Gẹnẹsis 50:11 - Edo Bible (E Baibol Ẹdo) Version 1996

¹¹ Ugbẹn vbe emwa Kenan ghi miẹn iruemwi akhiẹ nii vbe Atad, iran keghi kha wẹẹ, “Iruẹmwi akhiẹ nekhuẹrhẹ ọghe emwa Igipt ọre ọna khin!” Ọ ni ọ zẹẹ ne a na gha tie evba nii Abel-mizrain.

Gẹnẹsis 50:11 ပူးပေါင်းရင်းမြစ်များ

Gẹnẹsis 13:7

Rhunmwuda ọnii, okhọn kegha rre ẹkpo emwa ni gbearoghe emwirri ọghe Ebram kevbe emwa ni gbearoghe ọghe Lọt, (Ẹghẹ ne a kha na, emwa Kenan kevbe emwa Pẹriz he ye rre otọe na).

Gẹnẹsis 24:6

Ebraham keghi wanniẹn wẹẹ, “Ghẹ gia miẹn wẹẹ u dọlegbe rhie ovbi mwẹ gha rrie odọ!

Gẹnẹsis 34:30

E Jekọb keghi khama Simiọn vbe Livai wẹẹ, “Wa si mwẹ fi uwu ẹmwẹ nẹ, banbanna nian, emwa ẹvbo na hia, emwa Kenan, Pẹriz, iran hia khọ ẹko mwẹ. Ikpia ne I mwẹ i bun; iran gha ku obọ gbe mu igbinna gunmwẹ, ke imẹ kevbe ẹgbẹe mwẹ hia, te iran ra miẹn ima uhunmwu.”

Gẹnẹsis 50:10

Ugbẹn vbe iran ghi sẹ ehe ne a na wiẹn ọka vbe Atad vbe olarre ovẹn Jọdan, iran keghi ru ugamwẹ irorinmwi ne ọ taẹn ẹsẹse, e Josẹf keghi ru iruemwi akhiẹ la ikpẹdẹ ihinrọn.

Gẹnẹsis 50:12

Erriọ ọ re ivbi Jekọb ru zẹ vbene ọ tama iran.

Diuteronomi 11:30

(Oke eva na odẹ orrie ọghe Jọdan ọ re iran ye vbe otọe Kenan vbe Ugboghodo e Jọdan, odẹ orrie ọ re iran ye vbọ, iran ma rrei gbe vbe erhan iruẹbọ e Morẹ vbe ọkpẹn ẹvbo Gilgal.)

Diuteronomi 3:25

E Nọyaẹnmwa, gun mwẹ fian Ẹzẹ Jọdan rra ne I miẹn ehe na miẹn otọe ne ọ ma emwi okọ ne ọ rre obọ nọkpa, ẹvbo oke ne mose mose nii, kevbe Oke Lebanọn.’

Diuteronomi 3:27

Gha rrie uhunmwu oke Pisga vbe ehe ne ọ sẹe ne u ghe odẹ okuọ kevbe ekẹn, ahọ kevbe orrie. Kakabọ gbe aro ke otọ ghe emwi ne u bẹghe rhunmwuda, wẹ i ra fian Jọdan rra.

I Samuẹl 6:18

Iran viọ avbe ofẹn igoru gha khian, ọkpọkpa vbọ kegha re ọghe ọkpọkpa vbe ẹvbo ne iran khaemwisẹ yan ighẹ enigie e Filistia nii, avbe ẹvbo ne a gbe ekẹn gaa, kevbe avbe igue ne a ma gbe ekẹn gaa. Okuta nọkhua ne ọ rre ugbo e Jọsua ne ovbi Bẹt Siemẹs ne iran mu Ẹkpẹti Ile e Nọyaẹnmwa yan, te ọ yerre evba banbanna zẹ vbe iyama ọghe emwi ne ọ sunu.