹse, sokpan sẹe hia sẹẹ hia, iran ne ima gba re ọkpa vbe ẹgbẹe iyayi.

Galatia 6:16

Iran ne ọ ya ọna ru emwi vbe ẹdẹ agbọn iran, ọfumwegbe kevbe itohan, ọre ọ gha gu iran rrọọ, iran kevbe emwa Osanobua hia.

Ẹfisọs 4:32

Sokpan, wa gha mwẹ itohan kevbe ekhọe agiẹngiẹn da egbe, wa vbe gha ya bọ egbe, zẹ vbene Osanobua vbe la ekpa Kristi yabọ uwa.

Jems 5:16

Rhunmwuda ọnii, wa gha miẹn orukhọ uwa kue ma egbe, wa ghi vbe gha na erhunmwu ne egbe. Ne egbe miẹn ehe na rran uwa. Erhunmwu ọmwa ẹmwata wa mwẹ ẹtin ne a ya winna iwinna ẹtin ẹsẹse.