Gẹnẹsis 49:29 - Edo Bible (E Baibol Ẹdo) Version 1996

²⁹ Ẹre Jekọb na yi iyi ne iran wẹẹ, “Te I ghi ra ya deba avbe emwa mwẹ ni wu nẹ nian, wa ghi ya re mwẹ ba avbe erha mwẹ vbe uvun okuta ne ọ rre ako oha Efrọn ne ọmwa Hiti.

Gẹnẹsis 49:29 ပူးပေါင်းရင်းမြစ်များ

Gẹnẹsis 15:15

A gha re rue vbe u gha ghi tọ sẹ nẹ ẹsẹse.

Gẹnẹsis 23:16

Ebraham keghi kue yọ, ọ keghi ya mwa igho ne Efrọn nọ rẹn sirra emwa nii, ọ kegha re agiẹghẹ esiliva uri eva (400) zẹ vbe ne emwa ni do ẹki vbe ya mwa emwi vbe odẹ nọ gbae sẹ.

Gẹnẹsis 23:17

Erriọ ọre ewe ne ọ te re ọghe Efrọn vbe Makpẹla ne ọ rre odẹ ahọ ọghe Mamrẹ do ya khian ọghe Ebraham. Ọ keghi dẹ otọe nii kẹe kevbe uvun okuta ne ọ rrọọ, kevbe erhan hia nii rre otọe nii ya sẹ eke ne ọ ghi sẹ.

Gẹnẹsis 23:20

Rhunmwuda ọnii ọ re otọe nii kẹe kevbe uvun okuta ne ọ rrọọ ne ọ te ka re ọghe emwa Hiti usin, na ghi do khian ọghe Ebraham zẹvbe itẹ.

Gẹnẹsis 23:9

ne ọ khiẹn uvun okuta Makpẹla ne ọ re ọghọe mẹ, ufomwẹ ako oha ẹre ọre ọ ye. Wa tama rẹn ne ọ khiẹn ọẹn mẹ vbe igho ne ọ wa khin vbe sirra uwa hia, ọ ghi gha re ọghomwẹ zẹ vbe itẹ.”

Gẹnẹsis 35:27

E Jekọb keghi bu Aizik ne erha ẹe gha die Mamrẹ ne ọ rre ọkpẹn Hibrọn ehe ne Ebraham kevbe Aizik ka yin.

Gẹnẹsis 35:29

vbe ọ wu. Ọ keghi yaba emwa rẹn ni wulo nẹ vbe ọ wa khian ọ maẹn nẹ. Isọ kevbe Jekọb ne ivbiẹre keghi re ẹre.

Gẹnẹsis 47:30

I ho ne a mu mwẹ yotọ vbe ehe ne a vbe munọ avbe erha mwẹ yi. Mu mwẹ hin Igipt rre ne u vbe ya mu mwẹ ye idin iran.” E Josẹf keghi wanniẹn wẹẹ, “I gha ru vbene u khare.”

Gẹnẹsis 49:28

Enena ọrọre ẹwae iweva ni rre Izrẹl, ena ọ vbe re ẹmwẹ ne erha iran tama iran. Vbe ehe ne ọ na ya ẹmwẹ ne ọrhiẹnrhiẹn gbe ọ khian ẹdẹ hia ne iran.

Gẹnẹsis 49:33

E Jekọb ghi ru igiodẹ ma ivbi ẹre nẹ, ọ keghi ya iyeke ho otọ, ọ na zẹ ukpọn obọ.

Gẹnẹsis 50:12

Erriọ ọ re ivbi Jekọb ru zẹ vbene ọ tama iran.

Gẹnẹsis 50:13

Iran keghi muẹn gha rrie Kenan, irran na ya rre ẹre ye uvun okuta vbe ako oha vbe Makpẹla vbe odẹ ọlarre ovẹn Mamrẹ, ne Ebraham gu Efrọn ne ọmwa Hiti dẹ ne a gha re orinmwi yọ.

II Samuẹl 19:37

U ghi gun mwẹ dọlegbe gha rrie owa ne I ya wu vbe ehe ne ọ diake idin avbe evbibiẹ mwẹ. Ghe ovbi mwẹ ighẹ Kimham rhie ẹre mwẹ obọ gha khian Umogun, ne ọ gha ga a, u ghi ru emwi ne ọ ghi yẹ ruẹ ne ẹẹn.”

Hibru 12:23

Wa kegha die uwu ẹbu oghọghọ ivbi Osanobua nii, ke aro emwa ne a gbẹnnẹ eni iran ye otọ vbe ẹrinmwi. Wa keghi hu Osanobua ne ọre ne ọ bu ohiẹn emwa hia gha dee ke ẹe kevbe orhiọn avbe emwa ẹmwata ne a ya khian ne ọ fo na.