Gẹnẹsis 49:9 - Edo Bible (E Baibol Ẹdo) Version 1996

⁹ Te Juda yevbe oduma, ọ gha gbe emwi nẹ, ọ ghi dọlegbe la irhu. Ọ gha niẹn egbua, ọ ghi lovbiẹ a i miẹn ne ohan giẹe rrẹrrọe.

Gẹnẹsis 49:9 ပူးပေါင်းရင်းမြစ်များ

II Krọnikol 9:18

Ikpa owẹ ehan ọ re ọ rre nene ẹkete. A keghi vbe mu ukhuerhe ne a viọ owẹ yan ke ẹe, igoru ọ re a ya rhu ẹe. Ehe ne a viọ obọ yan kegha rre nene ẹkete obọ eveva. Ama oduma keghi vbe gha rre obọ eveva.

Ezikiẹl 19:5

Ọ keghi mudia rhinrin a to do miẹn wẹ idaehọ i ghi rrọ ọvbehe. Ọ keghi koko ọvbehe vbe uwu ivbi ẹre ọna keghi wan do khian oduma ne ọ khọ.

Hozia 5:14

I gha gu ivbi Izrẹl kevbe Juda gbinna zẹvbe oduma. Mẹ tobọ mwẹ ọ re ọ ra yanghan iran hẹkua. Ẹghẹ ne I gha na silo iran kpao, ọmwa ne ọ gha sẹtin miẹn iran fan i rrọọ.

Hozia 5:4

Emwi dan ne emwa ni ru ma ghi gie iran dọlegbe bu Osanobua iran gha dee. Ẹbọ ne a gho la iran uhunmwu nẹ, iran ma ghi vbe kha ighe iran rẹn e Nọyaẹnmwa.

Maika 5:8

A gha zagha iran lele uhunmwu ẹvbo, iran gha do yevbe oduma ni ru ohuẹ emwi ne ọ ra re vbe uwu ẹgbo ra oha ne aranmwẹ na rria: Ọ ghi la uwu ẹbu ohuan, ọ ghi san yan iran, ọ ghi yanghan iran ukhiọnmwẹ ukhiọnmwẹ, idaehọ ighe a gha miẹn ẹnrẹn fan i rrọọ.

Nọmbas 23:24

Te ẹvbo Izrẹl yevbe oduma ne ọ mwẹ ẹtin, ọ ma gbe yanghan re nẹ, ẹ i hẹwẹ, ọ te wọn esagiẹn iran ne irẹn gbele.”

Nọmbas 24:9

Ẹvbo na yevbe oduma ne ọ mwẹ ẹtin ọ gha vbiẹ, a i miẹn ne ohan gie ẹe huẹn ọnrẹn. Afiangbe nọ ne ọmwa ne ọ na erhunmwu ne Izrẹl, ne ọ fi Izrẹl unu, a gha fi ẹre unu.”

I Kọrinti 15:24

Vbe iyeke ọnii, ufomwẹ ghi do rre. Kristi ghi khọnmiotọ vbe uhunmwu ẹtin orhiọn hia ni rre asẹ, avbe ọdakha kevbe ẹtin, ọ ghi mu Arriọba nii ne Osanobua ne Evbavba.

Diuteronomi 33:20

Ọ keghi kha vbe ekpa ẹwae Gad wẹẹ: “Rho Osanobua ne ọ gie otọ iran gha kpolo. Gad mudia gha khẹ zẹ vbe oduma ne ọ yan obọ ọkpa ra ikpakpa uhunmwu fua.

Arhie Maan 5:5

Ẹghẹ nii ọre ọkpa vbe uwu avbe ediọn nii na khama mwẹ wẹ, “Ghẹ ghi viẹ! Ghe oduma ne ọ ke uniẹn Juda rre, ọmọ nọkhua ne ovbi uniẹn Devid, khọn miotọ nẹ, ọ gha rhan emwi ne a ya gha ẹe ihinrọn nii, ọ ghi vbe rhan ebe nii, ne a kiri.”