Gẹnẹsis 49:8 - Edo Bible (E Baibol Ẹdo) Version 1996

⁸ E Juda, avbe etuẹn gha tian ruẹn. We gba avbe eghian ruẹn ẹho mwẹ, avbe etuẹn gha ghughẹrre nuẹn.

Gẹnẹsis 49:8 ပူးပေါင်းရင်းမြစ်များ

Gẹnẹsis 27:29

Te iyaẹvbo nibun gha khian eguọmwadia ruẹ, ne emwa gha hie uhunmwu rre nuẹn. Te u gha khian arowa avbe etuẹn, ne uniẹn ivbi iyuẹ gha vbokho uhunmwu rre nuẹn. Ihẹn ọghe iran ni rhovbiọọ afiangbe ọghe iran ni fiangbuẹ.”

Gẹnẹsis 29:35

Ọ kevbe dọlegbe hanmwa, ọna vbe biẹ ọmọ okpia ọvbehe, rẹn keghi kha wẹẹ, “Vbe ẹghẹ na, I gha rho E Nọyaẹnmwa.” Rhunmwuda ọnii; ọ keghi he ẹre Juda. Ọ re ọ na fiọnmọ.

Gẹnẹsis 42:6

Zẹvbe enọkhaemwisẹ yan Igipt, e Josẹf ghi rre, iran keghi viọ ẹko rhu otọ vbe odaro ẹre.

Gẹnẹsis 46:12

Ivbi e Juda kegha re, Siẹla, Pẹrẹs kevbe Zẹra (sokpan Kenan ọ re Eri kevbe Onan na wulo). Ivbi e Pẹrẹs kegha re Hẹzrọn kevbe Hamul.

II Samuẹl 22:41

U ya iran ne eghian mwẹ lẹ mẹ, I fuẹn iran ni khuiwu mwẹ uan.

II Samuẹl 24:9

Iran keghi na iyẹn ma ọba vbene iran bun sẹ ighẹ avbe emwa ni gha sẹtin yo okuo hia: iran kegha re arriaisẹn uri enẹ (800,000) vbe Izrẹl, kevbe arriaisẹn iyisẹn yan uri eva (500,000) vbe Juda.

II Samuẹl 5:3

Rhunmwuda ọnii, avbe ọkaolotu ivbi Izrẹl hia keghi hu e Devid ne ọba gha die Hibrọn. Ọ keghi ye egbe ye ulamwẹ ba iran, iran keghi ma ẹre ọba ọghe Izrẹl.

I Krọnikol 28:4

E Nọyaẹnmwa ne ọ re Osanobua Izrẹl keghi zẹ mwẹ kevbe ivbi uniẹn mwẹ ne a gha khaemwisẹ yan Izrẹl ẹdẹdẹmwẹdẹ, ọ keghi zẹ ẹwae Juda ne iran gha rhie ọkaolotu ladian rre, ọ keghi zẹ ẹgbẹe erha mwẹ vbe Juda. Ọ kevbe ye ọre ne ọ zẹ mwẹ vbe uwu ẹgbẹe ni hia ne ọ ya mwẹ rriọba Izrẹl hia.

I Krọnikol 5:2

Sokpan, ọ rhe ye vberriọ, ẹwae Juda ọ re ọ do wegbe sẹ, ọ na biẹ enọ khaemwisẹ ne ẹwae ni hia.)

II Krọnikol 14:8

Asa ne ọba keghi mwẹ ivbiyokuo ne ivbi e Juda arriaisẹn iyisẹn eha (300,000) ne a viọ asoro kevbe asa ne a ya gbinna na, arhin arriaisẹn iyenẹ yan uri (280,000) vbe ivbi e Bẹnjamin ne a viọ asa kevbe uhanbọ na. Iran na hia kegha re emwa ni din kevbe ne a vbe ma ẹre emwi ẹsẹse.

