Gẹnẹsis 49:27 - Edo Bible (E Baibol Ẹdo) Version 1996

²⁷ Oduma ne ọ gbe emwi ọre Bẹnjamin khin, ota vbe owiẹ ọ re ọ ya gbe emwi re.”

Gẹnẹsis 49:27 ပူးပေါင်းရင်းမြစ်များ

Gẹnẹsis 35:18

Te ọ ghi ra kpan udu, ugbẹn vbe ọ ghi ra wa kpan udu, ọ keghi he ovbi ẹre ọmọ okpia nii Benoni sokpan erha ẹe keghi he ẹre Bẹnjamin.

Gẹnẹsis 46:21

Ivbi e Bẹnjamin kegha re Bẹla, Bẹkia, Asbẹl, Gera, Naaman, Ẹhi, Ros, Mupim, Hupim kevbe Ad.

Gẹnẹsis 49:26

A fiangbe ọghe ọka kevbe obobo afiangbe ọghe avbe oke nẹdẹdẹ emwi ose ọghe avbe oke etẹbitẹghori te ehia gha mudia vbe uhunmwu e Josẹf ye uharo ọmwa ne a zẹ ọre ughaẹn, vbe ẹbu avbe etiọnrẹn nikpia.

Gẹnẹsis 49:28

Enena ọrọre ẹwae iweva ni rre Izrẹl, ena ọ vbe re ẹmwẹ ne erha iran tama iran. Vbe ehe ne ọ na ya ẹmwẹ ne ọrhiẹnrhiẹn gbe ọ khian ẹdẹ hia ne iran.

Jerimaia 5:6

Onii ọ sii ẹe ne oduma gha na ke uwu ẹgbo rre do gbele iran an. Akpakomiza gha ke uwu ato rre do yanghan iran an, atalakpa ghi do gha ru ohuẹ vbe ore iran. Avbe emwa nii gha ladian, a gha yanghan iran an, rhunmwuda orukhọ iran bun. Iran keghi fi iyeke gbe Osanobua yan egbe yan egbe.

Ezikiẹl 22:25

Avbe ọkaolotu yevbe avbe oduma ni vannọ yan atita ne iran gbe nẹ. Iran gha gbele emwa ni nẹ, iran ghi viọ igho kevbe emwi iran ne obọ iran vbare, rhunmwuda ne iran na de izigha, te ikhuo ni i mwẹ ọdọ ghi kpọ.

Ezikiẹl 22:27

Avbe ewọe oga ọba yevbe avbe oduma ni wa zanzan aranmwẹ ne iran gbe. Iran de izigha ne iran miẹn ehe na họn ẹfe.

Zẹfanaia 3:3

Avbe ekhaẹmwẹ ọnrẹn yevbe oduma ni tulo wauwauwau. Iran ni buohiẹn ni rrọ yevbe akpakomiza ne ohanmwẹ gbe, ne obọ da sẹrriọ wẹ ẹ i ghi sẹtin sẹ ugboloko ọkpa rae khẹ owiẹ nọkpa.

Nọmbas 23:24

Te ẹvbo Izrẹl yevbe oduma ne ọ mwẹ ẹtin, ọ ma gbe yanghan re nẹ, ẹ i hẹwẹ, ọ te wọn esagiẹn iran ne irẹn gbele.”

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.

Matiu 7:15

“Wa gha ba avbe akhasẹ ohoghe. Iran gha mu akpa ohuan khuẹrhẹ yọ bu uwa rre, sokpan oduma dan iran wa khọ vbe uwu egbe.

Iwinna 20:29

Rhunmwuda mẹ rẹn ighẹ I gha ghi kpao nẹ nian, avbe oduma ne isamwisan gha la uwu uwa, iran i ra fi yi vbe avbe ohuan.

Iwinna 8:3

Sokpan e Sọl kegha hia ne ọ wa fuẹn esọsi rua fẹẹrẹ, ọ na gha ke owa ọkpa la ọvbehe, ọ na gha munọ emwa ni yayi hia ikpia kevbe ikhuo, ọ na gha hẹ iran ku ẹwẹdọ.

Iwinna 9:1

Vbe uwu ẹghẹ ne a kha na, e Sọl keghi wa gha yan dunmwu ẹgun vbe ne irẹn gha gbele avbe erhuanegbe Nọyaẹnmwa hẹ. Ọ keghi bu Ogie Ohẹn gha khian.

Diuteronomi 33:12

Ọ keghi kha vbekpa ẹwae Bẹnjamin wẹẹ: “Ewae ne Nọyaẹnmwa ho ẹmwẹ ọnrẹn ne ọ vbe degue ẹdẹgbegbe iran ya rrọọ vbe a i mwẹ ẹbe vbe odaro ẹre. Ọ keghi vbe di uwu ẹbu iran ya.”

Filipai 3:5

Ọ rre uzọla ọkpa ne a biẹ mwẹ ọre a na rhuẹ mwẹ, ovbi eseserese Izrẹl ọre I khin, uniẹn ọghe Bẹnjamin, ovbi e Hibru na ma gua esagiẹn ọnrẹn. A gha wẹ ne a ta ọghe Uhi avbe Ju ne a ya ru emwi, e Farisi ọre I gha khin.

Giọgis 20:21

Ivbi iyokuo e Bẹnjamin keghi ke adesẹ ore ẹvbo ladian vbe ẹdẹ ghi te gbe, iran keghi gbele arriaisẹn eva yan ugie (22,000) vbe ivbi iyokuo Izrẹl.

Giọgis 20:25

Vbe ukpogieva na, emwa Bẹnjamin kevbe ladian ke Gibea gha dee, iran kevbe gbele arriaisẹn eva i rrọvbugie (18,000) vbe ivbi iyokuo ne a ma re emwi vbe ivbi Izrẹl.