Gẹnẹsis 50:13 - Edo Bible (E Baibol Ẹdo) Version 1996

¹³ Iran keghi muẹn gha rrie Kenan, irran na ya rre ẹre ye uvun okuta vbe ako oha vbe Makpẹla vbe odẹ ọlarre ovẹn Mamrẹ, ne Ebraham gu Efrọn ne ọmwa Hiti dẹ ne a gha re orinmwi yọ.

Gẹnẹsis 50:13 ပူးပေါင်းရင်းမြစ်များ

Gẹnẹsis 23:20

Rhunmwuda ọnii ọ re otọe nii kẹe kevbe uvun okuta ne ọ rrọọ ne ọ te ka re ọghe emwa Hiti usin, na ghi do khian ọghe Ebraham zẹvbe itẹ.

Gẹnẹsis 23:9

ne ọ khiẹn uvun okuta Makpẹla ne ọ re ọghọe mẹ, ufomwẹ ako oha ẹre ọre ọ ye. Wa tama rẹn ne ọ khiẹn ọẹn mẹ vbe igho ne ọ wa khin vbe sirra uwa hia, ọ ghi gha re ọghomwẹ zẹ vbe itẹ.”

Gẹnẹsis 25:9

Ivbi ẹre ighẹ Aizik kevbe Ismẹl keghi re ẹre ye uvun okuta Makpẹla vbe otọe ne ọ te ka gha re ọghe Efrọn ne ovbi e Zoha ne Hiti vbe odẹ ahọ Mamrẹ.

Gẹnẹsis 35:27

E Jekọb keghi bu Aizik ne erha ẹe gha die Mamrẹ ne ọ rre ọkpẹn Hibrọn ehe ne Ebraham kevbe Aizik ka yin.

Gẹnẹsis 35:29

vbe ọ wu. Ọ keghi yaba emwa rẹn ni wulo nẹ vbe ọ wa khian ọ maẹn nẹ. Isọ kevbe Jekọb ne ivbiẹre keghi re ẹre.

Gẹnẹsis 46:4

I gha leluẹ gha rrie Igipt, I gha vbe viọ ivbi uniẹn ruẹn dọlegbe gha die emwa. E Josẹf gha rre ehe ne u ye vbe ẹghẹ ne u gha ya wu.”

Gẹnẹsis 47:30

I ho ne a mu mwẹ yotọ vbe ehe ne a vbe munọ avbe erha mwẹ yi. Mu mwẹ hin Igipt rre ne u vbe ya mu mwẹ ye idin iran.” E Josẹf keghi wanniẹn wẹẹ, “I gha ru vbene u khare.”

Gẹnẹsis 50:12

Erriọ ọ re ivbi Jekọb ru zẹ vbene ọ tama iran.

Gẹnẹsis 50:14

Ugbẹn vbe Josẹf ghi re erhae nẹ, ọ keghi werriegbe gha die Igipt kẹe kevbe etiọnrẹn kevbe iran hia ni lelẹe yo irorinmwi.

II Ọba 21:18

E Manasẹ keghi wu, a na re ẹre ye ogba ne ọ rre ẹguae ọghe Uza, ẹre Amọn ne ovbi ẹre na rriọba lele ẹe.

Iwinna 7:16

A keghi viọ ikun iran gha rrie Siẹkẹm, a keghi ya re iran ye idin ne Ebraham gu emwa Hamọ dẹ ha osa.