II Krọnikol 15:9

Emwa ni bun keghi ke Ifreim rre, Manasẹ kevbe Simiọn, iran keghi do yegbe ba Asa, iran kegha rre otọ arriọba ẹre rhunmwuda, iran miẹn ọẹn wẹ e Nọyaẹnmwa yaba ẹre. Asa keghi gie ne a tie iran hia, emwa e Juda kevbe Bẹnjamin.

II Krọnikol 17:2

Ọ keghi ya viọ ivbiyokuo ye avbe ẹvbo ne a gbe odin gaa vbe Juda, vbe otọ e igue ni lẹga e Juda ke avbe ẹvbo ne a Asa khọn munọ vbe otọe Ifreim.

II Krọnikol 30:11

Sokpan, a keghi ye miẹn eso vbe ẹwae Asiẹ, e Manasẹ kevbe Zẹbulọn ni gha ho ne iran rrie Jerusalẹm.

Psalm 76:1

A rẹn Osanobua vbe Juda a vbe ya ọghọ ne eni ẹnrẹn vbe Izrẹl.

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Ezikiẹl 21:29

ohoghe ọ re umian ne uwa miẹn khin. Ẹmwẹ ne uwa ta yotọ khẹ ọ dee, ohoghe nọ. Emwa dan ne ekhọe dan ọ re uwa khin, ẹdẹ uwa wa vbe dee, ẹdẹ ne a ra rri uwa oya ne okiekie, umozo gha de ye uwa ẹyaẹn.

Nọmbas 10:14

Ẹghẹ ne iran a rhirhi ya si okhian, iran ni rre ototọ asa ọghe oka ne Nasọn, ne ovbi Aminadab na re ọkaolotu, ọ re ọ ke odaro, otu otu ọre iran ya khian,

Nọmbas 26:22

Emwa ni rre avbe uniẹn na kegha re iyisẹn yan uri eva yan arriaisẹn enẹirrọ vbe iyenẹ (76,500).

Diuteronomi 33:7

Ọ keghi kha vbe ekpa ọghe Juda wẹẹ: “E Nọyaẹnmwa họn urhu iran ne iran ya nọ iyobọ. ne u vbe ku iran gbe ba ẹwae nekpa e Nọyaẹnmwa, gbinna ne iran ne u vbe yi iran obọ yan eghian iran.”

Hibru 10:13

Rẹn mudia khẹ ẹghẹ ne Osanobua gha ya viọ eghian rẹn ye ọre atataowẹ zẹ vbe ukhuerhe ne a viọ owẹ yan.

Hibru 7:14

Agbọn hia rẹnrẹn ighẹ uniẹn Juda rẹn la rre. Mosis ma ye unu kan uniẹn na vbe ẹghẹ ne ọ na gha ta ẹmwẹ avbe ohẹn.

Jọsua 10:24

Iran ghi viọ avbe ọba nii sẹ ehe ne Jọsua ye nẹ, ọ keghi tie ivbi Izrẹl hia rriegbe, ọ na tama avbe emwa iwinna rẹn ni lele ẹe gha khian wẹẹ, “Wa larre, wa viọ owẹ uwa yan ẹyaẹn avbe ọba na.” Iran keghi ru vberriọ.

Jọsua 15:20

Avbe otọe ni sẹ avbe ẹgbẹe ni rre Juda obọ ena khin.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 5:5

Ẹghẹ nii ọre ọkpa vbe uwu avbe ediọn nii na khama mwẹ wẹ, “Ghẹ ghi viẹ! Ghe oduma ne ọ ke uniẹn Juda rre, ọmọ nọkhua ne ovbi uniẹn Devid, khọn miotọ nẹ, ọ gha rhan emwi ne a ya gha ẹe ihinrọn nii, ọ ghi vbe rhan ebe nii, ne a kiri.”

Giọgis 20:18

Ivbi Izrẹl kegha rrie owa ugamwẹ vbe Bẹtẹl. Iran na ya nọ Osanobua vbe evba wẹẹ, “De ẹwae ne ọ gha ka dekun e Bẹnjamin?” E Nọyaẹnmwa keghi wanniẹn wẹ, ẹwae Juda.