Gẹnẹsis 50:15 - Edo Bible (E Baibol Ẹdo) Version 1996

¹⁵ Ugbẹn vbe erha iran ghi wu nẹ, etẹn e Josẹf keghi kha wẹẹ, “A deghẹ te ohu ima ye mu e Josẹf vbo, ọ na wẹ rẹn ra rria ikhi ye emwi dan ne ima ru ẹre re?”

Gẹnẹsis 50:15 ပူးပေါင်းရင်းမြစ်များ

Gẹnẹsis 37:18

Iran keghi bẹghe ẹre vbe urria, vbe ọ ma he sẹ ehe ne iran ye, iran na khuan khẹ ọre ne iran gbẹe rua.

Gẹnẹsis 37:28

Avbe obaghẹn ne ivbi e Midian ghi se evba, etẹn e Josẹf keghi si ẹe ladian vbe uhae, iran na khiẹn ọre agiẹghẹ e siliva ugie ne ivbi Ismẹl, iran na muẹn gha rrie Igipt.

Gẹnẹsis 42:17

Ọ ghi guan vberriọ nẹ, ọ keghi khui iran ye uwu ẹwẹdọ la ikpẹdẹ eha.

Gẹnẹsis 50:14

Ugbẹn vbe Josẹf ghi re erhae nẹ, ọ keghi werriegbe gha die Igipt kẹe kevbe etiọnrẹn kevbe iran hia ni lelẹe yo irorinmwi.

Gẹnẹsis 50:16

Iran keghi rhunmwuda ọnii gie uhunmwu gie Josẹf wẹẹ vbene erha ima te wu, ọ wẹẹ ne ima tama ruẹn wẹẹ,

Psalm 14:5

Sokpan, iran gha runran, rhunmwuda, Osanobua rrọ yaba iran ni họn ẹmwẹ ne ẹẹn.

Psalm 53:5

Sokpan, iran gha runran vbene iran ma he ka runran ẹdẹ. Rhunmwuda, Osanobua gha zagha ugboloko avbe eghian emwa rẹn. Osanobua he, iran nẹ, rhunmwuda ọnii, te Izrẹl ra wa khọn iran muotọ fẹẹrẹ.

Itan 28:1

Ọmwa dan ghi gha lẹ, vbene ọmwa rhọkpa ma na khu ẹe, sokpan ọmwa esi ghi din zẹ vbe oduma.

Levitikọs 26:36

“I gha runran uwa ni rre imu vbe ẹvbo ẹrrẹe sẹrriọ wẹ, owogho ebe ne ẹhoho mu khian ghi si ulẹ ye uwa egbe. Wa ghi rhulẹ zẹ vbene a miẹn wẹ odaro okuo ọre a na khu uwa khian, wa ghi vbe dele vbe eghian ma sikẹ uwa.

Ebe ne Pọl gbẹẹn gie emwa Rom 2:15

Uyinmwẹ iran rhie maa ighẹ a gbẹnnẹ egbe emwi ne Uhi ni ho ye ekhọe iran. Ekhọe iran vbe rhie maa wẹ ẹmwata ọna khin vbe ne a na miẹn wẹ, ekhọe iran zẹdia bu asẹ ne iran, ugbẹnso, ọ ghi vbe gha gu iran gui.