Gẹnẹsis 50:10 - Edo Bible (E Baibol Ẹdo) Version 1996

¹⁰ Ugbẹn vbe iran ghi sẹ ehe ne a na wiẹn ọka vbe Atad vbe olarre ovẹn Jọdan, iran keghi ru ugamwẹ irorinmwi ne ọ taẹn ẹsẹse, e Josẹf keghi ru iruemwi akhiẹ la ikpẹdẹ ihinrọn.

Gẹnẹsis 50:10 ပူးပေါင်းရင်းမြစ်များ

Gẹnẹsis 27:41

Ẹko Jekọb kegha khọ Isọ rhunmwuda ne erha ẹe na rhie afiangbe ẹnrẹn nẹẹn, ọ na rorẹe wẹẹ, “Ẹghẹ ne a gha ya khiẹ uwu erha mwẹ sotọ fo nẹ, ọ gha gbe rra nẹ I ghi gbe Jekọb rua.”

Gẹnẹsis 50:11

Ugbẹn vbe emwa Kenan ghi miẹn iruemwi akhiẹ nii vbe Atad, iran keghi kha wẹẹ, “Iruẹmwi akhiẹ nekhuẹrhẹ ọghe emwa Igipt ọre ọna khin!” Ọ ni ọ zẹẹ ne a na gha tie evba nii Abel-mizrain.

Gẹnẹsis 50:3

Ikpẹdẹ iyeva ọ re iran ya ruẹe zẹ vbene ẹghẹ ne a ya ka orinmwi ya wa vbe sẹ zẹẹ. Emwa Igipt keghi ye ikpẹdẹ ekigbesiyenẹ khiẹ ọre.

Gẹnẹsis 50:4

Ẹghẹ ne a khiẹ erhae la ghi fo nẹ, e Josẹf keghi khama emwa iwinna ọba wẹẹ,

Gẹnẹsis 50:9

Ikẹkẹ okhuae kevbe emwa ni hin ẹsin kevbe lelẹe, iran wa gha bun ẹsẹse.

II Samuẹl 1:17

E Devid keghi so ihuan na ya viẹ e Sọl kevbe Jonatan ne ovbi ẹre.

II Samuẹl 11:26

E Batsiẹba ghi họn ighẹ iran gbe ọdọ ẹre ua, ọ keghi khiẹ ọre.

I Krọnikol 10:12

iran ni din sẹ vbe uwu iran keghi ya viọ ikun e Sọl kevbe ọghe ivbi ẹre. iran keghi viọ gha rrie Gebẹs. Iran keghi re iran ye ẹzi okan, iran na khiẹ la ikpẹdẹ ihinrọn.

Job 2:13

Iran keghi gu ẹe tota ye otọ vba la avan ihinrọn kevbe asọn ihinrọn vbene iran ma na guan hiehiere rhunmwuda, iran miẹn wẹ obọ ọlọghọmwa ni da ẹe ẹsẹse.

Asan-Ibo 12:5

Ohan ehe ni yo hia ghi gha mu ẹẹn, owẹ ne a ya khian ghi do zẹ ẹbe nuẹn. Eto ruẹ ghi do khian nọfua. Vbe u ghi te do zẹ owẹ, ọ ghi ba kua, iro hia ghi wii. Ehe ikẹtin okiekie mwa ọ re ima ghi rrie na, akhiẹ ghi do gha rre idunmwu nii.

Nọmbas 19:11

Ọmwa ne ọ yobọ kan ọmwa ne ọ wu nẹ, ghi gha re ne awua gue la ikpeedẹ ihinrọn.

Nọmbas 20:29

Emwa nii keghi họn wẹ Errọn wu, iran keghi khiẹ ọre la ikpẹdẹ ọgban.

Iwinna 8:2

Emwa ni ya ekhọe ga eso keghi ya re Stivin, iran na keghi kakabọ viẹ ọe ẹsẹse.

Diuteronomi 1:1

Ẹmwẹ ni rre ebe na keghi re avbe ẹmwẹ ne Mosis gu ivbi Izrẹl guan ẹkpo ne iran na gha rre otọ ẹgbo vbe odẹ ahọ ọghe Ẹzẹ Jọdan. Iran kegha rre Iya ọghe Jọdan vbe ọkpẹn Suf, ẹvbo ne a tie ẹre Paran kegha rre iran obọ ọkpa, avbe ẹvbo ne a tie ẹre Tofẹl, Leban, Hazẹrot kevbe Dizahab kegha rre iran obọ nọkpa.

Diuteronomi 34:8

Ivbi Izrẹl keghi ye ikpẹde ọgban khiẹ ọre vbe otọe ne ọ rriẹe ọghe Moab. Ẹghẹ ne a ya khiẹ e Mosis keghi fo.

I Samuẹl 31:13

Iran keghi viọ ugboloko ni rrọọ, iran keghi re ẹre ye ẹzi erhan e tamarisk vbe ẹvbo nii, iran na khiẹ la ikpẹdẹ ihinrọn.